Connect with us

Лични финансии

Бизнис бар: Како да ги натерате луѓето да ве сакаат со Бенџамин Френклин ефектот

Објавено

на

Постојат безброј моменти кога навистина би сакале да имаме магично стапче со кое можеме да ги натераме луѓето да не сакаат.

И додека не постои волшебна формула за да ги натерате луѓето да бидат ваши пријатели, сепак може да се искоритат некои “хакови” кои можат да ви помогнат во градењето на врски.

Еден таков трик е „Бенџамин Френклин Ефектот“ – контраинтуитивен совет кои може да ги натера другите да ве гледаат попозитивно.

Што е Бенџамин Френклин ефектот?

Во својата автобиографија, “Автобиографијата на Бенџамин Френклин”, Френклин ја раскажува приказната за времето кога му пишал на еден политички ривал и побарал да позајми една од неговите ретки книги. Ривалот го одобрил неговото барање и Френклин испратил благодарница кога ја вратил назад.

После тоа, тој и неговиот некогашен ривал останале пријатели до крајот на животот.

Френклин вели дека:

„Оној што некогаш ти завршил услуга, ќе биде подготвен да ти заврши и друга, отколку оној што ти самиот си го услужил.”

Со други зборови, некој што ти завршил услуга ќе биде повеќе склон да те сака. Звучи доста контраинтуитивно, но е докажано дека успева.

Примена на Бенџамин Френклин ефектот!

Па, како може да го примените Бенџамин Френклин ефектот во вашиот сопствен живот?

Еве неколку примери за користење на овој контраинтуитивен трик:

  • Побарајте од колегата да ви позајми пенкало.
  • Прашајте ја девојката или дечкото што ви се допаѓа да ве слика вас и некој пријател кога ќе помине.
  • Кога сакате да се поврзете со стар пријател, прашајте ги дали можат да ви испратат рецепт зна некој појадок кои тие ви го подготвиле некогаш.

Има прилично многу неограничени намени за овој едноставен животeн “хак”. Затоа, запомнете го овој ефект и искористете го секогаш кога сакате да изградите посилна врска со пријател – па дури и со странец или ривал.

Текстовите авторски се пишувани на веб страната biznisbar.mk и се објавуваат на веб страната bankarstvo.mk како дел од соработката помеѓу Бизнис Бар и Банкарство.

LinkedIn – Бизнис Бар

Instagram – Бизнис Бар

Facebook – Бизнис Бар

Лични финансии

Генерали Инвестментс: Сеуште има голема неизвесност на пазарите, па затоа е неопходен избалансиран пристап кон инвестициите

Објавено

на

Портфолио менаџерите во Генерали Инвестментс составија резиме за тековните случувања кои влијаат врз пазарот на капитал и актуелни совети за инвеститорите

Преглед на моменталните случувања:

– Олабавувањето на мерките за ограничување на ширењето на корона вирусот, доведе до повторно рапидно ширење на овој вирус. Скоро сите земји кои започнаа со отворање на националните граници и услужните сектори (ноќен живот, туризам, угостителски услуги, фитнес,) пријавија нагло зголемување на бројот на ново инфицирани лица од коронавирус во последната недела. Надежите дека вирусот (барем привремено) би запрел со повисоките температури во летните месеци повеќе од очигледно се намалуваат поради остриот пораст на заразените лица од сите делови на светот. Глобални жаришта остануваат земјите во развој со Бразил и Индија на чело, но вирусот исто така брзо се шири и во САД. Поради екстремно негативните економски последици од пролетните мерки насочени кон спречување на ширење на вирусот малку е веројатно дека и покрај влошената епидемиолошка слика повторно ќе видиме вакви драстични мерки од страна на државите, но можеме да се очекува повторно воведување на одредени ограничувања усмерени за локално намалување на бројот на заразените. И покрај отворањето на државните граници, најновите податоци за бројот на ноќевања и бројот на патниците во воздушниот сообраќај покажуваат дека барем засега нема знаци на закрепнување во туризмот, угостителството и воздушниот сообраќај. Затоа, државите и централните банки веројатно ќе продолжат со стимулативни мерки, како што е продолжување на мерките за субвенционирање, дополнителна ликвидност и откуп на корпоративни обврзници т.е со драстичното влошување на епидемиолошката слика можеме да очекуваме посилни интервенции на пазарите на капитал како и фискални стимулации.

