Лични финансии
Генерали Инвестментс советува: Неопходен е избалансиран пристап кон инвестициите, со поголема изложеност кон индустриите кои подобро ја преживеале кризата

Портфолио менаџерите во Генерали Инвестментс составија резиме за тековните случувања кои влијаат врз пазарот на капитал и актуелни совети за инвеститорите.
Преглед на моменталните случувања:
-Бројот на заразени со новиот коронавирус сè уште расте. На глобално ниво се поставуваат нови рекорди за бројот на заболени од ден на ден, а особено лоши податоци доаѓаат од најголемата светска економија САД. Напредокот во техниките за третман на болеста и демографската слика на заразените (особено помладите) се главните причини зошто и покрај зголемувањето на бројот на заболени, процентот на пациенти со тешка манифестација на болеста е релативно мал. Охрабрувачки вести доаѓаат од научни кругови каде досегашните тестирања на нови потенцијални вакцини против САРС-КоВ-2 ги исполнуваат очекувањата, а според најоптимистичките сценарија првите количини на вакцини би можеле да се добијат до крајот на оваа година.
-Изминатиот период многу се зборуваше за нов бран државна помош за борбата против негативните последици од пандемијата. Европските лидери постигнаа договор минатата недела за пакет помош од 750 милијарди евра. Нов договор се очекува и во САД бидејќи крајот на првиот пакет државни субвенции наменети за засегнатите компании и поединци кои ги загубија своите работни места се приближува многу брзо. Првиот пакет државна помош истекува на крајот на јули, што значи дека Сенатот мора да одобри дополнителни 1 трилион американски долари државна помош до крајот на оваа недела. Дополнителното создавање пари на „хартија“ доведе до нешто поголеми стравувања кај учесниците на пазарите на капитал од „девалвацијата“ на американската валута што доведе до тоа американскиот долар да ја намали својата вредност во последните денови во однос на другите светски валути. Идентичен поттик ги натера инвеститорите да инвестираат во злато чијашто вредност на берзата бргу се приближува до 2000 американски долари за унца.
-Дипломатските односи меѓу САД и Кина дополнително се влошија. САД го „затворија“ кинескиот конзулат во Хјустон, а Кина одговори со „затворање“ на американскиот конзулат во Ченгду. Зголемувањето на геополитичкиот ризик како и растот на бројот на инфицираните доведе до пад на берзите на крајот на минатата недела, а трендот веќе се сврте во понеделникот. Релаксираната монетарна политика во моментов е најјаката сила на пазарите со која не е мудро да се натпреварува.
-Влегуваме во период на објавување на деловни резултати за второто тримесечје на 2020 година. На крајот на јули најголемите американски технолошки компании ќе ги објават своите деловни резултати што исто така е и главната причина за растот на американскиот берзански индекс. Дали технолошките акции и покрај високите вреднувања ќе останат на овие историски високи нивоа ќе зависи од постигнатите резултати и пред сè од деловната прогноза во втората половина на годината.
Совети за инвеститорите:
-Ги одржуваме веќе презентираните препораки. Одредени индустрии и акции се скапи, но со слично скапи обврзници и негативни банкарски инструменти инвеститорите немаат вистинска алтернатива така што нема време за екстреми во портфолијата. Не се препорачува целото портфолио да биде инвестирено во акции, обврзници или пари. Ликвидносната поддршка за обврзниците и за акциите продолжува и ги принудува цените да растат. Овој тренд може да продолжи. И покрај добрите податоци, ситуацијата на светската економија е сè уште релативно слаба и иднината е нејасна, а политичката неизвесност расте особено пред изборите во САД. Затоа е неопходен избалансиран пристап кон инвестициите, со поголема изложеност кој индустриите кои подобро ја преживеале оваа криза и каде вреднувањето не е претерано. Ова главно вклучува здравствена заштита, потрошувачка и нега, додека делови од технолошката индустрија остануваат скапи. Ве советуваме за поголема претпазливост кај технолошкиот сектор. Инвеститорите кои се над просекот изложени кон технологијата треба да размислат за повлекување на дел од профитот и реструктурирање на портфолиото. Пазарите остануваат непредвидливи и очекуваме да расте волатилноста. Диверзификација на портфолиото е неопходен чекор за намалување на ризикот. Долгорочните инвеститори треба да продолжат со периодични плаќања, а оние кои би инвестирале поголема сума, треба да ја распоредат во подолг временски период. Пазарите може да продолжат да растат како резултат на сегашниот оптимизам и дополнителните стимулативни мерки, но не се исклучуваат длабоки привремени корекции. Многу зависи од развојот на пандемијата и меѓународните односи, што може да доведе до умерен оптимизам на пазарите да се врати во областа на песимизмот кои можат да доведат до посилна корекција на берзите. Да не заборавиме дека дури и за време на првиот бран пазарите растеа во февруари кога веќе беше повеќе од очигледно дека пандемијата е реална и ќе има силно влијание врз економијата. Трезвеноста дојде само во март. Бидејќи цените на некои акции пораснаа нагло во последните неколку месеци и профитите на хартија се големи, можното враќање на трендот ќе донесе брза и длабока корекција.
Лични финансии
Четири чекори кои водат до стабилни лични финансии

Четирите чекори кои водат до стабилни лични финансии можеби изгледаат како „чекор од седум милји“, но во реалноста не е толку тешко да се постигнат. (more…)
Лични финансии
Десет навики на луѓето со најголема самодоверба

Ko-oсновачот на компанијата Sky Bell, Ендрју Томас, ги сподели своите искуства и размислувања за кои верува дека луѓето кои сакаат да градат доверба е потребно да ги имаат. (more…)
Лични финансии
Како најдобро да ги користите платежните картички додека сте на одмор?

Човек на одмор може целосно да се опушти, а таа ситуација лесно може да доведе до заборавање на провизиите и каматите за плаќање со кредитни картички. За платежните картички да не ви прават главоболки понатаму, прочитајте ги следниве корисни совети како најдобро да ги користите додека сте на одмор. (more…)
- Анализипред 2 weeks
8 МАРТ АНАЛИЗА: Колку се застапени жените во Управните одбори на банките во Македонија?
- Анализипред 2 months
ТЕШКА ГОДИНА – РЕКОРДНИ ПРОФИТИ: Трите најголеми македонски банки со добивка од 117 милиони евра во 2022 година
- Банкипред 2 weeks
Оглас за вработување во НЛБ Банка АД Скопје
- Банкипред 2 weeks
Оглас за вработување во УНИБанка АД Скопје
- Интервјуапред 2 months
Очекувања 2023 година | МИЛКА ТОДОРОВА, УНИБанка АД СКОПЈЕ
- Интервјуапред 2 months
Очекувања 2023 година | Д-Р БИЛАЛ СУЏУБАШИ, ХАЛКБАНК АД СКОПЈЕ
- Банкипред 1 week
Оглас за вработување во Комерцијална банка АД Скопје
- Банкипред 3 weeks
Оглас за вработување во Комерцијална банка