Connect with us

Криптовалути

Биткоинот падна под 7 000 долари

Објавено

на

Најпопуларната криптовалута во светот повторно загуби од својата вредност. Денес цената на биткоинот падна под 7.000 долари – со над 1.000 долари пониска вредност отколку пред само 3 дена, што придонесе за пад на вредноста и на некои од другите големи дигитални валути.

Најголемата криптовалута по пазарна капитализација се обезвредни за 6% во првиот ден од седмицата. Растот на цената од минатата недела, кој ја зголеми нејзината вредноста со речиси една третина, изгледа се намалува во позадина на предизвикувачката техничка слика.

„Биткоинот и пазарот на крипттовалути изгледаат ранливи во почетокот на август“, пишуваат аналитичарите од „Bloomberg Intelligence“. „Индикацијата за понудата, побарувачката и цените остануваат негативна“.

Кај етериумот има пониска нестабилноста и цената останува 414 долари, нивото кое беше и во неделата. Значи, по неколку дена оптимизам, и двете криптовалути се вратија на пазарот.

Во последниве месеци цените на двете валути не се движат нагло освен ако нема конкретни вести околу евентуалната регулација што објаснува затишје околу нив.

Повеќе

Криптовалути

Биткоин и што е тоа што може да го стабилизира?

Објавено

на

Што предвидувате за биткоините и криптовалутите? Бил Гејтс во интервју истакнал дека блокчејн-технологијата е супериорна во однос на модерното банкарство, но биткоините нема да бидат доминирачки систем.

Постои група луѓе чии верувања најверојатно ќе имаат поголем ефект врз иднината на биткоините отколку кои било други – оние што избираат „hodl“. Се работи за кратенка од „hold on for dear life“ (чувај си го милиот живот), иако оригиналната форма е всушност погрешно спелување на зборот „hold“. Ова се луѓе што планираат да го форсираат биткоинот додека остатокот од светот прифати дека неговата вредност е најголема.

Кога луѓето ќе почнат да ги продаваат своите биткоини, само „ходлерите“ ќе останат, па се подготвени да купат уште повеќе, што ќе го зголеми процентот на вкупното поседување на биткоини кои се токму во нивните раце. Тие трпеливо го чекаат денот кога користењето на биткоини ќе биде целосно применето во секојдневните трансакции преку дигитален систем.

Анкета од 2017 година, спроведена од „ЛендЕДУ“, онлајн-пазар за студентски заеми, покажала дека просечната цена за која „ходлерите“ би продале е 200.000 долари за биткоин. Секако, нема начин да се дознае колку вистински се посветени овие луѓе, особено во ситуации како таа во јануари кога биткоините паднаа од високи 17.000 на 10.000 долари. Всушност, вредноста се нема вратено на рекордното високо ниво, во последниот период се движи од 6.000 до 8.000 долари.

Сепак, изгледа дека секој прецизен процес на вреднување на биткоинот треба да се земе предвид во базата на ситни монети, на вистинските верувачи кои го „чуваат милиот живот“, барем засега.

Продолжи со читање

Криптовалути

Биткоинот формира повеќе од 50% од криптопазарот за прв пат оваа година

Објавено

на

Биткоинот оформува над 50% од пазарната капитализација на криптопазарот за прв пат во оваа 2018-та година.

За последен пат тоа се случи на крајот на декември 2017-та година, кога виртуелната валута поскапе рекордно до цена од речиси 20.000 долари.

Преминувањето на границата од 50% се случи викендов, а во времето на подготовка на материјалот биткоинот зазема 51.2% од вкупната пазарна капитализација на криптопазарот кој изнесува 218 милијарди долари.

За споредба, пазарната капитализација на биткоинот достигнува 111.8 милијарди долари, според податоците на „CoinMarketCap“.

Статистиката покажува дека доминацијата на биткоинот полека но сигурно се подига во последните неколку месеци, како во однос на први мај оваа година забележан раст од околу 15%. Во исто време, доминацијата на пазарот на сите други криптовалути се намалува.

Едно од можните објаснувања за раст на биткоин доминацијата на криптопазарот се финансиските катаклизми ширум светот – од Венецуела до Турција, кои провоцираат многу инвеститори да бараат нерегулирани алтернативи на девизните пазари, сметаат експертите.

Биткоинот денеска се тргува по цена од 6.485 долари.

Продолжи со читање

Криптовалути

Програмер од Руската платежна фирма Qiwi користел нивна опрема за да рудари 500K биткоини

Објавено

на

Извршниот директор на Рускиот провајдер на платежни услуги Qiwi, Сергеј Солонин, тврди дека поранешен вработен во компанијата ги користел своите платежни терминали за копање на биткоини во 2011-та година. Програмерот, кој не бил именуван од Солонин, успеал да ископа 500.000 биткоини, според извештајот од 25-ти јули на новинарскиот сајт Meduza.

За време на неговото предавање на Moscow Advanced Communications School (MACS), Сергеј Солонин рече дека еден од програмерите на Qiwi ги користел своите платежни терминали за копање на криптовалути, успевајќи да ископа 500.000 биткоини во 2011-та година, во вредност од околу 5 милиони долари во тоа време, а денес би вределе 4 милијарди долари.

Солонин рече: “Најмногу од сè, бев изненаден од износот: за три месеци тој успеа да исфарма 500 илјади coins, кои потоа чинеа 5 милиони долари. И сега тие вредат милијарди долари.”

Според Meduza, Qiwi успеала да го открие рударењето на нивниот вработен, откако забележале зголемено користење на електрична енергија од страна на терминалите во текот на ноќта. Откако беше откриен, програмерот одби да се откаже од своето богатство и поднесе оставка од компанијата.

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange