Connect with us

Останато

Ангеловска: Да се зачуваат работните места за да рестартира економијата

Објавено

на

Да го заштитиме секое работно место, секој да има средства за да го преживее и преброди овој период. Да ја заштитиме ликвидноста на буџетот за да ги сервисираме обврските и да ја заштитиме ликвидноста на стопанството кое потоа треба да се рестартира. Ова се целите по кои се раководиме во справувањето со кризата и менаџирањето со буџетот, рече министерката за финансии Нина Ангеловска во интервју за Радио Слободна Европа.

Зборувајќи за што би се кратело од буџетот Ангеловска вели дека се што е во функција на справување со кризата, не може да биде предмет на кратење, како здравството и безбедноста. Таа посочува дека треба да се обезбедат средства секој граѓанин да има средства, да тече социјалната заштита и сите да бидат солидарни, реални и самосвесни.

„Ако зборуваме за кратење на расходната страна, ќе има кратења на одредени стоки и услуги, одредени капитални услуги кои што се купување на опрема, лиценци, софтвери, значи во едни такви услови сè што суштински и директно не се поврзано со справување со корона-кризата мора и може да биде предмет на кратење. А како и зошто со една единствена цел – да се заштити секое едно работно место, секој да има средства да го преброди овој период, сите да бидеме солидарни, да ја заштитиме пред се ликвидноста на буџетот за да ги сервисираме овие обврски и да ја заштитиме ликвидноста на стопанството коешто потоа треба да се рестартира и да продолжи да ја полни цевката за да може да продолжи да оди и да тече нормално и расходната страна” – рече Ангеловска.

Таа посочи дека првиот пакет на мерки со кои се нудат бескаматни кредити, субвецнионирање на придонеси и одлагање на плаќање аконтации на данок на добивка грубо чини околу 40 милиони евра:

„Зборуваме за околу, грубо кажано, 40 милиони евра и дополнително 50 милиони евра кои што Македонската банка за обнова и развој, ги најавивме дека ќе ги стави во функција на стопанството преку кредити, кои што сега се утврдуваат условите и се дискутира и со комерцијалните банки за да истите бидат пласирани преку комерцијалните банки, бидејќи се работи за заем од Европската инвестициона банка кој што е склучен. Сега разговараме за промена на условите, за да истиот биде ставен во функција на справување со кризата и помош на ликвидноста на стопанството. Овој втор сет на мерки кој што се изработува, допрвaо ќе излеземе нели со бројките, меѓутоа оваа мерка за поддршка или исплата на минимална плата на погодените сектори и индустрии, во груба проценка, би чинела околу 100 до 120 милиони евра” – рече Ангеловска.

Останато

Професии со кои можете лесно да дојдете до вработување во 2021 година

Објавено

на

Кога станува збор за пазарот на трудот, информатичарите, градежните инженери и економистите, можат најлесно да се вработат. (more…)

Продолжи со читање

Останато

Никола Рибароски избран за претседател на Комората на друштва за геодетски работи

Објавено

на

На редовно годишно собрание, делегатите го избраа Никола Рибароски за претседател на Комората на друштва за геодетски работи. По изборот тој истакна дека ќе ги застапува заедничките интереси на членовите на Комората институциите на национално и интернационално ниво, ќе ги чува угледот, честа и правата на членовите и вработените овластени геодети, и ќе се грижи дејност да ја вршат во согласност со матичниот Закон. (more…)

Продолжи со читање

Останато

Комората на сметководители бара пролонгирање на роковите за поднесување на годишните и финансиските извештаи

Објавено

на

Пролонгирање на роковите за поднесување на годишни сметки и финансиски извештаи преку законски измени на Законот за трговски друштва со цел подобрување на квалитетот на финансиското известување да бидат дел од  економските мерки за петтиот пакет, бара Комората на сметководители при Сојузот на стопански комори на Македонија. Според роковите утврдени во Законот за трговски друштва Годишната сметка се доставува до Централниот регистар до крајот на месец февруари наредната година, во хартиена форма или до 15 март во писмена форма. (more…)

Продолжи со читање

Популарно