Connect with us

Домашни банки

Важна е САРА КОЧАН…Затоа што љубовта кон танцот ја пренесува на сите

Објавено

на

На рекламните билборди ширум државата деновиве ја забележавме новата кампања на Халкбанк, во чија главна улога се граѓани од различни профили и случајни професии, но она што ги прави значајни во креирањето на целосната слика, е нивниот индивидуален придонес кон креирање на позитивни општествени вредности од поширок контекст.

Една од нив е Сара Кочан, позната во македонската јавност по нејзината посветеност и љубов кон танцот и сопственик на студиото за танци Dancers United МК.

Сара својата љубов кон танцот ја негува уште од мали нозе, откако претходно активно се занимавала со гимнастика и карате, сѐ додека одблиску не се запознала со танците, особено со латино танците, како нејзина посебна опсесија. Оттогаш, Сара активно и професионално се занимава со танц, за во 2013 година, заедно со нејзиниот сопруг Нермин Кочан, да го оформат школото за танци, Dancers United Мк, каде тие својата љубов и знаење за танцот продолжуваат да ги споделуваат и пренесуваат на другите, притоа мотивирајќи ги своите ученици на здрави навики. Денес, школото брои од 250-300 членови, распоредени во  различни програми: латино-американски и карипски танци, хип-хоп и балет, како и фитнес програми зумба, аеробик и пилатес. Со  програмите е опфатена популацијата од 4 години, па нагоре, без горна граница, а исто така постојат и програми за вежбање за родителите со своите деца, како одговор на динамичниот начин на живот.

Јас лично работам од мојата 18-та година, додека стимул за да отворам свој бизнис беше желбата да го работам тоа што ми е пасија. Моето животно мото е: Сакај го тоа што го правиш и работи го со љубов, a инспирација ми се секогаш резултатите на моите танчери и нивното растење. Љубовта кон танцот претставува многу труд, истрајност, работа и дисциплина како и многу дружења, патувања, развивање на натпреварувачкиот дух и настапи во јавност… Сѐ што  е потребно за една личност да биде комплетна. Така што – ДА! Многу ми е важно таа љубов да ја споделам на другите, со цел да развиеме здрави и среќни генерации. Нашата цел е да стимулираме здрав животен стил за генерациите кои доаѓаат, како и да го поттикнеме градењето на нивната самодоверба“, вели Сара Кочан.

Dancers United Мк е општествено одговорна компанија која посветува големи напори за развој на танцова програма за ранливи категории на луѓе и лица со посебни потреби. Во рамките на школото, во соработка дефектолози, развиена е посебна танцова програма за лица со Даунов Синдром, што овозможува поголема социјална инклузија за ранливата категорија во општеството во кое живееме. Инаку, за особено истакнување е успехот на танчарите од оваа програма, кои минатата година во Копенхаген го освоија 3-тото место, а кои беа поддржани од Халкбанк.

Ние промовираме здрав живот и здрави навики и мислам дека тоа е важно за добробитот на секој човек, а важно е што започнуваме со најмалите членови ова да го развиваме од мали нозе и идејата е тие спортски навики и дисциплина да им останат и во понатамошниот живот како навика. И секако, најважно е тоа што ние сме инклузивно студио каде сите се еднакви и ги рушиме стереотипите и бариерите“, додаде Сара.

Инаку, Сара Кочан е дел од корпоративната кампања на Халкбанк „Важни се луѓето“, преку која всушност компанијата оддава признание дека секој еден е еднакво важен, истовремено детерминирајќи ја својата позиција во насока со значењето на името на банката ‒ „Банка на луѓето“. Врз основа на оваа позиција, банката на луѓето гради и негува уникатна, нераскинлива врска со сите корисници, исто онака како што Сара Кочан, и сите останати лица на кампањата, градат и негуваат нераскинлива врска со своите клиенти.

Домашни банки

ОТП банка не е соодветен купувач на Охридска банка!

Објавено

на

Преземањето на Охридска банка Сосиете Женерал, како и воопшто продажбата на подружниците на Сосиете Женерал во регионот е топ тема во банкарските кругови изминатиот период.

Иако претходно најавивме дека ОТП Банка бара соодветен модел за преземање на Охридска банка, сепак до таква трансакција нема да дојде. Неофицијално се коментира дека високи функционери во оваа унгарска банка биле вмешани во афери со перење на пари, што за НБРМ ги прави неповолен инвеститор за во Македонија. Официјалната причина сепак е дека рејтингот на ОТП група не е соодветен за преземање на подружница која припаѓа на Сосиете Женерал, која е мошне моќна групација.

Претходно, НБРМ обелодени дека дозвола за купување на Охридска банка ќе биде дадена само на купувач кој е на ист или повисок ранг од Сосиете Женарал. 

Дека Сосиете Женерал си заминува од балканот, а Охридска банка си заминува од Македонија е повеќе од јасно. Периодот што следи останува да се види која групација ќе биде официјалниот купувач.

