Бидејќи компаниите ги испраќаат своите работници дома поради појавата на корона вирусот, на некои од вас можеби ви се случува прв пат да работите од дома и да ви биде непознат овој начин на работење.

Бидејќи новата промена за работење од дома може да биде шок за оние кои никогаш порано не го сториле тоа, еве неколку упатства за тоа како да бидете продуктивен работник во вашата нова домашна канцеларија.

Најдете едно место што ќе биде ваше

Пронајдете простор во куќата што можете да си го направите свој. Ова е особено важно ако веќе немате одредена просторија што можете да ја претворите во сопствена канцеларија.

Размислете за некоја неискористена просторија за да ја претворите во привремена канцеларија. Ако живеете во стан, можеби немате простор што е слободен, па ќе мора да донесете тешка одлука дали да создадете деловен простор во вашата спална или дневна соба.

Најмалку што ќе ви треба во вашата канцеларија е биро за работа и место за сместување на документите. Доколку немате биро, би можеле да се сместите на некоја маса. Полицата за книги може да ви послужи за документите, доколку немате архивски орман.

Што да направиш ако имате деца?

Повеќето луѓе би ве сфатиле ако се случи да ги слушнат децата во позадина додека разговарате со нив по телефон за време на корона вирусот. Само знајте дека не е идеално да се слушаат децата како врескаат гласно во позадина.

Размислете кое е најдоброто време за да ги остварите важните телефонски повици. Дали има одредено време кога вашите деца се потивки? Можеби кога спијат или јадат? Дали има ТВ шоу што може да им го одвлече вниманието? Овие се работи за кои треба да размислите кога треба да работите од дома, а сакате да изгледате професионално.

Текстовите авторски се пишувани на веб страната biznisbar.mk и се објавуваат на веб страната bankarstvo.mk како дел од соработката помеѓу Бизнис Бар и Банкарство.

LinkedIn – Бизнис Бар

Instagram – Бизнис Бар

Facebook – Бизнис Бар