Connect with us

Електронско банкарство

Асоцијацијата за е-трговија на Македонија започна со градење капацитети за раст на е-трговијата

Објавено

на

Изминатите два дена беа целосно посветени на содржините од Дигиталниот самит, но во исто време и со иста цел – кон “Дигитална Македонија”, се случуваа и дводневните обуки за е-трговија која претставува интегрален дел од едно дигитално општество. Под името “Жени во е-трговија”, Асоцијацијата за е-трговија на Македонија успешно ги реализираше дводневните обуки и тренинзи како дел од програмата која ја презентираа на прес-конференцијата пред неполн месец. 

Обуките беа посетени од 30 претставници на компании и бизниси од Македонија кои сакаат да ја унапредат е-трговијата во своите компании или едноставно да научат повеќе за истата.  Учесничките имаа прилика да соберат нови знаења за голем број на аспекти во е-трговијата распределени во 13 предавања и 2 работилници кои ги покрија 16 говорници, сите искусни во своите области. Благодарение на поддршката од Швајцарската Програма за претприемнишво (SwissEP) учесниците имаа можност да слушнат и интернационални искуства од петте претприемачи кои доаѓаа од Обединетото Кралство и САД.

Дел од темите кои што се најдоа во сеопфатната агенда беа: развојот на е-трговијата во Македонија, плаќања во е-трговија, испорака кон дома и надвор, правна регулатива, дигитален маркетинг, email маркетинг, growth hacking, платено рекламирање на Facebook и Instagram, можности за жени во е-трговија и др. Дополнително четири говорници ги презентираа своите успешни приказни во 4 различни индустрии (групни попусти, едукација, малопродажба и супермаркет), предизвиците со кои се соочиле и како ги надминале.

Овие обуки покажаа дека на македонските компании им недостасуваат вакви едукативни настани каде покрај тоа што собирираат нови знаења, имаат можност и да разменат искуства и предизвици со кои се соочуваат, да видат како другите се справуваат со истите и кои се најдобрите практики кои може да ги применат во своите компании. Особено не радува отвореноста која ја покажаа сите учесници преку плодната дискусија и активното учество. Нашата цел е да ја унапредиме е-трговијата во Македонија и да креираме поволна клима за нејзин раст, а еден од начините за да го направиме тоа е токму едукацијата која ќе помогне во градења на капацитетите и зголемување на понудата во е-трговијата на пазарот која е клучна за раст на индустријата.” – вели Д-р Нина Ангеловска, косопственик и директор на Grouper.mk и Претседател на АЕТМ.

АЕТМ започна со работа во декември 2017, а веќе има 32 членки кои заеднички ќе работат и застапуваат за создавање поволна клима за развој на електронската трговија во Македонија. Во неполни 4 месеци работа асоцијацијата ја формираше својата програма за 2018 година, го одржа своето прво Собрание, организираше прес конференција, гостуваше во голем број емисии и настани кревајќи ја свеста за е-трговијата, објави податоци за е-трговијата во Македонија како дел од сеопфатната анализа за состојбата со е-трговијата во Македонија која е во процес на изработка, ги организираше првите едукативни тренинзи под името „Ladies in eCommerce“, и оствари контакти и размени искуства за соработки со повеќе асоцијации од други земји.

Сите компании кои сакаат да се придружат на АЕТМ може да се информираат повеќе на  http://ecommerce.mk/ и да ги следат активностите на нивната Facebook фан страна.

Електронско банкарство

Стопанска банка АД Скопје ја исфрла од употреба Windows mobile верзијата на мобилната апликација

Објавено

на

Стопанска банка АД Скопје ги исвестува своите клиенти корисници на мобилната апликација, дека поради значајно намалениот број на корисници на Windows Mobile уреди на пазарот, но и глобално, од 01.03.2019 m-banking апликацијата на Стопанска банка ќе престане да биде достапна за преземање од Windows Mobile Store.

Бесплатната m-banking апликација останува достапна за iOS и Android мобилни уреди и Банката ќе продолжи да инвестира во развој и унапредување на услугите достапни преку истата.

Продолжи со читање

Домашни банки

Нови функционалности во Интернет банката за правни лица на Комерцијална банка

Објавено

на

Комерцијална банка АД Скопје на своите корисници на Интернет банка им овозможи нова опција, а тоа е дека почнувајќи од 01.04.2019 година, Банката ќе ги доставува изводите за тековната сметка во странска валута за правни лица резиденти, придружните обрасци 743 и 1450 и МТ 103 SWIFT пораките, единствено преку Интернет банката за правни лица во делот на Девизен платен промет.

Новите функционалности во Интернет банката за правни лица се достапни бесплатно за сите клиенти кои имаат пристап, без потреба од поседување на токен, и истите нудат повеќе предности во Вашето работење: поголема сигурност, безбедност,  брзина и ефикасност.

Продолжи со читање

Електронско банкарство

Царинските процедури достапни преку курсеви за електронско учење

Објавено

на

Следејќи ги трендовите на Европска Унија за дигитализација на секој аспект од царинското работење, Царинската управа денес ги промовираше курсевите за електронско учење преведени и прилагодени на македонски јазик.  (more…)

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange