Германија денеска најави дека речиси ќе го преполови надоместокот за обновливи извори на енергија за да им помогне на домаќинствата да ги платат високите сметки за електрична енергија, објавија операторите на преносните системи.

Надоместокот се наплатува според Законот за обновливи извори на енергија (ЕЕГ), изнесува една петтина од сметките за електрична енергија, а приходите се насочуваат кон производителите на соларна и ветерна енергија.

Од почетокот на следната година, тој ќе се намали за 42,7 проценти, на 3.723 евра за киловат-час. Владата го намали минатата година, за 3,9 проценти, за да и помогне на економијата да ја надмине корона-кризата
Владата ќе им надомести на производителите на обновлива енергија за намалениот приход со уплата од 3,25 милијарди евра.

Помош за граѓаните во плаќањето повисоки сметки за струја и гас најавија и Франција, Италија, Шпанија, Грција и Полска.

Цените на електричната енергија нагло пораснаа оваа година, по зголемувањето на цените на бензинот поради ниските залихи и наглото закрепнување на побарувачката во економијата која се опоравува од пандемиската криза.

Ценовниот шок на струјата кој во моментов ја тресе целата индустрија се актуелни и кај нас. Граѓаните кои и онака се на работ на егзистенција секојдневно слушаат и читаат новости за поскапување на електричната енергија, поскапување на горивата, но и за најавената висока инфлација со која ќе поскапат цените на сите добра.

Но, надлежните остануваат неми по овие прашања без конкретни мерки за справување со најавената криза. Кога можеби самите не сме способни за пронаоѓање на соодветни решенија, би требало да го следиме примерот на Германија!?