Connect with us

Останато

Ангеловска: Ја стимулираме продуктивноста со активните мерки, субвенции и долгорочни политики

Објавено

на

Продуктивноста е нешто што треба да го адресира Владата за повисок економски раст. Работиме на подобрување на продуктивноста на сегашните и идните генерации преку долгорочни политики, но и преку пократкорочни меркина долг рок преку вложување во здравството, образованието и социјалата, додека на пократок рок преку активните мерки за вработување и субвенционирање на повисоките плати со цел да се задржат квалитетните кадри. Ова го истакна министерката за финансии Нина Ангеловска во интервју за „Утрински брифинг“.

„Продуктивноста е поврзана со инвестициите во човечки капитал. Индексот на човечки капитал на Светска банка за Северна Македонија изнесува 0,53. Денеска нашите млади, согласно со тоа колку сме инвестирале во нив преку здравствениот систем, образованието и социјалната заштита, во иднина ќе искористат само 53 проценти од нивната потенцијална продуктивност. Кај развиените земји овој индекс се движи околу 0,8, кај земјите од ЕУ околу 0,7, додека во регионот околу 0,6. Ова говори дека во изминатите години не сме вложувале доволно во човечкиот капитал”, посочи Ангеловска.

Таа додаде дека преку фокусот на здравството, образованието и социјалната грижа, кои меѓусебно се надополнуваат и го засилуваат ефектот, директно се придонесува кон посилен економски раст и развој. Затоа што само здрава, едуцирана работна сила може да заработи повеќе и да инвестира повеќе и во општеството, да гради, да инвестира, да биде продуктивна, да придонесува кон економски раст.

„Ако се согласуваме дека продуктивноста треба да расте, тогаш треба да вложуваме во неа, и ние како Влада тоа го правиме. Тоа го покажуваме и со субвенционирањето на придонесите за компаниите со цел да се зголемат платите, со што директно им се помага на компаниите кои имаат проблем да ги задржат и мотивираат своите работници”, укажа Ангеловска.

Во ноември, кога стартуваше мерката, веќе 12 проценти од компаниите или 8.200 компании ги зголемија платите на околу 45.000 вработени лица, а просечниот раст на платите е околу 4.100 денари, нагласи Ангеловска, додавајќи дека мерката е добро пречекана од страна на приватниот сектор.

Таа посочи дека и преку активните мерки за вработување во вредност од 1,3 милијарди денари се адресира продуктивноста, преку обуки, реквалификации и адаптирање на потребите на пазарот на труд.

„Би сакала државата да се развива по најдобрите модели и практики. Тоа значи  да биде дигитална како Естонија, да биде орентирана кон технологии како Изразел, кој е генератор на значителен дел од БДП, да биде со развиен човечки капитал колку Сингапур, каде овој процент е 85 отсто, да имаме образование како Финска и здравство како Швајцарија”, рече Ангеловска.

Останато

Лансирање на е-продавница за време на пандемија – како IQOS го претвори предизвикот во можност

Објавено

на

„Нашиот иницијален план беше да се лансира IQOS на нашиот пазар во почетокот на април, но како ситуацијата со пандемијата стануваше сé посериозна, увидовме дека пандемијата наметна многу побрзо привикнување на корисниците на дигиталните канали, со што стана јасно дека мора да се искористи времето од одложениот старт за да се подготви е-продавница и така со лансирањето на IQOS се започна и со онлајн продажба“. Ова го истакна Јана Дурнева, менаџер за дигитална поддршка и грижа за корисници на производи со намален ризик при Филип Морис Интернешнал на овогодинешната конференција за е-трговија, насловена „E-трговија & COVID-19: Предизвиците и можностите!“. (more…)

Продолжи со читање

Останато

Бесими: Со буџетот за 2021 година се обезбедува поголема поддршка за домашното стопанство

Објавено

на

За поддршка на инвестициите, конкурентноста, малите и средни претпријатија, домашниот туризам, како и целокупната област за економски развој во 2021 година се обезбедени за 4,5 проценти поени повеќе во однос на буџетот 2019 година, односно со буџетот за 2021 година 24% од расходите се наменети за економски развој, рече министерот за финансии Фатмир Бесими на комисиската расправа за буџетот во Собрание. (more…)

Продолжи со читање

Останато

Ангеловска: Сега повеќе од било кога имаме шанса да го забрзаме патот кон смарт и дигитално опшество!

Објавено

на

На првиот ден од годишната конференција за е-трговија која годинава се одржува по трет пат се обрати поранешната министерска за финансии и актуелен претседател на Асоцијацијата за е-трговија на Македонија, Нина Ангеловска, која ги презентираше најновите истражувања за трендот на е-купувањето во државата.

„Сега повеќе од било кога имаме шанса да го забрзаме патот кон смарт и дигитално опшество кое значи праведно и правично општество, општество кое нуди еднакви шанси и можности за сите, кое овозможува побрз, позелен и одржлив економски развој. Северна Македонија има голем потенцијал за е-трговија, само треба што поскоро да го отклучиме и да ја ставиме дигитализацијата на нашата нација во петта брзина”. посочи Ангеловска во нејзиното поздравно обраќање.

КОВИД-19 влијаел на промената на потрошувачите навики на македонските е-купувачи и 36% од нив го зголемиле обемот на онлајн купување.

По однос на прогресот на е-трговијата остварен од 2017 до 2019 година, Ангеловска вели дека имаме предуслови за побрз развој на е-трговијата, а сепак се движиме со далеку послабо темпо од останатите земји. Во 2019 година, 36% од населението со интернет пристап направило онлајн нарачка, наспроти 20% во 2017 година. Просекот во европските земји изнесува 71%.

„Вредноста на онлајн трансакциите кои Македонците ги направиле кон домашни е-трговци во вториот квартал 2020 бележи раст од 177 проценти. Позитивно е што структурата се менува и повеќе купувања/плаќања се прават кон дома.“ – додава поранешната министерка.

Kaj 66% од анкетираните е-трговци продажбата на физички локации се намалиле, додека онлајн се зголемила, додека 29% забележалале раст и на онлајн и на офлајн продажбите. Најголем предизвик за е-трговците е ниското ниво на дигитални вештини на населението, а потоа наоѓањето на квалификуван кадар. COVID-19 влиаел на промена на навиките на е-купувачите, од анкетираните 2.800 испитаници, 37% значително повеќе купуваат онлајн, близу 20% за прв пат почнале да плаќаат сметки онлајн и да користат владини е-услуги. Пониската цена има најголемо влијание на одлуката за онлајн купување.

„Иако останува неизвесно колку ефектите од овој „принуден раст“ ќе бидат долготрајни, позитивно е што дури 76% рекле дека ќе продолжат да купуваат со ист обем и по COVID-19.” – објасни Ангеловска.

Во спроведените прашалници посветен е и дел на нарачките преку социјални медиуми, како еден од главните канали за сива економија во е-трговија.

Како што објаснува Ангеловска, речиси половина од анкетираните (47%) се изјасниле дека прават нарачки преку социјални медиуми при што 48% од нив никогаш не добиваат фискална сметка. Иако најголем дел од нив се запознаени со ризиците дека не се заштитени како потрошувачи, како и дека се учесници во сивата економија тие велат дека ги прифаќаат ризиците и го прават тоа затоа што им е позгодно и полесно.

Од 40% од e-трговците кои кажале дека примаат вакви нарачки, 37% од нив стравуваат дека ќе ја изгубат потенцијалната продажба ако не ги прифаќаат нарачките директно преку пораки.

Продолжи со читање

Популарно