Connect with us

Форекс

Аналитичарите проценуваат дека една унца злато ќе достигне вредност од 4.000 долари до крајот на годината

Објавено

на

Цената на златото изминативе денови се искачи на рекордно ниво коешто не е забележано уште од септември 2011 година, бидејќи инвеститорите се насочуваат кон безбедни инвестиции поради високиот степен на глобална неизвесност, а златото секогаш се смета за најсигурна и најбезбедна инвестиција.

Цената за една унца злато го надмина прагот од 2.000 американски долари за прв пат во својата историја, а може да продолжи да расте и да ја зголемува својата вредност предвидуваат аналитичарите.

„Многу лесно, цената на златото може да достигне 4.000 американски долари“, вели Френк Холмс, извршен директор на инвестициската компанија „Американски глобални инвеститори“, пренесува „CNBC“.

Тој посочува дека милијарди долари се испумпуваат во финансиски текови со цел да ја поддржат американската економија за време на пандемијата и додава дека министрите за финансии на Г-20 и централната банка „работат заедно како картел и сите печатат илјадници милијарди долари“.

„Никогаш порано не сме виделе централните банки да печатат толку многу пари на нула каматна стапка. Со нулта каматни стапки, златото станува многу, многу атрактивно средство од прва класа“, истакнува Холмс.

Јунг-ју Ма, главен стратег за инвестиции во компанијата за управување со богатството „BMO Wealth Management”, се согласува дека има голем број фактори кои го поддржуваат натамошниот раст на златото, но предупредува дека два големи настани во блиска иднина би можеле да ја променат сегашната насока на цените на жолтите метали.

„Ние сме внимателни и претпазливо со проценката на идните ефекти на овие тековни фактори, особено кога знаеме дека се соочуваме со два големи настани кои можат да ја променат сегашната траекторија. Едниот фактор е, секако, развој на вакцина против коронавирусот, а другиот фактор се изборите во САД“, рече Јунг-Ју за „CNBC“. „Сметаме дека особено вакцината има потенцијал да ги промени некои од овие позитивни фактори што сега работат во корист на златото“, додаде тој.

Аналитичарите го делат ставот дека, во зависност од исходот од изборите во САД, цените на златото, исто така, може да реагираат позитивно или негативно.

По победата на Доналд Трамп на претседателските избори во 2016 година, цените на златото се зголемија за скоро пет проценти.

Форекс

Индексот на доларот зајакна по одлуките од седницата на ФЕД

Објавено

на

Денес доларот зајакна во однос на корпата од шест најважни валути во светот на меѓународните пазари при тргување обележана со поголеми флуктуации на девизниот курс, откако Федералните резерви на САД соопштија дека клучните каматни стапки ќе останат непроменети. (more…)

Продолжи со читање

Форекс

Какви измени и дополнувања на Правилата за котација на Берзата ќе се применуваат од 21.09.2020 година?

Објавено

на

Од 21.09.2020 година ќе отпочне со примена Одлуката за измени и дополнувања на Правилата за котација на Македонска берза, донесена од страна на Одборот на директори на Берзата на 28.07.2020 година, а за кои е добиена согласност со Решение на КХВ бр. УП1 08-60 од 21.08.2020 година. (more…)

Продолжи со читање

Форекс

„Инвеститорски ден“ на Македонска берза по повод одбележувањето на 25 години од основачкото собрание

Објавено

на

По повод одбележувањето на 25 години од основачкото собрание на Македонска берза АД Скопје, Берзата иницира одржување на т.н. „Инвеститорски ден“. Оваа иницијатива ја прифатија и во неа активно се вклучија Централниот депозитар за хартии од вредност и осум членки на Берзата и ЦДХВ, а истата доби поддршка и од Комисијата за хартии од вредност. (more…)

Продолжи со читање

Популарно