Британскиот премиер Борис Џонсон им порача на министрите во Владата да ги укинат рестриктивните мерки што е можно поскоро, со цел да спречат околу 3,5 милиони луѓе да не ги загубат работните места, пишува лондонски „The Sun“.

Весникот наведува дека веста доаѓа откако премиерот Борис Џонсон потпишал нови мерки за зајакнување на економијата, откако министерот за економија, Алок Шарма информираше дека повеќе од три милиони работни места во угостителскиот сектор се загрозени.

Според „The Sun“, Џонсон на тоа одговорил со: „Господe!“.

Како што се наведува, британскиот премиер им дал задача на група министри преку програма наречена „Save Summer Six“ да подготват мерки за враќање на животот во нормала до јули, така што животот би се вратил во нормала колку што дозволува ситуацијата.

„Не би рекол дека ќе има цунами од загуба на работни места, но тоа ќе биде прилично голем бран“, излавил официјален претставник на „Whitehall”, запознаен со ситуацијата.

Велика Британија е на второ место во светот по бројот на жртви на коронавирусот со 40.465 смртни случаи, а досега во таа земја се пријавени 284.868 заразени лица.

Водечките британски лекари и научници го повикаа премиерот Борис Џонсон да направи подготовка на Велика Британија за вториот бран коронавирусот оваа зима, предупредувајќи дека многу повеќе луѓе ќе умрат ако земјата не го подобри својот одговор за  справување со вирусот Ковид-19.