Connect with us

Електронско банкарство

Асоцијацијата за е-трговија доделува 5 бесплатни влезници за првата конференција за е-трговија во Македонија

Објавено

на

Студентите се важен сегмент во општеството на една земја чија креативност и визија е секогаш добредојдена преку иницијативите за имплементација на иновативни проекти или научни трудови кои ќе придонесат кон поедноставување на секојдневнието.

Присуството на настани како конференцијата за е-трговија им нуди можност за стекнување на знаење и контакти кои во иднина може да придонесат кон напредок на нивниот образовен и кариерен план и активно да ги вклучат студентите во градењето на Република Македонија како е-општество.

Токму поради овие причини Асоцијацијата за е-трговија на Македонија доделува 5 гратис влезници за студенти за првата конференција за е-трговија во Македонија под називот “eCommerce: The eFuture for eMacedonia!” која ќе се одржи на 26 октомври во Хотел Мериот – Скопје.

Конференцијата вклучува четири главни теми: развој, плаќања, дистрибуција и маркетинг организирани во десет главни говори и три панел дискусии во кои ќе учествуваат повеќе од дваесет македонски и странски говорници.

Се што треба да направите доколку сте активен студент на еден од факултетите на територијата на Република Македонија е да го одговорите прашалникот и со тоа станувате учесник во извлекувањето и потенцијален добитник на влезница на првата конференција за е-трговија на Македонија.

Аплицирањето е отворено до 1 октомври, додека Добитиниците ќе бидат одбрани по случаен избор на 2 октомври и за истото ќе бидат известени по email.

Повеќе информации за првата конференцијата за е-трговија во Македонија можете да погледнете ТУКА.

Електронско банкарство

Повеќе од 30 говорници од 9 држави ќе учествуваат на првата Конференција за е-трговија во Македонија


Објавено

на

Организаторите на првата годишна македонска Конференција за е-трговија, која ќе се одржи на 26-ти октомври во хотел Мериот во Скопје, ја објавија финалната програма. Агендата е составена од поздравни обраќања, главни говори, панел дискусии и неколку изненадувања за учесниците, а ќе биде реализирана од страна на триесетина говорници од 9 држави. Покрај локалните учесници и експерти за е-трговија, ќе има говорници и од Калифорнија (САД), Велика Британија, Чешка, Словенија, Бугарија, Србија, Полска и Белгија. (more…)

Продолжи со читање

Електронско банкарство

Три нови функционалности во електронското банкарство на Силк Роуд Банка АД Скопје

Објавено

на

Електронското банкарство за физички и правни лицa на Силк Роуд Банка од денес е збогатено со три нови функционалности и тоа: девизен пазар, девизни плаќања и девизни приливи. (more…)

Продолжи со читање

Електронско банкарство

МОЈА БАНКА, Мобилна банка на Охридска банка Сосиете Женерал

Објавено

на

MОЈА БАНКА апликација на Охридска банка Сосиете Женерал која Ви овозможува Вашиот мобилен уред да биде Ваша подвижна виртуелна експозитура преку која на брз, сигурен и лесен начин имате информација за сите Ваши сметки, кредитни картички, кредити, депозити, а можете да правите плаќања кога било и од каде било.

Апликацијата е бесплатна и можете да ја преземете преку Google Play Store или Apple App Store, а поддржува верзии на оперативните системи Android и IOS не постари од Android 4.2 и IOS 7.0.  Еден корисник може апликацијата да ја користи на максимум три различни уреди.

Достапна е за користење на 3 јазици: македонски, албански и англиски.

Со максимална сигурност на располагање Ви се следниве услуги:

  • Пристап до Вашите сметки, состојбата и расположливите средства, во секое време (преглед на состојба, промет за период, структура на картични трансакции, увид во извршените налози, амортизациони планови, напредно пребарување на налози, преглед на кредити, кредитни и дебитни картички, кредити, депозити и сл.)
  • Креирање на ПИН-код за поедноставно и побрзо најавување без да се загрози безбедноста на вашите финансиски информации
  • Користење на готови шаблони за брзи плаќања на сопствени сметки, уплати за кредити и кредитни картички и други плаќања
  • Користење на готови шаблони за брзо плаќање на режиски трошоци (вода и комуналии, струја, парно, телекомуникации, кабелски оператори, радиодифузна такса итн.)
  • Извршување на налози за плаќање преку стандардните обрасци ПП30 и ПП50, со можност за избор од сопствените сметки (Мои сметки)
  • Извршување на конверзија на девизи помеѓу Вашите сметки
  • Калкулатори за пресметка на кредитните и депозитните производи на Банката
  • Курсна листа со напреден преглед
  • Лоцирање на банкоматите и експозитурите на Банката со можност за креирање на локациска маршрута, увид во работното време на филијалите и нивните контакт-податоци
  • Нотификациско сандаче за прием на известувања

Апликацијата можете да ја користите дури и доколку не сте клиент на Банката. Едноставно, само симнете ја апликацијата и ќе можете да ги користите јавно достапните услуги за нашите производи и услуги, геолокациските услуги за наоѓање на најблиска експозитура или банкомат.

Посетете ја најблиската експозитура и станете корисник на Моја банка.

Продолжи со читање
P2_P_MK_300x250

Популарно

Copyright © 2018 bankarstvo.mk. All Rights Reserved. Developed by Digital Orange