Министерот за економија на Аргентина, Мартин Гузман, предложи аргентинската влада да размисли и навремено да прогласи дека државата банкротирала по деветти пат, пренесува „Financial Times“.

Тоа би бил неверојатен деветти пат Аргентина да банкротира во својата историја, по осамостојувањето во 1816 година.

Според Гузман, банкрот би можел да се објави ако доверителите не се согласат да ги олеснат условите на аргентинскиот долг.

Кон средината на април, аргентинската влада предложи план за реструктуирање на долг од 65 милијарди американски долари за приватни доверители. Планот предвидува тригодишен мораториум за плаќања, продолжување на периоди на отплата на долговите до 2030 година, отпишувајќи 62% од каматата (37 милијарди американски долари) и 5,4% (3,6 милијарди американски долари) на главницата на долгот.

Сепак, од планот на владата барем во догледно време нема да се оствари со оглед на податокот дека доверителите го отфрлија предлогот на министерот Гузман, изјавувајќи дека нема стимул за прифаќање на договор што не им дава ништо до средината на 2023 година, кога владата ќе се приближи до крајот на мандатот.

Крајниот рок за двете страни да се договорат за отплата на долговите е 8 мај, додека следниот рок за плаќање на камата е 22 мај.

Доколку не се постигне договор до 22 мај, тогаш ќе се активира банкротот на државата по неверојатен деветти пат. Кога ова последен пат се случи во 2001 година, Аргентина беше затворена за меѓународните пазари цели 15 години.

Јасно е дека и двете страни треба да направат своевиден компромис со цел овој пат за да избегнат таков исход кој би имал погубни последици за сите засегнати страни.