Connect with us

НБРМ

Ангеловска-Бежоска на Годишната конференција на ЦЕФ: Со подигнување на капацитетот на институциите во регионот, до раст на продуктивноста и економскиот потенцијал

Објавено

на

Емпириските истражувања покажале дека кај земјите со помал доход, јакнењето на институциите има значаен позитивен придонес за поефикасно спроведување на структурните реформи, раст на продуктивноста и за повисок економски раст.

Со оглед на тоа што во последната декада во регионот на ЦЈЕ структурните реформи се одвиваат забавено и доходот и натаму значително заостанува зад доходот во ЕУ, потребно е јакнење на институциите. Оттаму, инвестирањето во вработените и постојаното учење и надградување во рамките на институциите е од особено значење за зголемување на економскиот потенцијал. Ова е дел од излагањето на гувернерката на Народната банка, Анита Ангеловска-Бежоска, на панел-дискусијата на Годишната конференција организирана од Центарот за извонредност во финансиите (ЦЕФ), Љубљана, на тема „Силните институции ги остваруваат своите мандати“.

Според Извештајот на ЕБРД, во изминатиов период во земјите на ЦЈЕ, вклучително и во регионот на Западен Балкан, има напредок речиси во сите структурни сегменти како што се конкуретноста, интегрираноста, отпорноста, и тоа пред сѐ отпорноста на финансиските системи и зелената транзиција, но тој напредок е релативно бавен. Ова е карактеристично особено за периодот на здравствената криза, поради насоченоста на носителите на политиките кон решавањето на итните предизвици за ублажување на ефектите од кризата. Оттаму и нивото на доходот во ЦЈЕ е само 68% од доходот на ЕУ-27, а во регионот на Западен Балкан е само 38%. Во однос на квалитетот на институциите, гувернерката рече дека согласно со индексот за квалитетот на институциите на Светскиот економски форум, нашата земја е над просекот од регионот на Западен Балкан. Сепак, доколку се спореди целиот регион на Западен Балкан со развиените земји се забележува јаз. Во вакви околности, гувернерката ја нагласи потребата за повторно враќање на вниманието кон структурните реформи насочени кон трите долгорочни фактори на економскиот раст – труд, капитал и продуктивност.

На Конференција на ЦЕФ присуствуваа гувернери и министри од регионот на ЦЈЕ, како и претставници на ЕК и други меѓународни институции.

НБРМ

Давидовска-Стојанова: Зголемувањето на каматните стапки од страна на централните банки ќе делува на ублажување на ценовниот раст

Објавено

на

Зголемувањето на каматните стапки од страна на голем дел од централните банки ширум светот ќе делува на ублажување на ценовниот раст и спречување очекувања за раст на инфлацијата. Меѓународните институции очекуваат стабилизирање во следниот период, а потоа и намалување на цените на примарните производи, што ќе делува смирувачки и на глобалните и на домашните притисоци. Народната банка исто така реагираше кај основната камата, а донесе и низа мерки за зголемување на денаризацијата и поттикнување на штедењето во домашна валута, посочува во интервјуто за „Пари.мк” директорката на Дирекцијата за монетарна политика и истражување при Народната банка, Билјана Давидовска-Стојанова. (more…)

Продолжи со читање

НБРМ

Народната банка го објави Поимникот на термини од областа на банкарското и централнобанкарското работење

Објавено

на

Во рамки на активностите за финансиска едукација, Народната банка изработи Поимник на термини од областа на банкарското и централнобанкарското работење. Со Поимникот е објаснето значењето на околу стотина стручни термини, на едноставен јазик, разбирлив за широката јавност. Поимникот, е достапен на следнава врска: https://www.nbrm.mk/poimnik.nspx (more…)

Продолжи со читање

НБРМ

Народната банка ја задржа основната каматна стапка непроменета, на нивото од 2,50%

Објавено

на

На 9 август  2022 година се одржа редовната седница на Комитетот за оперативна монетарна политика на Народната банка. На седницата беа разгледани најновите податоци и информации за домашната и за глобалната економија и најновите случувања на меѓународните и на домашните финансиски пазари. (more…)

Продолжи со читање


Популарно