Connect with us

Платежни картички

Ангеловска: Граѓаните од денес ќе почнат да добиваат домашна платежна картичка, 28 милиони евра ќе бидат префрлени кон банките

Објавено

на

Денес ќе бидат префрлени 28-те милиони евра средства за домашните платежни картички кон банките, а уште денес и се очекува да се издадат првите домашни платежни картички. Ова го најави министерката за финансии Нина Ангеловска во гостување за „Само вистина“ и посочи дека банките веќе по смс ги информираат граѓаните чии картички се изработени.

„Денес ќе бидат исплатени 28 милиони евра средства до деветте банки за мерката домашна платежна картичка. Картичките се дел испечатени. Дел уште од денес ќе почнат да се дистрибуираат. Секоја банка со различен интензитет на издавање и дистрибуција, бидејќи секоја банка има различна обврска колку картички ќе издаде. Најголемите три банки ќе издадат околу 85% од сите картички и тие се навистина добро организирани. Издавањето ќе започне од денес, клиентите се информираат и им стигнуваат смс пораки од страна на банките, а најдоцниот рок поставен во уредбата за издавање на картичките е 18 јули. Доделувањето на картичките ќе биде дел денес, дел од наредната недела и понатаму етапно. Користењето на средствата е до 15 август” – рече Ангеловска.

Издавачи на Домашната платежна картичка се НЛБ Банка, Стопанска Банка АД – Скопје, Комерцијална Банка, Халк Банка, Шпаркасе Банка, Охридска Банка, УНИБанка, Централна Кооперативна Банка и Силк Роуд Банка.

Вкупно 324.479 корисници се евидентирани како корисници на домашната платежна картичка.

Корисници на Домашната платежна картичка се граѓани со низок доход, односно 115.927 лица – приматели на социјална помош и невработени евидентирани како активни баратели на работа во АВРСМ до 22 мај 2020, кои оствариле нето-доход до 180.000 ден во 2019 и нето-доход до 60.000 денари во период јануари-април 2020 согласно евиденцијата на УЈП. Овие лица еднократно ќе добијат 9.000 денари на платежната картичка.

Корисници се и вработени со низок доход кои се 117.144 лица и тие ќе добијат 3.000 денари еднократно. Ова се лица кои се во работен однос и кои за периодот јануари- април  2020 година оствариле доход само по основ на плата и надоместоци на плата во нето-износ не поголем од 60.000 денари на ниво на полно работно време, според евиденцијата на УЈП. Тие ќе добијат и ваучер за домашен туризам од 6.000 денари преку мерката за јакнење на домашниот туризам на Министерство за економија.

Домашна картичка добиваат млади лица чиј број изнесува 87.014 кои ќе добијат еднократно 3.000 денари. Станува збор за лица со наполнети 16 години и не постари од 29 години заклучно со 22 мај 2020 година, активни учесници во државното формално средно образование и високото додипломско образование.

Домашна картичка ќе добијат и 4.394 здравствени работници ангажирани во справување со Ковид-19, кои ќе добијат 40 отсто од последната основна нето-плата. Станува збор за вработени во ЈЗУ, Клиника за инфективни болести, Институт за јавно здравје, Центри за јавно здравје, Итна помош, инфективните одделенија и  вработени во други одделенија ангажирани за тестирање, дијагностицирање и лекување на граѓани заболени од Ковид-19.

Граѓаните кои имаат една трансакциска сметка кај банка издавач на картичката ја добиваат од таа банка. Граѓаните кои имаат две трансакциски сметки, картичката ја  добиваат од банката преку која добиваат плата или социјална помош. Оние граѓани пак, кои имаат трансакциска во банка која не е дел од проектот и граѓаните кои немаат трансакциска сметка се распределени кај една од банките според принцип на фер распределба.

Платежни картички

Нови и единствени на пазарот VISA припејд картички од Силк Роуд Банка

Објавено

на

Силк Роуд Банка АД Скопје го збогати своето портфолио на платежни картички од брендот VISA со воведување на нови припејд картички за физички и правни лица.  (more…)

Продолжи со читање

Платежни картички

Голема донаторска акција на НЛБ Банка со Mаstercаrd картичките по повод 35 годишниот јубилеј

Објавено

на

НЛБ Банка во периодот од 15 октомври до 30 ноември, по повод својот 35-годишен јубилеj организира голема донаторска акција, во која активно учество ќе земат сите клиенти – корисници на НЛБ Mаstercаrd картичките. (more…)

Продолжи со читање

Платежни картички

VISA Бизнис – нова и единствена бесконтактна припејд картичка за правни лица од Силк Роуд Банка

Објавено

на

Силк Роуд Банка лансираше нов уникатен производ на пазарот. Станува збор за новата Visa Business бесконтактна припејд картичка за правни лица. Картичката е наменета за сите компании кои имаат трансакциска сметка во банката. (more…)

Продолжи со читање

Популарно