Самитот на министрите за транспорт на Кина и 16 земји од централна и источна Европа (ЦЕЕ), како и Третиот форум на градоначалници на главните градови од земјите учеснички во механизмот за соработка меѓу Кина и 16 земји на ЦЕE, свечено се отворени во Белград.

На учесниците на Самитот ќе им се обрати српскиот претседател Александар Вучиќ. Форумот ќе трае до 17 октомври. На Самитот ќе се разговара за досегашната вкупна соработка меѓу Кина и 16 земји на централна и источна Европа, како и нејзиниот натамошен развој.

Во јули Европската унија предупреди на кинеската растечка улога во Западен Балкан, оценувајќи дека Пекинг би можело да ги претвори земјите во регионот во Тројански коњ кога тие ќе станат членки на Унијата.

„Кинеската комбинација на капитализам и политичко диктаторство би можело да биде примамлива за лидерите во регионот“ – оцени еврокомесарот за проширување Јоханес Хан.