Германскиот БДП во првото тримесечје од оваа година е 2,2 проценти помал во однос на последните три месеци од 2019 година. Ова е најлош резултат на германската економија од економската криза во 2009 година.

Пандемијата на коронавирусот, што предизвика привремено затворање на многу компании е виновна за ова големо забавување на германската економијата. Се очекува резултатите да се подобрат веќе следниот квартал, бидејќи Германија започна да ги ублажува забраните и ограничувањата кон крајот на април.

Треба да се има предвид дека најсилната економија на ЕУ во однос на нејзините други членки забележа дури и добар резултат. БДП во Унијата падна во просек за 3,3 проценти во првиот квартал. Во некои земји падот беше уште поизразен – во Франција изнесуваше 5,8 проценти, а во Италија 4,7 проценти.

Во еврозоната падот на БДП во првиот квартал изнесуваше 3,8 проценти.