Декември е време кога работниците низ целиот свет ги очекуваат своите божиќни бонуси, но основачот и извршниот директор на градежната фирма во Балтимор, Едвард Сент Џон, го крена нивото прилично висока и тешко достигливо за сите шефови ширум светот.

Господинот Сент Џон организираше Божиќна забава за сите свои 198 вработени, најавувајќи дека ќе им подели неверојатни 10 милиони долари на своите работници.

Еве ги нивните реакции откако ја слушнаа радосната вест:

Работниците кои работат подолго за компанијата St.John Properties добиле повисоки бонуси, но просечната сума што работниците ја добиле е 50.000 американски долари. Сепак, тоа не е се што добија работниците. Покрај овој бонус, тие го добија и годишниот бонус што традиционално го добиваат секоја година.

Како што се очекуваше, работниците со воодушевување плачеа кога добија црвени коверти со бонус. Газда Едвард ги израдува најавувајќи дека сите добиваат бонус затоа што компанијата ја постигнала својата цел да изгради површина од 20 милиони квадратни метри на територијата на САД.

„За да го прославиме постигнувањето на нашата цел, сакавме да ги наградиме нашите работници на таков начин што тоа ќе има значително влијание врз нивните животи. Благодарен сум на секој наш вработен за нивната работа и посветеност и не можев да замислам подобар начин за да им го покажам тоа“, рече извршниот директор на компанијата Едвард Сент Џон.