Connect with us

Останато

Бесими: Светска банка укажа на фактот дека мерките придонесоа за ублажување на ефектите од ковид-кризата

Објавено

на

Министерот за финансии Фатмир Бесими смета дека најновиот извештај на Светска банка е објективен и претставува слика за сето она што се случуваше во македонската економија и она што се очекува во текот на годината.

„Она што е важно е дека во главните забелешки се укажува на фактот дека мерките што беа преземени придонесоа за ублажување на ефектите од ковид-кризата. Важно е тоа што препораката е да се продолжи со таквите мерки за поддршка на економијата и во текот на 2021 година”, изјави Бесими, одговарајќи на новинарски прашања по денешната презентација на бескаматната линија „Ковид 4“.

Во следниот период, како што истакна, ќе се продолжи во насока на закрепнување на економијата и создавање на одржлива основа за долгорочен, стабилен и забрзан економски раст.

Нагласи дека кон средината на годината во зависност од економските движења извесно е дека ќе треба да се направи ребаланс на Буџетот.

„Сега сме во фаза кога се анализира реализацијата на Буџетот. Во првиот квартал имаме прилично добра реализација на приходите согласно нашите проекции и подобри во однос на првиот квартал минатата година. Кај расходната страна гледаме каде во наредниот период, според потребите, ќе има можност да се релоцираат дел од средствата и дел веројатно ќе треба да се додадат во Буџетот за да се поддржат мерките кои ќе ги соопшти Владата во зависност од потребите”, изјави Бесими.

Повтори дека постојано се следат движењата во економијата и како пандемијата се одразува и согласно на тоа ќе се реагира и во следниот период.

За тоа дали ќе продолжи мерката за финансиска поддршка на плати Бесими упати на тоа дека мерката што денеска ја презентираа заедно со Развојната банка е многу слична.

„Истата мерка до 50 проценти може да биде грант ако има раст на приходите и на бројот на вработени”, дополни Бесими.

Останато

Нина Ангеловска по втор пат избрана за “жена амбасадор за е-трговија” на УНКТАД

Објавено

на

Нина Ангeловска, по втор пат беше избрана за „жена амбасадор на e- трговија“ од страна на УНКТАД – телото на Обединетите нации за трговија, инвестиции и развој, заедно со уште пет други успешни жени претприемачи од целиот свет. (more…)

Продолжи со читање

Останато

Дигитализацијата на образованието да се реализира во инклузивен процес

Објавено

на

Информациските и комуникациски технологии доколку се користат на соодветен начин можат да допринесат за значително подобрување на квалитетот на живот, работа и создавање нови вредности, со што повеќекратно се оправдуваат напорите за имплементација на овие технологии, реагира Саша Огненовски од ИКТ Комората на Македонија поврзано со полемиките кои се водат во јавноста околу воведување на дигитализација на учебниците во образовниот процес. (more…)

Продолжи со читање

Останато

МФ и УНДП потпишаа Меморандум за унапредување на фискалната децентрализација, реформи во јавните финансии и економски развој

Објавено

на

Програмата за развој на Обединетите нации (УНДП) ќе ги поддржи планираните реформи во насока на унапредување на фискалната децентрализација во земјава и зајакнување на капацитетите на локалните власти, како и градењето подобар систем на јавни финансии, воопшто. Помеѓу Министерството за финансии, претставувано од министерот за финансии, Фатмир Бесими и постојаната претставничка на УНДП во земјава, Нарин Сахакјан беше потпишан Меморандум за разбирање, којшто предвидува соработка во повеќе области. (more…)

Продолжи со читање


Популарно