– Инвеститорите и понатаму се оптимистични како резултат на релативно позитивните сигнали од реалната економија кои се подобри од очекуваните, но покажуваат дека првичните предвидувања за посилно закрепнување на економската активност во втората половина од годината (закрепнување во облик на V) беа премногу оптимистички и дека последиците од пандемијата „Ковид-19“ ќе бидат присутни и во 2021 година. Дополнителен оптимизам е предизвикан од смирување на жешката крв меѓу Индија и Кина, но сè уште нема голем напредок во решавањето на американско-кинескиот конфликт, со што заканата од трговска војна меѓу светките сили останува на агендата.

– Поради влошената епидемиолошка слика, на пазарот на капитал се очекуваат дополнителни стимулативни мерки од земјите и централните банки, што доведува до зголемување на цените на акциите. Акциите на кинеските компании забележаа силен раст минатата недела, а како главна причина за тоа е наглото зголемување на учеството на домашните инвеститори. Големата количина свежо печатени пари во последните три месеци (18 трилиони) значи многу голема сила на пазарите на капитал, што во моментов спречува големи надолни движења на цените, кои поради недостаток на алтернативи (негативни каматни стапки и екстремно ниски или негативни приноси на обврзници) ги принудува парите да се движат кон акциите, кои и покрај зголемениот ризик, во моментот даваат позитивен принос. Со оглед на сите случувања во светот, веруваме дека претпазливоста на пазарот на капитал не е излишна и дека сме во состојба на голема неизвесност, што може да доведе до уште поголема нестабилност на пазарите на капитал.

Совети за инвеститорите:

Ја задржуваме препораката, која ја повторуваме повеќе недели. Акциите се доста скапи, но со слично скапи обврзници и банкарски инструменти практично нема алтернатива, така што нема време за крајности. Не се препорачува целокупното портфолио да го имате во акции, обврзници или пари. Случувањата во текот на изминатата недела укажуваат на уште поголема претпазливост, а централните банки и државите продолжуваат да генерираат огромни количини свежи пари кои пак бараат инвестиции со барем минимален поврат. Ликвидносната поддршка за обврзниците и за акциите го принудува спориот раст на цените и овој тренд може да продолжи. И покрај добрите податоци, состојбата на светската економија е сè уште релативно слаба, а иднината е нејасна. Нерешените тензии од минатото (меѓу САД и Кина, протести и претстојната изборна кампања на САД, разговорите за Брегзит во Европа и тензиите меѓу Индија и Кина) додаваат неизвесност на пазарите. Затоа е неопходен избалансиран пристап кон инвестициите, со поголем удел на индустриите кои подобро ќе се справат со оваа криза. Пазарите остануваат непредвидливи, а волатилноста се очекува да расте. Диверзифицирањето на портфолиото е чекор во вистинската насока. Инвеститорите со долгорочни инвестициски цели треба да продолжат со месечни уплати, а оние што би вложиле поголема сума треба да ја распоредат на подолг временски период. Пазарите може да продолжат да растат умерено во светло на сегашниот оптимизам и свежо печатените пари, но длабоки и привремени корекции не се исклучени. Исто така многу работи зависат од развојот на пандемија која може умерениот оптимизам на пазарите да го доведе назад во областа на песимизмот, што од друга страна ќе доведе до посилна корекција на берзите.

Продолжи со читање

Лични финансии

Генерали Инвестментс советува: Диверзификација на портфолиото е чекор во вистинска насока

Објавено

на

Портфолио менаџерите во Генерали Инвестментс составија резиме за тековните случувања кои влијаат врз пазарот на капитал и актуелни совети за инвеститорите. (more…)

Продолжи со читање

Лични финансии

Генерали Инвестментс советува: Не е паметно целото портфолио да биде инвестирано во акции, ниту пак во обврзници или депозити

Објавено

на

Портфолио менаџерите во Генерали Инвестментс составија резиме за тековните случувања кои влијаат врз пазарот на капитал и актуелни совети за инвеститорите. (more…)

Продолжи со читање

Популарно