Британската влада нареди производство на нова кована монета од 50 пени по повод излегувањето на земјата од членството во ЕУ, кое е предвидено за 31 јануари.

Министерството за финансии на Велика Британија во октомври ја стопира изработката на монетите бидејќи брегзитот, кој беше предвиден за 31 октомври, беше одложен за крајот на јануари. Тогаш требаше да се стопат околу еден милион ковани монети.

Одлуката за повторно производство на монетите пред официјалниот брегзит е донесена по победата на Конзервативната партија на предвремените парламентарни избори. Новата кована монета, изработена од злато, сребро и комбинација на бакар и никел, ќе го носи датумот на брегзитот и пораката „Мир, просперитет и пријателство со сите нации“.