Connect with us

Анализи

Банкарскиот сектор е НАЈПРОФИТАБИЛЕН! – Еве колку заработија водечките три банки во првиот квартал на 2020 година

Објавено

на

Податоците од направената анализа на Банкарство.мк покажуваат дека во првиот квартал на 2020 година водечките три македонски банки (Стопанска банка АД – Скопје, Комерцијална банка и НЛБ Банка) оствариле добивка од 19,22 милиони евра, што е за речиси 47% пониска во споредба со добивката остварена во истиот период од претходната 2019 година.

Највисока добивка оствари Стопанска банка АД – Скопје, која во првите три месеци од годината прокнижи нето добивка од 546.088 илјади денари или 8,8 милиони евра, што претставува зголемување за 1,1% споредено со нето добивката остварена во анализираниот период минатата година.

Зад најпрофитабилната банка Стопанска банка АД – Скопје, одличен финансиски резултат оствари и НЛБ Банка АД Скопје којашто во првиот квартал од 2020 година забележа нето добивка во износ од 418.532 илјади денари или 6,8 милиони евра, што претставува зголемување за 1,9% во однос на остварената нето добивка истиот период претходната година.

Комерцијална банка АД Скопје која ја заокружува водечката тројка во банкарскиот сектор во нашата земја оствари нето добивка во износ од 217.549 илјади денари или 3,5 милиони евра. Иако, финансискиот резултат на Комерцијална банка АД Скопје во првите три месеци од годинава е позитивен, забележано е значително намалување на добивката од огромни 50% во однос на остварената добивка за истиот период од претходната година.

Кон крајот на овој квартал се случи пандемијата на вирусот Ковид-19, која започна да се шири на глобално ниво предизвикувајќи сериозни импликации врз здравјето на луѓето со соодветен голем импакт и во економската сфера. Тоа претставува значаен индикатор дека вториот квартал од годинава ќе биде исклучително тежок за македонската економија, а тоа во голема мера ќе се почувствува и врз резултатите на банките.

Дополнително, врз резултатот на банките ќе влијае и мораториумот на кредитните обврски којшто македонските банки им го овозможија на своите клиенти, со цел полесно надминување на тешката корона криза.

Сепак, од овие податоци можеме да заклучиме дека банкарскиот сектор во нашата држава е најпрофитабилен и дека банките и во услови на криза бележат одлични резултати.

Анализи

„Finance Think”: Сивата економија во 2020 година намалена во однос на 2006 година

Објавено

на

Сивата економија во 2020 година е намалена во однос на 2006 година, а најголемите намалувања се случиле за време на финансиската криза во 2009 година и по воведувањето на минималната плата во 2012 година, покажува најновото истражување направено од Институтот за економски истражувања и политики „Finance Think”. (more…)

Продолжи со читање

Анализи

Кои се петте најпрофитабилни македонски компании во 2021 година!?

Објавено

на

Македонскиот приватен сектор полека, но сигурно се опорави од пандемијата на Covid-19 вирусот, а доказ за тоа е зголемената профитабилност на компаниите за претходната 2021 година. Македонските компании ја зголемиле добивката за 22,64 проценти во однос на истиот период од претходната година. (more…)

Продолжи со читање

Анализи

АНАЛИЗА: Паѓаат каматите за депозитите и за кредитите – зголемена внимателност од нови задолжувања!

Објавено

на

Банкарската 2022 година започна со пад на каматите и за депозитите и за кредитите. Каматите за штедење остануват под 1%. Во првите два месеци од оваа година на месечно ниво депозитите се намалиле додека кај кредитирањето има раст од 0,9% во февруари, пишува „Порталб”. Податоците покажуваат дека граѓаните и фирмите се задолжуваат со зголемена внимателност – потврда и од банкарите дека во првиот квартал од годинава очекуваат намалување на побарувачката за кредити од страна на фирмите. (more…)

Продолжи со читање


Популарно