Connect with us

Странски банки

Бундесбанк: Германската економија е во длабока рецесија, закрепнувањето нема да биде брзо

Објавено

на

Германската економија е во длабока рецесија и закрепнувањето веројатно нема да биде брзо и за краток период, бидејќи многу ограничувања кои се воведени поради коронавирусот би можеле да останат на сила подолг период, објави германската централна банка, пренесува хрватскиот портал „Novac.hr“.

Иако во моментов се водат преговори за олеснување на некои рестрикции во следните недели, најголемата европска економија речиси застана поради карантинот кој е на сила од средината на март.

„Голем дел од ограничувањата најверојатно ќе останат на сила сè додека не се изнајде медицинско решение, како што е вакцината“, објави Бундесбанк во редовниот месечен извештај за состојбата со економијата.

„Затоа, брзото и силно економско закрепнување во моментов не изгледа веројатно“, проценува германската централна банка.

Меѓународниот монетарен фонд за оваа година предвидува пад на германската економија за 7,5%. Проценките се движат во широки рамки, а поголем дел од предвидувањата се во насока на длабока рецесија, потешка од онаа во 2009 година, кога економијата во земјата падна за пет проценти.

Податоците за првото тримесечје покажуваат сериозен пад, но вториот квартал се очекува да биде уште полош, предвидува Бундесбанк, истакнувајќи го притоа значителниот пад на автомобилската индустрија како и остриот пад на личната потрошувачка.

„Сепак, не треба да се стравува дека германската економија ќе западне во надолна спирала”, велат од Бундесбанк, напоменувајќи дека попустливата фискална и монетарна политика ќе го поттикне опоравувањето на економијата.

Што се однесува до инфлацијата, клучниот показател за Европската централна банка, во Бундесбанк очекуваат дека таа веројатно ќе забележи остар пад идните месеци, бидејќи ниските цени на нафтата ќе ги почуствуваат и потрошувачите.

Странски банки

Странците во црногорските банки чуваат 747 милиони евра депозити

Објавено

на

На крајот на јуни годинава, нерезиденти и странци имале 747 милиони евра депозити во банките во Црна Гора. Во исто време, вкупните депозити на граѓаните и фирмите изнесувале 33 милијарди евра. (more…)

Продолжи со читање

Странски банки

„Intesa Sanpaolo” оствари нето-добивка од 2,56 милијарди евра во првата половина на 2020 година

Објавено

на

Управниот одбор на меѓународната банкарска групација „Intesa Sanpaolo”, во чии рамки делува „Banca Intesa”, го одобри консолидираниот полугодишен извештај на 30 јуни 2020 година. (more…)

Продолжи со читање

Странски банки

Заборавете на доларот, купувајте злато! Цената на овој скапоцен метал допрва ќе расте

Објавено

на

Тековната финансиска политика на американските власти ја поткопува довербата во доларот и ги принудува инвеститорите да купуваат злато што е можно поактивно. Ваквиот коментар го објави една од најголемите светски инвестициски банки во светот, „Goldman Sachs“, пренесува „Bloomberg“. (more…)

Продолжи со читање

Популарно