Следува повеќе…

Продолжи со читање

Домашни банки

БАНКИТЕ ГО ПРОМЕНИЈА ИМЕТО НА ДРЖАВАТА, НАСКОРО ДОКУМЕНТИ СО РЕПУБЛИКА СЕВЕРНА МАКЕДОНИЈА

Објавено

на

Меѓуресорска работна група за извршување на обврските од конечната спогодба за решавање на разликите опишани во резолуциите 817 (1993) и 845 (1993) на Советот за безбедност на Обединетите нации, за престанување на важноста на Привремената спогодба од 1995 година и за воспоставување на стратешко партнерство меѓу страните излезе со соопштение од одржан работен состанок.

На првиот состанок беа донесени следните одлуки во врска со потребните мерки и активности за извршување на обврските на Република Северна Македонија по влегувањето во сила на Конечната спогодба и Уставните амандмани и Уставен закон на 11 јануари 2019, денес на 12 февруари 2019, со индикативни временски рокови за нивна реализација:

  1. Царинската управа да стави налепници на таблите на граничните премини, државната граница на Република Северна Македонија и на двата аеродроми во Република Северна Македонија, во рок од 3 дена;
  2. Секторот за односи со јавност при Владата на Република Северна Македонија во рок од 7 дена да изработи Книга на графички стандарди со која ќе утврди стандарди за визуелен приказ на уставното име Република Северна Македонија во склоп со државниот грб како лого кое го користат државните институции за јавните табли на влезот од сите институции.
  3. Генералниот секретаријат во рок од 7 дена да изготви софтвер кој ќе ги содржи сите институции од државно и локално ниво, како и димензиите на јавните табли. Промената на сите табли, на централно и локално ниво, да се заврши во рок од 4 месеци.
  4. Сите институции да извршат промена на сите дигитални записи (логoа, меморандуми, електронски комуникации, веб страни, медиуми итн.) во рок од 3 дена.
  5. Сите институции треба соодветно да ги изменат меморандумите, печатените материјали, папките, индикаторите, во рок од 2 недели.  
  6. Министерството за надворешни работи, да ги замени таблите во министерството како и печатите и штембилите во министерството во рок од 2 недели, а во дипломатско-конзуларните претставништва во рок од 3 недели.
  7. Министерството за внатрешни работи да започне со издавање на нови регистерски таблички, во рок од 4 месеци. Во меѓувреме, како преодно решение, МВР ќе обезбеди налепници со ознака „NMK” за регистарските таблички на возилата.
  8. Министерството за внатрешни работи да ги преземе потребните мерки и активности за спроведување на решение во преодниот период до создавање технички претпоставки за издавање на нови патни исправи. Издавањето на нови пасоши да започне од крајот на 2019г. Во преодниот период, Министерството за внатрешни работи при излез од или влез во Република Северна Македонија, во постојните и новоиздадените во преодниот период патни исправи ќе биде ставен печат кој ќе појасни дека патните исправи припаѓаат на Република Северна Македонија.
  9. Народната банка, со оглед на комплексноста на постапката, да направи анализа и план на неопходните активности за постепена замена на банкнотите, со оценета временска динамика, во рамките на редовните нови емисии, водејќи сметка за макроекономската стабилност; првите нови банкноти со новото име на Народната банка би можеле да бидат изготвени на почетокот на 2020 г. и потоа, сукцесивно, да бидат целосно заменети најдоцна во рок од 5 години од отворањето на релевантното ЕУ поглавје.
  10. Сообраќајните знаци на меѓународните патни правци во земјата, давајќи предност на ендонимите (во англиска транскрипција) врз егзонимите (на македонски јазик во кирилско писмо) да се променат во рок од 2 месеци.
  11. Во рок од 6 месеци да се направи преглед и ревизија на статусот на спомениците, јавните згради и инфраструктура и доколку се однесува на античката хеленска историја и цивилизација како дел од историското наследство на Грција, да се преземат соодветни корективни мерки и активности.
  12. Во рок од 6 месеци, да се пристапи кон отстранување на симболот истакнат на поранешното национално знаме од целиот јавен простор и јавна употреба. Археолошките артефакти се изземени.

Согласно донесените Одлуки, банките во предвидените рокови ќе бидат обврзани називот од Република Македонија да го променат во Република Северна Македонија.

На англиски јазик, називот ќе гласи Republic of North Macedonia.

Промените ќе се имплементираат во Договори, Анекси, Дописи, веб страните, email комуникацијата и сите други документи каде се јавува името на државата.

Продолжи со читање

Домашни банки

TТК Банка АД Скопје ги намали каматните стапки на денарските и девизните депозити на физички лица

Објавено

на

ТТК Банка АД Скопје ги намали каматните стапки на денарските и девизните депозити на физички лица што се должи на намалувањето на каматните стапки на благајничките и државните записи. (more…)

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange