Connect with us
P2_P_MK_1600x400

Електронско банкарство

Асоцијацијата за е-трговија на Македонија прослави една година од постоењето

Објавено

на

Изминатава недела Асоцијацијата за е-трговија на Македонија (АЕТМ) во присуство на своите членови, соработници и партнери во духот на предновогодишното расположение, ја одбележа годишнината од нејзиното формирање. Во текот на годината асоцијацијата активно работеше на нејзино спознавање од засегнатите страни и нивно зачленување, со цел здружено делување кон подобрување и раст на е-трговијата. 

“Започнавме со голем ентузијазам благодарение на довербата која ни ја укажаа сите компании, организации, владини институции и индивидуалци кои се приклучија здружено да делуваме кон подобро утре за е-трговијата во земјава. Ja aнализиравме состојбата на е-трговијата во Република Македонија каде ги мапиравме проблемите и креиравме препораки за надминување на истите и го објавивме и промовиравме сеопфатниот извештај. Организиравме повеќе едукативни настани кои произлегоа од мапирањето на состојбата и потпишавме бројни меморандуми за соработка со институции и организации засегнати од проблематиката. Ја приклучивме асоцијацијацијата кон европските асоцијации за е-трговија и земавме учество на првиот глобален состанок на асоцијации за е-трговија кој се одржа во Април во Обединетите нации во Женева. Ја организиравме првата конференција за е-трговија во Македонија, преку која заеднички покажавме дека Македонија има расположение за промени и раст на е-трговијата.” – вели Д-р Нина Ангеловкса, претседател на АЕТМ

Во продолжение е ретроспектива на организираните настани и активности почнувајќи од последниот настан – предновогодишната прослава.

#12 Една година АЕТМ & Предновогодишна прослава [Декември]

Прослава во предноводишно расположение заедно со сите членови, соработници и партнери по повод една година од постоењето на Асоцијацијата за е-трговија на Македонија.

#11 Меморандум за соработка со МАСИТ [Декември]

Потпишавме меморандум за соработка со MASIT ICT Chamber of Commerce, со цел заедничко залагање за прогрес и подигнување на целокупното ниво на дигитални вештини и компјутерска писменост на населението и бизнисите.

#10 Меморандум со Економски Факултет, при УКИМ [Ноември]

Со поптпишување на меморандум за соработка со Економски факултет – Скопје ја зголемуваме соработката со високо образовните институции, со цел да ја зголемиме инволвираноста на професорите, а особено и на студентите како носечка алка за забрзување на развојот на е-трговијата и придонес кон поголеми знаења од оваа област како интегрален дел од процесот на дигитализацијата.

#9 Прва годишна конференција за е-трговија во Македонија [Октомври]

Македонија ја доби својата прва конференција за е-трговија! Темата на конференцијата беше “Е-трговија: Е-иднината за Е-Македонија!”, инспирирана од нашето силно уверување дека иднината за подобра Македонија лежи во дигитална држава и паметно општество, а е-трговијата е составен дел од таквото општество.

#8 Меморандум со ФИНКИ [Септември]

Асоцијацијата за е-трговија на Македонија и Факултетот за информатички науки и компјутерско инженерство – ФИНКИ потпишаа меморандум за соработка со цел заеднички да придонесат кон развојот на е-трговијата и развивањето на способностите, дигиталната писменост и градењето капацитети во секторот за е-трговија во Македонија.

#7 Информативна работилница за преку-гранична е-трговија со Царинска Управа и DHL [Септември]

Асоцијација за е-трговија на Македонија, во соработка со Царинската Управа и DHL организираше едукативен настан каде што е-трговците имаа можност да слушнат за поедноставените царински постапки директно од претставници од Царинската управа, како и за важноста на доставата за е-трговијата и процесот на испорака.

#6 Меморандум со Царинска Управа на Република Македонија [Јуни/Јули]

Потпишавме Меморандум за соработка со Царинска управа на Р.М., кој воедно претставува и зачленување на Царинската Управа на Р.М како почесен член во АЕТМ.

#5 Промоција на Извештајот од анализата за е-трговија на Република Македонија [Jуни]

После петмесечна напорна работа и интензивно истражување, на 21 јуни го објавивме и промовиравме Извештајот од сеопфатната анализа за е-трговија со назив: “Подготвеност, потенцијал, фактичка состојба, бариери и препораки за развој на е-трговијата во Р. Македонија”.

#4 UNCTAD Ecommerce Week [Aприл]

Претседателот на Асоцијацијата за е-трговија на Македонија, Д-р Нина Ангеловска ја претставуваше Македонија на првиот глобален собир на Асоцијации за е-трговија на eCommerce Week. Лидерите на асоцијациите ги дискутираа предизвиците со кои се соочуваат нивните држави, разменија искуства и споделија најдобри практики.

#3 Градење капацитети: “Ladies in E-commerce” [Април]

“Ladies in eCommerce” беше дводневен едукативен настан кој се состоеше од тренинзи и работилници во полето на е-трговијата. Главната цел беше да се обезбеди знаење за е-трговијата што ќе придонесе кон зголемување на капацитетите и конкурентноста во ММСП, земајќи ја во предвид родовата димензија.

#2 Прес-конференција – Launch & Brunch [Март]

Основањето на асоцијацијата беше претставено во март за време на прес-конференцијата каде што на јавноста и беа презентирани мисијата, визијата и програмата на АЕТМ. Министерот на Информатичко Општество и Администрација, г-дин Дамјан Манчевски, Гувернерот на НБРМ, г-дин Димитар Богов и регионалната директорка на Mastercard г-ца Вања Манова се обратија пред присутните изразувајќи ја својата поддршка кон е-трговијата во Македонија. Амбасадорт на Обединето Кралство, H.E. Mr. Charles Garrett и Амбасадорот на Кралството Холандија, H.E. Mr. Wouter Plomp беа помеѓу истакнатите гости во публиката кои ја дадоа својата поддршка и признание.

#1 Годишно собрание [март]

На годишното Собрание кое се одржа во Хотел Порта, присуствуваа дваесет и три претставници од компаниите – членки на АЕТМ каде се разменија идеи, коментари и предлози што се однесуваат на предизвиците на е-трговијата во различни индустрии.

 

Електронско банкарство

Асоцијација за е-трговија на Македонија го одржа второто годишно собрание

Објавено

на

Асоцијацијата за е-трговија на Македонија вчера го одржа своето второ годишно Собрание во конференциската сала во Воденица Мулино. Во последнава година асоцијацијата успеа да ја крене свеста за значењето и потенцијалност  на е-трговијата за стимулирање на прогрес и економски раст на земјава. (more…)

Продолжи со читање

Електронско банкарство

S-Banking – бидете 24 часа во тек со сите трансакции!

Објавено

на

Мобилното банкарство на Шпаркасе Банка Македонија е апликација наменета за паметен телефон и/или таблет која може да ја инсталирате од кое било место со пристап до интернет со што на лесен и едноставен начин ќе имате 24-часовен пристап до сите производи и услуги наменети за физички лица од Шпаркасе Банка. (more…)

Продолжи со читање

Електронско банкарство

Стопанска банка АД Скопје ја исфрла од употреба Windows mobile верзијата на мобилната апликација

Објавено

на

Стопанска банка АД Скопје ги исвестува своите клиенти корисници на мобилната апликација, дека поради значајно намалениот број на корисници на Windows Mobile уреди на пазарот, но и глобално, од 01.03.2019 m-banking апликацијата на Стопанска банка ќе престане да биде достапна за преземање од Windows Mobile Store.

Бесплатната m-banking апликација останува достапна за iOS и Android мобилни уреди и Банката ќе продолжи да инвестира во развој и унапредување на услугите достапни преку истата.

Продолжи со читање
project

Популарно

Copyright © 2018 bankarstvo.mk. All Rights Reserved. Developed by Digital Orange