Connect with us
P2_P_MK_1600x400

Лични финансии

Брзи кредити – дали се најдоброто решение за моите финансиски проблеми?

Објавено

на

Брзите интернет-заеми не се најевтината опција за позајмување, и бидејќи тие се првенствено наменети за не се кредитоспособни лица во “класичните” банки, потребна е дополнителна претпазливост.

Брзите онлајн заеми кои се одобрени, се исплаќаат во рок од 15 минути, најчесто без жиранти и само со лични карти.Ваквите кредити се многу популарни во Европа и се почести.

На пример, во Финска, брзите интернет-заеми станаа најголем финансиски проблем за младите луѓе кои поради леснотијата и едноставноста за земање такви заеми и финансиската неписменост не се свесни за последиците од непродуктивното трошење и се соочуваат со огромни долгови.

Како компаниите се разликуваат од банките со кои сте соработувале со години? Нивниот главен фокус е ставен на изнаоѓање начини да се олесни самиот процес на земање заеми.

Брзо одобрување: Брзите заемодовачи, можат скоро во истиот момент да ви кажат дали кредитот ви е одобрен или не, колкава сума можете да подигнете, каматата и начинот на враќање на заемот. Повеќето традиционални банки се различни: веројатно може да пополните апликација преку интернет, но можеби ќе треба време за да добиете одговор и можеби ќе треба да ја посетите филијалата во живо.

Лесно одобрување: За банките е многу важно да имате висока кредитна стабилност.За брзите заемодавачи доволно е да сте вработени и да имате приход со кој може да го враќате кредитот. Исто така, забележани се многу случаи на проверка на баратели на кредити преку алтернативни извори на информации, како на пример социјалните мрежи.

Подобри камати: Главната тактика за влез на еден пазар на брзите заемодавачи е токму помала камата отколку во банките. Кај нив и трошоците за одобрување се помали (кај некои дури и не постои таков трошок. За почеток, и нивните трошоци се помали отколку на банките и не се соочуваат со истите регулаторни трошоци.

Многу е брзо враќањето на кредитот: Најчесто кредитите се враќаат во период од неколку дена до шест месеци.

Најглавната опасност која постои кога се во прашање брзите кредити, е барањето на некои од заемодавачите да платите некој мал процент од кредитот однапред, односно пред да биде одобрен. Има голема веројатност ова да е некој вид на финансиска измама. Вакви многу случаи има во САД, но и кај нас треба да сме претпазливи.

Секогаш ќе постои дебатата дали овие кредити се добри или не, но најважно е да знаеме за која намена го земаме кредитот. Затоа се формирани неколку основни правила и етапи кои мора да ги помиенте пред да аплицирате за кредит.

За да го најдете идеалниот брз кредит за вас, треба внимателно да ги прочитате условите на сите брзи заемодаватели. За почеток, проверете ги оние кои се најпознати и оние за кои сте добиле препорака од пријателите. За секој случај пред да го земете кредитот проверете ги условите во вашата банка. Сепак банките можат да понудат многу добри услуги иако не секогаш ќе ви изгледаат како најдобрата опција за позајмување средства.

Треба да дадете и одговор на три прашања:

  1. Дали можам да ги намалам месечните трошоци?
  2. Дали се задолжувам за да покријам стар кредит?
  3. Дали мојата финансиска ситуација на долг рок може да се подобри?

Ако одговорот на првото и третото прашање се да, а на второто прашање е не, тогаш можете да се задолжите.

Направете план како точно ќе го вратите кредитот. Повторно задолжување не треба да биде една од опциите кои ги имате. Пробајте да најдете начин да не трошите за шопинг или за непотребни излегувања. Ова може да биде попаметен начин за враќање на кредит.

Само со точен план за враќање и јасна цел за земање на брзиот кредит, реално може да имате повеќе бенефиции отколку штета за вашите финансии.

 

 

Лични финансии

7 Работи во продажбата кои мора да ги избегнеш по секоја цена

Објавено

на

Како професионалци во продажбата, имаме многу тактики, техники и алатки кои ни се на располагање. Некогаш можеби има и полесни, но не толку етички начини за да се постигне успешна продажба, но баш поради овие работи нас професионалците во продажбата не бие лош глас. Ако сакаш да бидеш успешен продавач кој не сака да си ја наруши репутацијата, прочитај ги подолу седумте најлоши работи кои мора да ги избегнеш по секоја цена.

  1. Лажење.

Ова е очигледно, а и прво е со причина. Секој лаже во одредена ситуација, но во продажбата лажење може да води кон креирање на лоша слика на компанијата или продуктот кој го претставувате. Лажењето може да биде причинител на конфликти во тимот или пак да се развијат лоши односи со клиентите. Ако треба да лажеш за да ја направиш продажбата, тогаш мора да има нешто погрешно во а) тоа што го продаваш, или б) твојот пристап. Во најголем број на случаи е ова второто.

Ако си сигурен во себе и ако сакаш понудата да ја направиш поатрактивна, биди искрен со клиентот, немој да нудиш работи кои не постојат само за да добиеш негов потпис. Ако клиентот дознае дека си го излажал, тоа може да биде штетно кон твојот работодавец и да има катастрофални последици за тебе: да се пријавиш во биро за вработување. Кога станува збор за лажење, има само едно правило: не лажи!

  1. Нетрпеливост.

Генералното мислење е дека сите продавачи се екстроверти, луѓе со кои е лесно да се влезе во разговор. Ова не може да биде подалеку од вистината. Иако многу интроверти се успешни продавачи, има одредени карактеристики кои луѓето мора да ги отстранат за да бидат успешни во продажбата. Една од тие карактеристики е нетрпеливоста.

