Анализи
АНАЛИЗА: Стопанска банка АД – Скопје е банката која најмногу ги кредитирала граѓаните во 2022 година
Според податоците на Народната банка за банкарскиот сектор во земјата за 2022 година, Стопанска банка АД- Скопје е банката која најмногу ги кредитирала граѓаните, односно домаќинствата.
Од анализата може да се заклучи дека од вкупните кредити на Стопанска банка АД – Скопје, 55,1 милијарди денари се кредити одобрени на физички лица, а 33,1 милијарди денари се кредити одобрени на правни лица.
НЛБ Банка АД Скопје е втората банка според износот на одобрени кредити на физички лица кој изнесува 46,9 милијарди денари, додека пак 28,8 милијарди денари се одобрени на правните лица односно на компаниите.
Шпаркасе банка АД Скопје се најде на третото место за одобрени кредити за физички лица на износ од 27,7 милијарди денари и на приватните компании на износ од 33,1 милијарди денари.
Халкбанк АД Скопје ги кредитирала домаќинствата во износ од 25,7 милијарди денари, додека пак приватните компании добиле кредити во износ од 31,3 милијарди денари.
Комерцијална банка АД Скопје одобрила кредити на физички лица на износ од 21,3 милијарди денари и 39,9 милијарди денари на правните лица.
УНИБанка АД Скопје со износ од 12,5 милијарди денари ги кредитирала физичките лица, додека пак Централна кооперативна банка АД Скопје со износ од 6,7 милијарди денари одобрила кредити за физички лица.
Банки кои повеќе се насочени кон кредитирање на физички лица се Силк Роуд Банка АД Скопје која одобрила кредити на физички лица на износ од 3,8 милијарди денари, додека пак ТТК Банка АД Скопје со 3,4 милијарди денари ги кредитирала домаќинствата.
ПроКредит Банка АД Скопје повеќе се насочила кон кредитирање на правните лица, што воедно е и главна стратегија на банката со германски капитал. ПроКредит Банка одобрила 25,2 милијарди денари за правните лица, додека пак физичките лица ги кредитирале со износ од 3,9 милијарди денари.
Стопанска банка а.д. Битола со износ од 3,69 милијарди денари речиси подеднакво ги кредитирала и домаќинствата и приватните компании.
Капитал банка АД Скопје се наоѓа на последното место според износот на одобрени кредити за домаќинства и истиот достигнал до 826 милиони денари. Со износ од 938 милиони денари банката ги кредитирала приватните компании.
Анализи
АНАЛИЗА: Македонските банки со рекордни профити, но далеку зад банките во регионот
Рекордниот раст на профитите на банките во текот на оваа година предизвика многу коментари и бурни реакции. Со нетрпение се очекуваат годишните финансиски извештаи на банките за да се види до каде ќе стигнат добивките на банките за 2023 година, односно на кое ниво ќе бидат поставени рекордите.⇑ (more…)
Анализи
ММФ: Народната банка соодветно ја затегна монетарната политика и придонесе за значително забавување на инфлацијата
„Народната банка презеде соодветни мерки за затегнување на монетарната политика коишто осигурија преполовување на инфлацијата во однос на ланскиот максимум“, се наведува во завршните согледувања на Мисијата на Меѓународниот монетарен фонд (ММФ), којашто од крајот на октомври, досега, престојуваше во нашата земја како дел од редовните консултации коишто произлегуваат од членството на земјава во ММФ, како и во рамките на дискусиите околу Првиот преглед на кредитната линија за претпазливост и ликвидност (ПЛЛ). „Ваквата поставеност придонесе и за одржување на стабилноста на девизниот пазар, којашто беше надополнета и со преземените макропрудентни мерки, преку кои се зајакнува отпорноста на банкарскиот сектор, којшто и натаму е стабилен и ликвиден“, се наведува од страна на Мисијата. (more…)
Анализи
Дали заврши времето на евтини потрошувачки кредити? Каматите се движат кон нивото од 2015 година!
Полека, но сигурно се губи атрактивноста на потрошувачките кредити на банките како „куповна моќ“ на граѓаните за задоволување на некакви желби и потреби од секојдневието. Дефинитивно веќе не е време на примамливи каматни стапки, кои ги правеа потрошувачките кредити „евтино“ решение за обезбедување финансиски средства за некое патување, опремување на домот, школување… Дали времето на „евтините“ потрошувачки кредити дефинитивно заврши или пак ова е само привремен тренд наметнат од инфлаторните притисоци на пазарите? (more…)
Личниот пристап кон клиентите е клучен за градење доверба
Доделен автомобилот TESLA на среќниот добитник во наградната игра на Стопанска банка АД – Скопје
Ангеловска-Бежоска на започнувањето на втората фаза од проектот со ИНФЕ-ОЕЦД и МФ на Холандија: Преку финансиска едукација до ползување на придобивките од финтек-секторот
Синдикатот на Халкбанк АД Скопје со општествено одговорна акција за донирање
Наградна игра на ТТК Банка со Mastercard платежни картички
Данијела Јовческа, Никола Горгиевски и Марија Танаскоска се најдобрите банкарски службеници од Шпаркасе Банка во 2023 година
АНАЛИЗА: Македонските банки со рекордни профити, но далеку зад банките во регионот
Марија Чадиковска е најдобар банкарски службеник од ТТК Банка во 2023 година
Вештачката интелигенција во фокусот на претстојното издание на Конференцијата за е-трговија
Душко Ристовски, Емилија Кебакоски и Елена Головодовска се најдобрите банкарски службеници од Стопанска банка АД – Скопје во 2023 година
Домашни банкипред 2 monthsХалкбанк со тројца нови членови на Управниот одбор – Беркан Имери, Александар Иљов и Мухамед Хаџипази
Банкипред 2 monthsОглас за вработување во Комерцијална банка АД Скопје
Осигурувањепред 2 monthsАСО со обуки ќе ја гради и зајакнува финансиската едукација на средношколци – математичари
Домашни банкипред 1 monthКомпании во земјава реализираат 20 „зелени“ проекти од кредитната линија на ЕБОР преку Стопанска банка
Домашни банкипред 4 weeksДанијела Јовческа, Никола Горгиевски и Марија Танаскоска се најдобрите банкарски службеници од Шпаркасе Банка во 2023 година
Банкипред 2 monthsШпаркасе Банка АД Скопје вработува Член на Управен Одбор
Business Manпред 2 monthsПроф. Д-р Драгољуб Арсовски се стекна со 3.003 обични акции издадени од ТТК Банка АД Скопје
Домашни банкипред 2 monthsШпаркасе Банка го активираше порталот за тестирање на платформата за отворено банкарство
