Connect with us

НБРМ

Главниот економист на Народната банка, Крстевска: Со постепеното затегнување на основната камата се води сметка за економијата

Објавено

на

„Затегнувањето на монетарната политика треба да биде приспособено на условите во економијата и во практиката е позастапено постепеното затегнување. Постепеното затегнување е и попредвидливо за банките, од кои се очекува да ги следат сигналите и постепено да ги приспособуваат депозитните каматни стапки. Народната банка применува постепено зголемување на каматната стапка, со кое изминативе месеци се укажува на ризиците околу инфлацијата и следствено се преземаат мерки, а воедно се води сметка и за економијата“, вели главниот економист на Народната банка, Анета Крстевска, во интервју за весникот „Вечер“.

„Покрај зголемувањето на основната каматна стапка, Народната банка презеде и други мерки со кои исто така влијае врз банкарскиот систем и економијата (промените во стапките на задолжителната резерва, поточно намалувањето на издвојувањето задолжителна резерва за денарските обврски и зголемувањето на издвојувањето за девизните обврски на банките). Да истакнеме дека со мерката за ослободување на банките од задолжителната резерва за новоодбрените кредити за зелени финансии, се поттикнува како кредитирањето, така и трансформацијата на економијата кон поголемо користење обновливи извори на енергија, што е клучно во овој кризен период“, вели Крстевска.

Крстевска истакнува дека, во сегашните околности околу инфлацијата, особено е важно да се стабилизираат очекувањата, односно да се обезбедат услови за поставување реални цени на производите од страна економските субјекти – цени коишто се реален одраз на тековните трошоци. Стабилизацијата на инфлациските очекувања на потрошувачите, од друга страна, треба да обезбеди ограничување на дополнителната побарувачка и создавањето залихи, што исто така може да ја подгрее инфлацијата.

„Од овие причини, централните банки ширум светот гледаат потреба да придонесат за стабилизирање на инфлациските очекувања, како неопходен предуслов за зауздување на инфлацијата. Преку монетарното заострување, се праќа порака за ограничување на какви било притисоци врз цените од страна на побарувачката и се придонесува кон создавање амбиент во којшто економските субјекти се однесуваат рационално, а не според согледувањата и „подгреаните“ очекувања. Се чини дека во моментов централните банки и меѓународните финансиски институции се обединуваат во борбата околу инфлацијата како најголем глобален проблем, од којшто зависат изгледите за раст. Имено, да не заборавиме дека токму ценовната стабилност е најдобриот амбиент за инвестиции и економски раст“, вели Крстевска.

Крстевска посочува дека иако е тешко да се зборува за натамошното движење на инфлацијата во овие исклучително неизвесни глобални околности, сепак од значење за идната патека на инфлацијата е фактот што проекциите за глобалната инфлација од сите меѓународни институции упатуваат на нејзино забавување во текот на 2023 година. Тоа е поддржано од зајакнатите напори низ европските економии, но и регионот, за трансформација на енергетскиот сектор и премин кон обновливи извори на енергија, како и веќе преземените монетарни мерки ширум светот за зауздување на инфлацијата и инфлациските очекувања, вели Крстевска.

НБРМ

Ангеловска-Бежоска на конференција на ММФ и ХНБ: Структурни реформи и пристап до меѓународно финансирање за поддршка на растот на регионот

Објавено

на

Според последниот извештај на Светскиот економски форум, ризикот од фрагментација на глобалната економија (деглобализација) е еден од трите најголеми глобални ризици, заедно со кризата на трошоците на животот и климатските ризици. Процесот на деглобализација може особено неповолно да делува на малите економии коишто по својата природа се повеќе зависни од надворешна трговија и пристап до надворешно финансирање. Ова беше дел од дискусијата на гувернерката на Народната банка, Анита Ангеловска-Бежоска, на тркалезната маса којашто ја водеше директорката на ММФ, Кристалина Георгиева, во рамките на конференцијата под наслов „Водење политики во немирни води: Јакнење на отпорноста на Централна, Источна и Југоисточна Европа“, во организација на Хрватската народна банка (ХНБ) и Меѓународниот монетарен фонд (ММФ). Конференцијата ја отвори директорката на ММФ, Кристалина Георгиева, заедно со премиерот на Република Хрватска, Андреј Пленковиќ и гувернерот на Хрватската народна банка, Борис Вујчиќ. (more…)

Продолжи со читање

НБРМ

Гувернерката Ангеловска-Бежоска на конференција од висок профил во Хрватска во организација на ХНБ и ММФ

Објавено

на

Гувернерката на Народната банка, Анита Ангеловска-Бежоска учествува на конференција во организација на Хрватската народна банка (ХНБ) и Меѓународниот монетарен фонд (ММФ), која се одржува од 2 до 3 јуни во Дубровник, Хрватска. Конференцијата насловена „Водење политики во немирни води: Јакнење на отпорноста на Централна, Источна и Југоисточна Европа“, е настан од висок профил, кој традиционално обединува гувернери, министри за финансии од регионот на ЦИЈЕ и високи претставници на меѓународни финансиски организации, а оваа година учество ќе земе и претседателката на Меѓународниот монетарен фонд, Кристалина Георгиева. (more…)

Продолжи со читање

НБРМ

Народната банка им ги пренесува искуствата за изготвување статистика на финансиските сметки на другите централни банки

Објавено

на

Народната банка, покрај тоа што е посветена на развојот на институционалниот капацитет на своите вработени, ги пренесува и своите знаења, професионално искуство и најдобри практики во областите коишто се предизвик за другите институции во земјите од Југоисточна Европа и пошироко. Директорката на Дирекцијата за статистика при Народната банка, Снежана Јанеска-Поповска, учествуваше како предавач на Работилницата за финансиската статистика, во организација на Центарот за извонредност во финансиите (ЦЕФ), меѓународна организација којашто функционира како центар за размена на знаења и соработка во нашата конституенца. Темите што се обработуваа на Работилницата се однесуваа на различните практични и концептуални аспекти на составувањето на статистиката на финансиските сметки, со осврт на секторите и финансиските инструменти, конзистентноста на националните секторски сметки, изворите на статистички податоци, изготвувањето податоци за состојбите и тековите, преку искуствата на неколку европски централни банки, ЕЦБ и ММФ. (more…)

Продолжи со читање

Популарно