Во текот на вчерашниот ден, најпознатата криптовалута биткоин го достигна своето највисоко ниво за оваа година, а исто така и во последните пет месеци. Утрото, цената на биткоинот достигна 10.489,78 долари, што е највисоко ниво од септември, покажуваат податоците на „Coindesk“.

Од почетокот на оваа година, најпопуларната криптовалута ја зголеми својата вредност за високи 44 проценти.

Ова го продолжи растечкиот тренд на вредностите на биткоините и во февруари, откако јануари беше најдобар за дигиталната валута во последните седум години.

Постојат неколку причини за неодамнешниот раст на биткоинот, тврдат странските аналитичари.

Со преполовување на количината на биткоините кои можат да се добијат со „рударење”, што ќе се случи во мај, епидемијата на коронавирус предизвикува побарувачка за „побезбедни средства“, а некои инвеститори како таков го сметаат и биткоинот.