Connect with us
P2_P_MK_1600x400

Останато

Во следните денови ќе има поврат на ДДВ и за корисниците на Ајфон!

Објавено

на

Управата за јавни приходи во текот на вчерашниот ден објави дека поврат на ДДВ ќе биде овозможен во наредните денови и за корисниците на Ајфон уреди, по реакцијата на дел од граѓаните кои не можат да ја симнат апликацијата МОЈ ДДВ и да започнат со скенирање на фискалните сметки.

Од УЈП како причина го наведоа објаснувањето дека се работи за мултинационална компанија која работи со посложени административни процедури.

„Се работи за посложена мрежа и затоа ќе доцни спроведувањето на апликацијата. Очекуваме во наредните денови апликацијата да биде достапна за преземање и од „Apple Store“ за корисниците од „iOS“ оперативниот систем, бидејќи станува збор за мултинационална компанија која работи со посложени административни процедури при поставување на апликациите. Невалидните фискални сметки немаат бар код и поради тоа нема да може се изведе скенирањето. Доколку граѓаните сакаат да пријават даночен обврзник кој не издава фискални сметки, или издава компјутерски сметки, тоа ќе може да го направат на телефонската линија 198, или преку анонимна пријава и сето тоа да се процесира. Службите во сите дирекции се на располагање на граѓаните, а секој на кого му е потребна помош може да се јави кај нас”, изјави Сања Лукаревска, директорката на Управата за јавни приходи.

Од буџетот ќе бидат издвоени 50 милиони евра за поврат на ДДВ. Експертите предупредуваат дека од повратот ќе се офајдат само најбогатите 5% од граѓаните и дека во легалната економија треба да се вратат најмалку двојно повеќе пари, за проектот да биде успешен.

Треба да се внимава една сметка да не надминува 30.000 денари, а вкупно платениот ДДВ на месечно ниво да е помал од 4.000 денари. Еден човек може да врати најмногу 7.200 денари годишно. Првата исплата ќе биде во декември.

Останато

Министерството за финансии потпиша договор со ЕБОР во вредност од 13 милиони евра за воведување електронски систем за наплата на патарини

Објавено

на

Побрз транспорт, олеснет проток на возила без гужви во сообраќајот и електронски систем за наплата на патарини низ целата земја ќе обезбеди „Проектот за изградба и инсталација на електронски систем за наплата на патарини долж Коридорот VIII и автопатот Миладиновци – Штип“, за кој денеска се потпишаа договори за финансирање во Министерството за финансии. (more…)

Продолжи со читање

Останато

Презентација на предлог-програмата Фонд за млади умови

Објавено

на

Фондот за иновации и технолошки развој (ФИТР) денеска ќе ја презентира предлог-програмата Фонд за млади умови  „Анализа на потреби и понатамошни чекори“. (more…)

Продолжи со читање

Останато

Топ 10 финансиски центри: Њујорк ја зголеми предноста на врвот

Објавено

на

Њујорк го зголеми своето водство како главен финансиски центар во светот, додека Лондон едвај се задржа на второто место пред Хонг Конг. (more…)

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange