Connect with us

Останато

Бизнис секторот задоволен од Предлог-измените на Законот за царинска тарифа

Објавено

на

Бизнис секторот е задоволен од Предлог-измените на Законот за царинска тарифа со кои трајно се намалуваат или укинуваат царинските стапки на 258 производи кои се увезуваат во земјава. Ова, како што велат, ќе влијае на зголемувањето на конкурентноста на домашните компании.

Царинските стапки во земјава, како што посочуваат од Стопанската комора на Северна Македонија, се повисоки од земјите во регионот и од земјите-членки на Европската унија.

„Ова се должи на тоа што нашата царинска тарифа е наследена од порано кога условно имаше поинаква структура на економијата којашто во актуелниве услови не кореспондира со актуелната економска структура и со потребите на компаниите”, истакна Анета Димовска од Стопанската комора на Северна Македонија.

Најголем бенефит од измените на Законот за царинска тарифа ќе имаат компаниите од автомобилската, хемиската, текстилната, кожарската индустрија и металургијата. Со Предлог законот се предвидува и слободен увоз на природниот гас. Не се прифатени барањата за усогласувањето на царинските стапки за агро-прехранбениот сектор, освен за доматното пире што во следниот период ќе биде приоритет на Комората.

„Согласно пресметките на Владата, 13 милиони евра или 810 милиони денари се фискалните импликации за Буџетот што воедно се директна поддршка за компаниите. На кус рок ова се импликации по Буџет, но на среден и долг рок истите ќе придонесат за заштита и раст на работните места, раст на индустриите важни за националната економија и до пораст на приходите во Буџетот. Не секогаш намалувањето на царинските стапки, значи и негативни фискални импликации”, рече Димовска.

Според министерот за финансии Фатмир Бесими, важно е домашната економија да биде конкурентна и со овој Предлог-закон се прави чекор напред во тој дел.

„Ако гледавме само низ прозорецот на една фискална година, аргументите на Министерството за финансии се дека има негативни финансиски импликации и не треба да се оди со таков зафат. Меѓутоа ако се гледа од поширока временска рамка и пошироко од фискалниот импакт, поточно ако се гледа низ економскиот импакт кој значи зголемена конкурентност, зголемени инвестиции и нови работни места, тогаш за неколку години се очекува да има и повисок раст на приходите. Законот е конкретен пример дека сме заедно и очекуваме подобри резултати”, рече Бесими.

На денешната заедничка прес-конференција на Стопанската комора, Министерството за финансии и Царинската управа беше истакнато дека од 18-те барања од бизнис секторот, досега се реализирани седум, девет се во процес на реализација, а по две барања не е постапено.

Предлог-измените на законот за царинска тарифа беа усвоени во вторникот на владина седница.

Останато

СЕФФ: Преку концептот зелена економија до отпорна економија со забрзан раст

Објавено

на

Природните непогоди поврзани со климатски промени го намалуваат растот за 0,4 процентни поени во просек, додека кај помалку развиените економии и до 0,7 процентни поени, покажуваат пресметките на Меѓународниот монетарен фонд. Проценките се дека во претстојниот период негативниот ефект ќе биде уште поголем, особено кај помалку развиените економии, што укажува дека од особено значење е да се имаат предвид климатските промени при креирањето на идни економски политики. (more…)

Продолжи со читање

Останато

Бесими: Ребалансот е одговор на кризата, предвидува кратења, но и додавања

Објавено

на

Ребалансот е одговор на кризата која не можеше да се предвиди во перидот кога се подготвуваше Буџетот за 2022 и во него, освен кратења, има и додавања, но и реприоретизирање на средствата, рече денеска министерот за финансии Фатмир Бесими. (more…)

Продолжи со читање

Криптовалути

Кристин Лагард: Криптовалутите се безвредни, тие не се засноваат на ништо!

Објавено

на

Претседателката на Европската централна банка (ЕЦБ) Кристин Лагард верува дека криптовалутите не вредат ништо, дека се целосно безвредни. (more…)

Продолжи со читање


Популарно