Најпознатата криптовалута биткоин би можела да достигне вредност од 100.000 долари до крајот на 2024 година.

“Биткоинот би можел да ја зголеми својата вредност благодарение на факторите како што се неодамнешните превирања во банкарскиот сектор и стабилизирањето на ризичните средства, бидејќи Федералните резерви на САД го завршуваат циклусот на зголемување на каматните стапки и подобрената профитабилност од крипторударење”, изјави шефот за истражување на дигитални средства на „Standard Chartered”, Џеф Кендрик.

„Додека изворите на несигурност остануваат, мислам дека патот на биткоинот до нивото од 100.000 долари станува се појасен“, предвидува Кендрик.

Биткоинот се зголеми речиси двојно оваа година, надминувајќи го прагот од над 30.000 долари во април за прв пат по десет месеци. Добивките претставуваат делумно закрепнување откако трилиони долари беа избришани од крипто секторот во 2022 година, бидејќи централните банки ги зголемија каматните стапки и голем број крипто компании крахираа.

Последните случувања во крипто секторот и трендот на раст на криптовалутите укажуваат дека полека но сигурно криптозимата завршува и следат посветли денови за крипто секторот.