Connect with us

Колумни

Битно да е кредит, условите не се битни!

Објавено

на

Работите најчесто ги правиме без да размислиме за последиците од нив, воопшто не се прашуваме себеси дали сме можеле да донесеме подобра одлука или да направиме подобар избор. Не сакаме да се впуштиме во потрага по најдобрата понуда на пазарот, да анализираме и споредуваме – а, за жал тоа е така и кога аплицираме за кредит (без разлика дали е потрошувачки, станбен, автомобилски, итн).

Не донесувајте избрзани одлуки. Кога ни требаат пари донесуваме импулсивни одлуки кои најчесто се погрешни, затоа што ако се размисли и анализира подобро, можеби ќе изгубиме некој ден или недела – но на долг рок ќе заштедиме солидна сума на пари благодарение на подобрата понуда која на крајот ќе ја одбереме. Еве да претпоставиме дека ни требаат 600.000 МКД и сме решиле да аплицираме за кредит. Што најчесто правиме? ГРЕШКА! Зошто? Затоа што не го анализираме пазарот – туку по обичај одиме во банката каде што примаме плата и аплицираме за кредитот, без разлика дали пазарот нуди подобра опција или не.

Консултирајте се со роднини/пријатели. Дали некогаш сте се консултирале со некој близок кој аплицирал за кредит, претходно изработувајќи целосна анализа на постоечката понуда на пазарот во Македонија? Консултација со “искусни” банкарски клиенти кои веќе го поминале процесот на задолжување секогаш може да ви биде од полза. Оној што го анализирал пазарот има познавања за висината на каматните стапки, дополнително е запознаен и со скриени трошоци со кои ќе се соочите, а можеби и можете да ги избегнете доколку на крајот ја одберете најповолната понуда.

Барајте поволни услови. Ако сте клиент на истата банка со години и кога аплицирате за кредит не барате повластени услови тогаш самите сте виновни за финансиската состојба во која се наоѓате. Не се двоумете од вашата банка да побарате подобри услови затоа што 20 години сте клиент и ним им ги имате доверено вашите финансии. Секогаш постои можност да се “договорите” каматната стапка да биде за некој процентен поен пониска, можеби да добиете кредитна картичка без трошоци, патничко осигурување, гратис продукти од банката, итн.

Бидете искрени со референтот. Колку често на референтот во банка целосно сте му се “отвориле” да му ги кажете сите потреби, но, и проблеми со кои се соочувате за да може да ви креира идеален производ или комбинација од производи кои буквално прилегаат на вашите потреби. Многу ретко, затоа што егото ни е побитно од доброто финансиско решение и заштедата при изборот на кредит. Кога одлучуваш да земеш кредит, одбираш банка – партнер со која ќе бидеш подолго време…можеби 5, а можеби и 25 години. Затоа, подобро кажете се на почетокот кога аплицирате, затоа што вашиот банкар низ годините додека сте негов клиент ќе ја научи секоја ситница поврзана со вас и вашата финансиска состојба. Не заборавајте дека речиси секоја трансакција оди преку банка така што директно или индиректно вашата банка – партнер знае каде сакате да трошите пари. Банката знае дали користите кеш или картица, дали плаќате на ПОС или онлине, во Македонија или странство, каде патувате, кој ви се омилени места за шопинг, кафуле, итн…

Не се залетувајте со месечната рата. Секој од нас сака што побрзо да го отплати кредитот, но во животниот век ќе се соочите со огромен број непредвидени работи кои предизвикуваат непланирани трошоци…некои од нив за убави, некои за лоши работи. Затоа, подобро месечната рата да биде помала но сигурно да можете да ја плаќате без проблем, отколку да си имате работа со повици од банка, адвокати, извршители, итн. Ниту една банка не прави проблем ако уплаќате повеќе од ратата според амортизационен план, проблемите се јавуваат кога се плаќа помалку од предвидената месечна рата.

п.с. Ви нудиме мала помош со цел да ја утврдите најдобрата понуда за потрошувачки кредит во Македонија. Банкарство од неодамна нуди можност со само еден клик да ги споредите понудите од сите 14 банки во Македонија. Се што треба да направите е да ја посетите веб страната http://krediti.bankarstvo.mk/credit-type/potrosuvacki и да го направите вистинскиот избор!

До следната колумна…

(Филип)

Колумни

Електронска банка за правни субјекти – лесен и сигурен одговор на модерните предизвици

Објавено

на

Примарната дејност на Банките е да посредуваат помеѓу сопствениците на вишок капитал и оние кои имаат потреба од капитал. При извршувањето на својата дејност банките секогаш се трудат да ги задоволат потребите на клиентите, да го пратат и поддржуваат нивниот развој и да понудат беспрекорни услуги. Следејќи ги потребите на клиентите, пазарните движења и развојот на новите технологии, банките развиваат и усовршуваат платформи (меѓу кои и електронската банка), преку што ја унапредуваат соработката со своите клиенти, на начин кој значително им го олеснува работењето, особено во платниот промет кој е суштинска банкарска операција. (more…)

Продолжи со читање

Колумни

Клиент заглавен во експозитура на банка

Објавено

на

Стануваш наутро и сфаќаш дека денот нема да тргне на добро. Навиката ти вика користи мобилна апликација и плаќај што сакаш. Реалноста ти вика за тоа да го направиш мора да одиш да си ставиш пари на сметка. Стигаш кај најблиските банкомати, сфаќаш дека картичката што овозможува да ставиш пари од банкомат е истечена.

