Кинеската банка CCB успеа да надмине 50 милијарди долари во трансакции, најмногу благодарение на примената на новата напредна платформа која е базирана на блокчејн технологија. Новата платформа BCTrade 2.0 беше лансирана во април 2018 година и користи напредни блокчејн инструменти за банкарски трансакции на клиентите на Chinese Construction Bank, па така за прв пат сумата достигна до импресивни 53 милијарди долари обрт што покажува дека инвестициите на банките во нови технологии дава резултат.

CCB дава голема поддршка на кинеските извозни фирми, па така голем дел од трансакциите се однесуваат токму на нив со што извозот значително се подобрува, како и брзината на трансакции помеѓу други финансиски и нефинансиски институции, потенцираат од раководството.

Платформата со блокчејн способности нуди факторинг и други видови на среднорочни извори на финансирање на компаниите на кои им треба свеж капитал за да ги зајакнат извозните активности, особено во периоди кога имаат засилени нарачки или пак планираат пазарна експанзија.

Со платформата управува подружницата Jianxin Financial Services со фонд на располагање од 230 милиони долари за оперирање и одржување на BCTrade 2.0. Оваа фин-тек компанија која е со седиште во Шангај исто така беше формирана во април минатата година.

„Овој потег е во согласност со економскиот план на Кина за промовирање на трговијата во рамките на иницијативата за Еден пат еден појас и за развој на реалната економија во земјата“, се вели во изјавата на банката.

Сите четири големи државни комерцијални банки во Кина – CCB, Индустриска и Комерцијална банка на Кина, Банка на Кина и Земјоделска банка на Кина – започнаа иницијативи за финансиски услуги базирани на блокчејн во изминатите две години.

ICBC, најголемата банка во светот по средства, ја искористи својата блокчејн платформа за да им помогне на малите и средни компании во факторинг-трансакциите. Банката стигна до бројка од 1.300 корисници со трансакции од 6,4 милијарди долари во првите девет месеци од нејзиното работење кое започна во минатиот февруари.

Банката на Кина го обработи својот прв меѓународен трансфер на пари во Јужна Кореја во долари преку својот патентиран систем на плаќање базиран на блокчејн минатиот август, додека пак Земјоделската банка на Кина им помогна на земјоделците да тргуваат преку интернет со користење на својот систем за финансирање на средства за електронска трговија во август 2017 година.

Централната банка на Кина започна да ја води платформата за трговија со финансии во септември 2018 година, за да им помогне на малите и средни компании да стигнат до финансии во областите меѓу Хонг Конг, Макао и провинцијата Гуангдонг во јужна Кина.

Повеќето кредитни институции во еврозоната се добро подготвени доколку клиентите се одлучат за нагло повлекување на своите депонирани пари. Во принцип, ликвидната состојба на банките во еврозоната е „удобна“ и покрај некои слабости, велат супервизорите на Европската централна банка, кои спроведоа специјален стрес-тест во кој учествуваа 103 финансиски институции. (more…)

Глобалниот банкарски гигант HSBC според повеќе извори планира да скрати 10 илјади работни места со цел да ги намали трошоците, а со тоа ќе скрати на речиси 5% од својата работна сила во сите 7500 експозитури во над 80 земји низ светот.

Главните причини за оваа радикална одлука се ниските каматни стапки, големата неизвесност околу Брегзит како и глобалните тарифни војни кои ги водат САД и Кина што влијаат врз економската нестабилност.

Процесот на отпуштања ќе го води Ноел Квин како привремен извршен директор кој на оваа позиција го замени Џон Флинт, а претходно беше директор на глобалната комерцијална банка. Флинт како главен извршен директор беше само 18 месеци по што со заедничка согласност со HSBC ја напушти престижната функција.

HSBC иако во август имаше експанзија на бизнисот сега ќе додели откази на претежно сениорски позиции кои се повисоко платени и планира помала глобална активност во наредниот период со негативни прогнози за економскиот раст на светската економија. Слични потези се очекува да преземат и најголемите германски банки.