Поминаа точно три години откако акциите на НЛБ почнаа да котираат на Љубљанската берза “LJSE“. Во тоа време, аналитичарите беа доста скептични бидејќи сеќавањето за падот на акцијата на Нова КБМ сè уште беше доста живо.

Поточно, со акциите на НЛБ почна да се тргува на 14.11.2018 година, а првата поединечна цена беше 56,65 евра.

Но, сега приказната е поинаква, НЛБ Групацијата одлично заработува и сериозно го проширува својот бизнис со големи аквизиции на неколку регионални пазари.

Во првите девет месеци од годинава, добивката на НЛБ Групацијата изнесува 205,5 милиони евра што е за 96 проценти повеќе во однос на истиот период од претходната година. НЛБ Групацијата планира да им исплати дивиденда на акционерите во износ од 67,4 милиони евра или 3,37 евра бруто по акција.

Акцијата минатата недела порасна за пет проценти и надмина 80 евра. Само во ноември акциите поскапеа за 10%, а годинава акциите на НЛБ за пораснати за речиси 80 проценти.