Connect with us

НБРМ

Ангеловска-Бежоска: Надворешното опкружување и капиталните инвестиции значајни за закрепнувањето на економијата

Објавено

на

Надворешното опкружување за кое се предвидува постепено закрепнување и реализацијата на капиталните инвестиции во земјава се значајни фактори за закрепнување на македонската економија, смета гувернерката на Народната банка Анита Ангеловска-Бежоска.

Таа вечерва во интервју за „Телевизија 24″ посочи дека за македонската економија, како мала и отворена, значајни се меѓународните економски движења, а клучен двигател на нашиот раст ќе биде извозот. Од домашните фактори, според гувернерката, значајна е реализацијата на капиталните инвестиции кои можат да бидат катализатор на многу позитивни промени во економијата.

Гувернерката уште еднаш повтори дека денарот останува стабилен во однос на еврото и дека монетарната стратегија за одржување на стабилноста на домашната валута во однос на еврото е најоптимална за домашната економија.

„Сметаме дека поголема флексибилност во однос на курсот нема да вроди со резултат затоа што ќе има релативно брзи преносни ефекти врз цените и може да има неповолни преносни ефекти врз финансиската стабилност и оттаму цврсто стоиме на тој наш став”, подвлече Ангеловска-Бежоска.

Засега, според Ангеловска-Бежоска, ликвидноста што е вбризгана од страна на централната банка и Министерството за финансии во насока на поддршка на економијата, не прави притисок на девизниот пазар, но доколку има сигнали кои упатуваат на зголемени притисоци на девизниот пазар кои доаѓаат од зголемена денарска ликвидност, тогаш сигурно ќе бидат преземени мерки.

Банкарскиот сектор, како што оцени, е ликвиден и добро ја поминал кризата, а во однос на пропаѓањето на Еуростандард банката рече дека дозволата за работа била одземена откако биле исцрпени сите можности што централната банка ги имала на располагање.

„За било кој гувернер или за централна банка нема потешка одлука од носење на одлука за затворање на банка. Таква одлука се носи откако ќе бидат вложени максимални напори и ќе бидат исцрпени сите можности за поповолно решение за банката особено имајќи ги во предвид интересите на депонентите. Таков беше и овој случај”, истакна Ангеловска-Бежоска.

За кредитите што биле давани во банката, гувернерката рече дека централната банка не одлучува за тие кредити и оти одлуките ги носеле кредитните одбори и надзорниот одбор на банката.

„Деловните банки се приватни институции кои самите одлучуваат за секој поединечен кредит што се дава. Централните банки не даваат кредити, не одлучуваат, ниту пак тие кредити подлежат на согласност од страна на централните банки. Оваа банка беше под засилени контроли и се проверуваше степенот на кој што се изложува на ризик. Одлуките за кредит ги носеле кредитните одбори, а ако износот на кредитот е поголем одлуката ја носел надзорниот одбор. Оттука многу јасно е чија е одговорноста за одобрување и наплата на тие кредити”, рече Ангеловска-Бежоска во интервју за Телевизија 24.

НБРМ

Митреска: Мерките на централната банка избалансирани ‒ за поддршка на економијата и одржување на стабилноста

Објавено

на

Вицегувернерката на Народната банка, Ана Митреска, учествуваше на панел-дискусијата организирана од реномираната инвестициска банка „Вуд и компанија“.  Во рамките на панел-дискусијата беа разгледани повеќе прашања поврзани со тековната состојба во економијата и нејзиното закрепнување, динамиката на инфлацијата, а особен акцент беше ставен на оцената на ефектите од мерките преземени досега од централната банка за ублажување на ефектите од пандемијата. (more…)

Продолжи со читање

НБРМ

Народната банка ќе ги обнови оштетените банкноти со нови на кои ќе го има новото уставно име

Објавено

на

Придавката „Северна“ на новите банкноти ќе ја чини Народната банка 2,2 милиони евра. Руското акционерско друштво „Гознак“ ќе ги изработува книжните пари од 100 апоени, a за услугата ќе наплати 400.000 евра. (more…)

Продолжи со читање

НБРМ

Во соработка со ИНФЕ-ОЕЦД и Министерството за финансии на Холандија се засилуваат активностите за спроведување на националната Стратегија за финансиска едукација и финансиска инклузија

Објавено

на

Спроведувањето на првата национална Стратегија за финансиска едукација и финансиска инклузија засилено напредува. Оттука, вчера и денес, финансиските регулатори од земјава предводени од Народната банка во рамките на Координациското тело за финансиска едукација и финансиска инклузија, заедно со Меѓународната мрежа за финансиска едукација при Организацијата за економска соработка и развој (ИНФЕ-ОЕЦД) во соработка со Министерството за финансии на Холандија, организираат работилница, во рамките на програмата на Конституенцата и програмата „Манивајс“ (Money Wise). (more…)

Продолжи со читање



Популарно