На последниот ден за тргување на македонската берза најтргувани беа акциите на ТТК Банка АД Скопје, кои забележаа раст од 2,95 проценти, пред акциите на Тетекс АД Тетово кои забележаа раст од 2,17%.

Пораст имаше и кај акциите на Комерцијална банка АД Скопје од 0,39%.

Според официјалниот среден курс на Народната банка на Македонија, денеска денарот спрема еврото има вредност од 61.5004 денари.

Курсот на денарот спрема доларот е на ниво од 55.4507 денари, британската фунта изнесува 71.8883 денари, додека пак швајцарскиот франк е 55.9196 денари.