Connect with us

Странски банки

Бруто-домашниот производ на Русија ќе се намали за високи 7%!?

Објавено

на

Економскиот пад на Русија ќе се продлабочи во третиот квартал на 2022 година, додека високиот суфицит на тековната сметка на земјата, клучен двигател на неодамнешното зајакнување на рубљата, ќе се намали во втората половина од годината, проценува Централната банка на Русија.

Бруто домашниот производ (БДП) ќе се намали за високи 7,0 проценти во третиот квартал, по падот од 4,3% во вториот квартал, објави во понеделникот Банката на Русија, предвидувајќи дека економијата ќе почне да закрепнува во втората половина на 2023 година, пренесува „Reuters”.

„Според ажурираната прогноза на Банката на Русија, падот во 2022 година ќе биде помал од очекуваниот во април. Во исто време, влијанието на шоковите во понудата може да трае подолг временски период“, се вели во извештајот на централната банка за монетарната политика, која ја намали референтната каматна стапка во јуни на 8,0 отсто.

Според новите проценки, рускиот БДП ќе падне од 4% на 6% во 2022 година, а меѓу 1% и 4% следната година, по што во 2024 година би требало да се врати на патеките на раст во опсег од 1,5 до 2,5 проценти, соопшти централната банка.

Банката на Русија, исто така, соопшти дека очекува Министерството за финансии во своето основно сценарио за 2023 година да го врати буџетското правило за ограничување на буџетските трошоци и пренасочување на вишокот приходи од нафта во државниот фонд за „дождливи денови“.

Набавките на девизи за надополнување на државните резерви, кои според буџетското правило се вршат во време кога цените на нафтата се високи, беа прекинати откако рубљата драстично падна во јануари оваа година, неколку недели пред Русија да започне инвазија на Украина на 24 февруари.

Новото буџетско правило, кое допрва треба да биде објавено од страна на Министерството за финансии и одобрено од претседателот Владимир Путин, се очекува да изврши надолен притисок врз рубљата, која оваа година имаше најдобар резултат на светските девизни пазари благодарение на мерките за контрола на капиталот.

Странски банки

Европската централна банка ги зголемува референтните каматни стапки за 25 базични поени

Објавено

на

Европската централна банка (ЕЦБ) во четвртокот ги зголеми клучните каматни стапки за 25 базични поени поради високите инфлациски притисоци. (more…)

Продолжи со читање

Странски банки

ЕЦБ подготвува ново зголемување на каматните стапки

Објавено

на

Европската централна банка (ЕЦБ) повторно ќе ја зголеми референтната каматна стапка како дел од борбата против инфлацијата, на следниот состанок на Советот на гувернери. (more…)

Продолжи со читање

Странски банки

Презентација на Редовниот полугодишен економски извештај на Светска банка за земјите од Западен Балкан

Објавено

на

Светска банка денеска ќе одржи презентација на 23-то издание од серијата извештаи за економската состојба во земјите од Западен Балкан – Албанија, Босна и Херцеговина, Косово, Северна Македонија, Црна Гора, Србија, насловено „Тестирање на отпорноста“. (more…)

Продолжи со читање

Популарно