Connect with us

Анализи

АНАЛИЗА: Кој ќе добие максимален поврат на ДДВ!?

Објавено

на

Премиерот Зоран Заев заедно со министерот за финансии Драган Тевдовски и директорката на УЈП, Сања Лукаревска, вчера го најавија стартот на проектот за поврат на 15 отсто од ДДВ кај граѓаните којшто ќе стартува од 1 јули.

На прес конференцијата беше соопштено дека станува збор за нова реформа, којашто за првпат се воведува кај нас, а по начинот на којшто ќе се реализира, ќе биде прва од ваков вид и на Балканот.

Премиерот Зоран Заев додаде дека е исполнето уште едно ветување за враќање на парите кај граѓаните, мерка која ќе важи за сите подеднакво, а со која и граѓаните ќе помогнат во битката против сивата економија. Тој објави дека максималниот износ на поврат на ДДВ е 28.800 денари за четиричлено семејство.

Но, колку треба да потроши семејството за да може да го искористи максималниот годишен поврат на ДДВ?

Според нашите истражувања и пресметки, за едно четиричлено семејство да може да ја искористи максимално оваа мерка и да добие годишен поврат на ДДВ од 28.800 денари, потребно е да потроши помеѓу 17.000 и 62.000 евра годишно.

Доколку се купуваат производи кои се даночат со стапка од само 18% тогаш пресметката вели дека за да вратите 28.800 денари (колку што е предвидениот максимум) за една година, едно семејство ќе мора да потроши точно 17.344 евра за една година или да троши по 1.445 евра секој месец само на производите кои се даночат со стапка од 18%.

Но, поголемиот дел од храната и уште некои производи кои најчесто се купуваат се даночат со повластена даночна стапка од 5%.

Во таков случај, кога би сакале да го направите максималниот годишен поврат на ДДВ од 28.800 денари, само од купени производи кои се даночат со стапка од 5%, тогаш вие за една година ќе треба да потрошите фантастични 62.439 евра или секој месец во продавница да оставате по повеќе од 5.200 евра.

Ако претпоставивме дека во еден месец ќе купувате подеднакво производи даночени со 5% и 18% ДДВ, тогаш некоја средна потрошувачка што Ви е потребна за да го остварите максимумот поврат би се движела околу 40.000 евра на годишно ниво што значи дека секој месец би требало Вашето семејство да троши по околу 3.300 евра.

Ќе направиме и пресметка на една просечна плата од 24.000 денари. Доколку целата ја потрошите на производи даночени со 18% ДДВ тогаш, вие практично ќе платите 4.320 денари за ДДВ. Од нив, во тој месец ќе имате право да вратите 648 денари.

Доколку купувате производи кои се даночат со 5% (како на пример храната) тогаш вие ќе платите 1.200 денари ДДВ. Од оваа сума, тој месец ќе имате право на поврат во износ од 180 денари.

Се разбира, покрај потрошувачката за храна и обувки, Вие од Вашата плата ќе морате да ги платите и режиските трошоци кои не подлежат на поврат на ДДВ.

Согласно нашата анализа, максимален поврат на ДДВ ќе можат да искористат само најбогатите граѓани, коишто месечно трошат над 1.500 евра.

Анализи

Светска банка: Започнете со пост-пандемиското економско закрепнување

Објавено

на

Земјите во развој и меѓународната заедница треба да преземат чекори за забрзување на закрепнувањето откако ќе заврши најлошата здравствена криза предизвикана од пандемијата на коронавирусот и да ги ублажат нејзините долгорочни негативни ефекти, порачува Светската банка. (more…)

Продолжи со читање

Анализи

НЕДЕЛА НА СТАНБЕНИ КРЕДИТИ: Која банка нуди најповолен станбен кредит?

Објавено

на

Како дел од “Недела на СТАНБЕНИ КРЕДИТИ”, Банкарство.мк изработи целосна анализа на условите под кои банките во земјава одобруваат станбени кредити, од аспект на каматните стапки, трошоците, какво обезбедување е неопходно да се остави под хипотека и останати карактеристики согласно правилникот на банката. (more…)

Продолжи со читање

Анализи

Генерали Инвестментс: Диверзификација на портфолиото е чекор кон вистинската насока

Објавено

на

Портфолио менаџерите во Генерали Инвестментс составија резиме за тековните случувања кои влијаат врз пазарот на капитал и актуелни совети за инвеститорите. (more…)

Продолжи со читање

Популарно