(more…)

Продолжи со читање

Колумни

It’s a Digital, Digital world!

Објавено

на

Да, ова е дигитален свет и иако не се родивме во таков, дефинитивно ни годи!

Добар дел од компаниите и брендовите во денешницата се создадени на овој фронтиер и се пред своето време, друг дел одлично се адаптирани, но постојат и оние кои не се снаоѓаат најдобро во истиот. Затоа одвојте дел од вашето скапоцено време, за да позборуваме за социјалните медиуми и дигиталниот маркетинг.

Ќе почнам со најинтересното и воедно најкрупното нешто кое ни се случува – социјалните медиуми. Колку и што од можеме да добиеме од нив?

Имено, на почетоците од мојата кариера со малку искуство, малку познавање на графички дизајн, малку контакти, но многу желба и идеи, социјалните мрежи беа „тука за мене“. Ми понудија начин да експериментирам во комуникацијата со различните целни групи. Открив многу интересни модели на однесување на публиката. Сето ова ме чинеше само: интернет, струја и некоја кутија цигари… Тогаш, да бидам искрен не замислував дека од оваа социјална мрежа ќе се роди цела индустрија и ќе биде еден од водечките канали застапен во буџетите. За мене на маркетинг тронот се уште беа традиционалните медиуми и пристапи. Но, еве после 10 години сум горд застапник на социјалните мрежи и дигиталните комуникации и тврдам дека нивното време допрва доаѓа.

Последните 6 години сум во автомобилската индустрија во која маркетинг буџетите драстично се намалија во изминатите 8 години. Слабата продажба и увозот на користени автомобили, значително ја отежнаа работата на луѓето и агенциите задолжени за маркетинг. Социјалните мрежи во овие „кризни времиња“ се покажаа како секирче на мраз за да се продолжи качувањето нагоре.

Секој корисник на различна социјална мрежа има различна природа или е од различен вид. Така на пример, ако го земеме просечниот корисник на најпопуларната мрежа Facebook, тој се карактеризира со потреба да му се обратите лично. Затоа ги имаме оние коментари како „cena?”„ima 38?“… Ова од вас бара поголема посветеност и ресурси, но од друга страна овозможува директно да допрете до корисникот од овој вид. Со последните новини кои овозможуваат на секој коментар да одговорите во приватна порака, апсолутно се подобрува директното обраќање и ви се овозможува на корисникот да му дадете “tailor made” понуда. Социјалните мрежи, како и корисниците се жива материја. Тие се менуваат регуларно. Она што допрва доаѓа и ќе се покаже „поживо“ од било што друго е Вештачката интелигенција. Иронично нели?

Останатите новини коа беа воведени конкретно на Facebook во последните години како Instant Articles го задржуваат корисникот на мрежата дури и кога тој мисли дека веќе излегол. Апсолутно сите истражувања покажуваат дека користењето на социјалните мрежи расте и дека порталите т.е. веб страните се борат за 30 до 60 секунди внимание кое корисникот би го потрошил на нивниот сајт и веднаш би се вратил да “скрола“ на мрежата. Ова е уште еден факт за исплатливоста на инвестицијата во платен маркетинг на социјалните мрежи.

Но, внимавајте, во буџетот секогаш да предвидите микс од Онлајн, Дигитални и Социјални медиуми. Бидејќи со дедицирање на целиот закуп само на социјални медиуми ризикувате да не добиете доволна ПР поддршка кај веб страните кои се од интерес за вашата целна група.

Друго на што морате да обратите внимание се „синовите и ќерките“ на Социјалните мрежи, т.е. таканаречените Инфлуенсери. Оваа категорија оди чекор понатаму во онаа директна комуникација и потреба за идентификација на корисниците. Да, луѓето се идолизирани и чувствуваат дека тоа можат да бидат и тие и дека тоа е нивен “cool” пријател.

Инфлуенсерите добиваат многу поголем reach во последно време особено во Македонија поради неколку факти:
Прво, по целиот скандал од бастионот на “fake news“ во светот, Титов Велес по старо, Трампов Велес по ново, Facebook значително го ограничи и го скрати reach-от на сите Facebook страни кои доаѓаат, се водат, или на било кој начин се поврзани со Македонија;
Второ, множењето на медиуми во просторот и социјалните мрежи кои ни ги донесе политичката нестабилност и политичката пропаганда, се оформија и зрачат многу медиуми кои не постојат за целта на реално, критичко известување, туку за други помалку или повеќе познати цели.

Трката за број еден социјална мрежа почнува да биде густа меѓу Facebook и „посинокот“ Instagram. Иако по број на корисници можеби доминира Facebook, во поглед на опфатот и ефектот на пораките Instagram со воведувањето на опцијата Stories, како да доби силен ветер во грбот и брзо гази напред.

Во некоја друга прилика, ќе ги споменеме и останатите социјални мрежи, некои успешни стратегии, како и моќните SEM, Programmatic и слично.
Морам да одам, имам некои постови и кампања за одобрување…

Извор: marketing365.mk

Продолжи со читање
P2_P_MK_300x250

Популарно

Copyright © 2018 bankarstvo.mk. All Rights Reserved. Developed by Digital Orange