Connect with us

Анализи

БАНКАРСКИОТ СЕКТОР Е НАЈПРОФИТАБИЛЕН! – Колку заработија водечките три банки заклучно со третиот квартал на 2021 година?

Објавено

на

Податоците од направената анализа на Банкарство.мк покажуваат дека заклучно со третиот квартал на 2021 година водечките три македонски банки (Стопанска банка АД – Скопје, НЛБ Банка и Комерцијална банка) оствариле добивка од 79 милиони евра, што претставува зголемување за високи 21,63% во споредба со добивката остварена во истиот период од претходната 2020 година.

Највисока добивка оствари Стопанска банка АД – Скопје, која за девет месеци од тековната година прокнижи нето добивка од 1.813.259 илјади денари или 29,5 милиони евра, што претставува зголемување за 28% споредено со нето добивката остварена во анализираниот период минатата година.

Зад најпрофитабилната Стопанска банка АД – Скопје, одличен финансиски резултат оствари и НЛБ Банка АД Скопје којашто заклучно со 30.09.2021 година забележа нето добивка во износ од 1.689.026 илјади денари или 27,5 милиони евра, што претставува зголемување за 33,5% во однос на остварената нето добивка истиот период претходната година.

Комерцијална банка АД Скопје која ја заокружува водечката тројка во банкарскиот сектор во нашата земја оствари нето добивка во износ од 1.355,1 милиони денари или 22,03 милиони евра. За разлика од конкурентите кои имаат висок пораст на добивката, Комерцијална банка АД Скопје заклучно со третиот квартал забележа зголемување на добивката за само 3,4% во споредба со истиот период од претходната година.

Пандемијата на коронавирусот сеуште владее во земјата и сеуште предизвикува сериозни импликации врз здравјето на луѓето со соодветен голем импакт и во економската сфера. Сепак, иако економијата сеуште не може да функционира во полн ек, за разлика од претходната година забележителни се значителни подобрувања.

Изминатиов месец во државата се одржуваа редовни локални избори, а тоа е предуслов за соодветен економски застој. Доколку на тоа се додаде дека се соочуваме со политичка криза и можно одржување на нови предвремени парламентарни избори, како и со се поизвесната електрична криза, доаѓаме до фактот дека ни претстои сериозен пад на економијата.

Кризата може дополнително да се продлабочи и со најавената зголемена инфлација и сериозното покачување на цените на сите производи и услуги.

Сепак, од овие податоци можеме да заклучиме дека банкарскиот сектор во нашата држава е најпрофитабилен и дека банките и во услови на криза бележат одлични резултати.

Анализи

„Finance Think”: Сивата економија во 2020 година намалена во однос на 2006 година

Објавено

на

Сивата економија во 2020 година е намалена во однос на 2006 година, а најголемите намалувања се случиле за време на финансиската криза во 2009 година и по воведувањето на минималната плата во 2012 година, покажува најновото истражување направено од Институтот за економски истражувања и политики „Finance Think”. (more…)

Продолжи со читање

Анализи

Кои се петте најпрофитабилни македонски компании во 2021 година!?

Објавено

на

Македонскиот приватен сектор полека, но сигурно се опорави од пандемијата на Covid-19 вирусот, а доказ за тоа е зголемената профитабилност на компаниите за претходната 2021 година. Македонските компании ја зголемиле добивката за 22,64 проценти во однос на истиот период од претходната година. (more…)

Продолжи со читање

Анализи

АНАЛИЗА: Паѓаат каматите за депозитите и за кредитите – зголемена внимателност од нови задолжувања!

Објавено

на

Банкарската 2022 година започна со пад на каматите и за депозитите и за кредитите. Каматите за штедење остануват под 1%. Во првите два месеци од оваа година на месечно ниво депозитите се намалиле додека кај кредитирањето има раст од 0,9% во февруари, пишува „Порталб”. Податоците покажуваат дека граѓаните и фирмите се задолжуваат со зголемена внимателност – потврда и од банкарите дека во првиот квартал од годинава очекуваат намалување на побарувачката за кредити од страна на фирмите. (more…)

Продолжи со читање


Популарно