Кога се работи за склучување зделка, нетрпеливото брзање за да се склучи зделката нема никаде да те однесе побрзо. Клиентите обично не сакаат да покажат дека би склучиле договор, се додека ти не го иницираш потпишувањето. Да знаеш кога и како да иницираш е само по себе уметност, но и тоа треба да го направиш со дредена финеса, за после тоа да не го изгубиш клиентот. Немој да бидеш нетрпелив и на крај да ја изгубиш зделката.

  1. Премногу зборење

Да, многу продавачи ја имаат дарбата да зборат подолго, но исто така можат да зборат до бескрај. Иако знаат да бидат одлични говорници и да бидат центар на вниманието, при претерано зборење потенцијалниот клиент може да изгуби интерес и да пропадне состанокот. Во процесот на продажбата, многу подобро е да го слушаш клиентот, отколку да го надзбориш со некој богат говор.

Претераното зборење исто така го одвлекува вниманието на клиентот од самата продажба. На никој не му е гајле за некоја смешна анегдота од детството, колку и да е важна. Во продажбата времето е пари, затоа не го губи времето на клиентите залудно. Гледај да држиш одреден баланс со зборењето и биди сигурен дека нема да излезе од контрола, затоа што така и состанокот ќе излезе од контрола.

  1. Заобиколување

Си закажал состанок во некоја компанија, се гледаш со одговорното лице, се договарате за одредени услови, но мора да се видите уште еднаш, затоа што мора да дојде со колега кој има поголеми овластувања од него за да склучите договор. И го чекаш тој втор состанок. Ова е секогаш незгоден период. Дали сака да закаже, дали може да закаже?

Која и да е ситуацијата, во никој случај не ги заобиколувај оригиналните услови кои сте ги договориле само за да дојдеш до тоа второ лице или пак, ако одиш преку други лица од таа компанија.

Најмногу од се се работи за лојалност и почит, и ако првиот контакт сфати дека си спремен да му одиш позади грб само за да си ја завршиш работата, сметај дека си го изгубил за каква било идна соработка. И што е уште понезгодно, може од внатре и да ти ја бојкотира секоја твоја понуда за соработка.

  1. Мрзливост

Секој си има свои мрзливи периоди, но за тоа има време и место, а да се биде во продажба не е дозволиво за таков период. Причината поради која продавачите не се излежуваат е затоа што треба да се склучуваат зделки и да се прават пари, и ако си бавен, конкуренцијата ќе те победи, затоа што конкуренцијата никогаш не спие. Продавачите, во најголем дел од времето, се педантни и ажурни, и не се навикнати на мрзеливост. Затоа и се добри продавачи.

Но, секако, има одреден број на продавачи кои не се направени од тој калап и поради нивната мрзеливост немаат некои од основните продажни вештини и навики. На пример, мрзеливите продавачи избегнуваат да бараат клиенти, или не прават follow up ни на нивните постоечки клиенти.

  1. Преголема самоувереност

Продавачите треба да зрачат со самодоверба, но и тоа си има свои граници. Кога ќе бидеш премногу самоуверен, тоа може да има контра ефект кај повеќето луѓе, особено клиенти кои дури може да се почуствуваат загрозени од таков вид на хипер став. Исто така преголемата самодоверба е знак на компензирање на други карактерни недостатоци, или што е уште полошо, недостатоци на продуктот или компанијата.

Ако си по природа премногу самоуверен, гледај да бидеш поумерен кога го вршиш процесот на продажба со клиентот. Преголемата самоувереност не е ефикасна ни внатре во тимот за продажба. Секој почитува одредена доза на скромност од време на време, иако ти си “најдоброто нешто што и се случило на твојата компанија и твојот тим”.

  1. Преголема амбициозност

Исто како и премногу самоуверените, преамбициозните се типови на продавачи кои ретко кој сака да биде во нивна близина. Преамбициозните продавачи не знаат кога треба да запрат. Тие се напорни, не прифаќаат ‘не’ за одговор и не читаат знаци (од клиентот, од колегите…).

Напорните продавачи се веќе застарен модел во денешниот пазар. Најголем број од клиентите сакаат продавач кој знае што продава, кој ќе ги води кон вистинската насока за да склучат договор. Преамбициозните продавачи забораваат да слушаат и напротив, сакаат да ја доминираат ситуацијата, и тие му кажуваат на клиентот што му треба, а не обратно.

Продолжи со читање

Лични финансии

5 работи кои одличните продавачи ги прават

Објавено

на

Најдобрите продавачи знаат дека се најдобри. Тие се гордеат со својата уметност. Тие се одделуваат од останатите без разлика на околностите. Како го прават тоа? И дали ти си еден од нив? (more…)

Продолжи со читање

Лични финансии

Со коучинг до успешна продажба

Објавено

на

Што доколку никогаш повеќе не мора да го слушнеш зборот ‘’не’’ како човек кој работи во продажбата? Што ако твојот постојан напор и твојата интеракција со клиентите постојано вродуваат потенцијални можности за соработка? Можеби ќе си кажеш за мене дека летам во облаци, но што мислиш дека би било потребно за да се гарантира дека секое телефонско јавување би резултирало со позитивна реакција од клиентот, а во исто време би значело и развивање на долготраен однос помеѓу тебе и истиот тој клиент? Продолжи да читаш за неколку вредни приоди што можат да ја доведат оваа визија поблиску до реалност. (more…)

Продолжи со читање
project

Популарно

Copyright © 2018 bankarstvo.mk. All Rights Reserved. Developed by Digital Orange