Од 2002 година, кога беше воведена евро валутата, откриени се 19 милиони фалсификувани банкноти на оваа валута со лична вредност од 1,2 милијарди евра.

Само минатата година, откриени се 770.000 фалсификувани банкноти во евра, изјави портпаролката на Европол, Ина Михајлова.

Со оглед на тоа дека во јануари во оптек биле пуштени 24 милијарди банкнотите во евра, Европол смета дека бројот на фалсификувани банкноти е многу мал.

„Минатата година имаше само 30 фалсификувани банкноти на милион реални“, изјави портпаролката Михајлова.

Меѓу фалсификаторите, најпопуларна е банкнотата од 50 евра, застапена со 37 проценти меѓу откриените фалсификати, по што следи банкнотата од 20 евра, која е застапена со 26 проценти.

Од вкупниот број фалсификувани евро банкноти, околу 12 проценти се фалсификувани банкноти од 100 евра.