Соосновачот на Microsoft Бил Гејтс и понатаму е најбогат човек на светот според новата листа на магазинот Форбс.

Неговото богатство се проценува на 86 милијарди долари, а тој ја предводи листата на најбогати луѓе на светот четврта година по ред и 18 пати во изминативе 22 години.

На второто место на листата се наоѓа американскиот инвеститор Ворен Бафет со проценето богатство во вредност од 75.6 милијарди долари.

Трет е генералниот директор и основач на Амазон, Џеф Безос, со богатство од 72,8 милијарди.

Основачот на Facebook Марк Закерберг на петто место, а соосновачот на Oracle Corporation, Лери Елисон е седми.

На листата на првите 10 најбогати во светот доминираат Американци, што се должи на растот на вредноста на америкнаската берза по победата на Доналд Трамп на претседателските избори во ноември 2016 година, Кина а втора со 319 милијардери, а Германија трета со 114.

„Популацијата на милијардери ширум светот се зголемила за 13% во текот на минатата година на 2.043 луѓе, што претставува најголемо годишно зголемување во последните 31 година откако магазинот започна да ја составува листата,“ соопшти Forbs.

Меѓу останатите 10 најбогати на Форбсовата листа се Аманасио Ортега, сопственик на шпанскиот синџир продавници Zara, потоа мексиканскиот телекомуникацикси тајкун Карлос Слим на шесто место, браќата Кох, Чарлс и Дејвид се осми и деветти, а на позиција 10 е поранешниот градоначалник на Њујорк и основач на Bloomberg News, Мајкл Блумберг.