Connect with us

Анализи

АНАЛИЗА: За девет месеци од годинава македонските банки заработиле исто колку лани за цела година

Објавено

на

Македонските банки се алфа и омега во споредба со сите останати компании кога е во прашање профитабилноста. Додека кризата навлезе во сите сфери на општеството и целиот бизнис сектор се соочува со намалени приходи и стопени профити, банките и понатаму од година во година рушат рекорди по заработка.

Анализирајќи ги последните финансиски извештаи на банкарскиот сектор, Банкарство.мк дојде до податок дека за девет месеци од годинава профитот на банките се искачи на 117,4 милиони евра, односно тие за само девет месеци речиси го изедначија профитот остварен во кризната 2020 година, кога годината ја завршија со добивка од 118 милиони евра.

Доколку банките продолжат со ова темпо на раст на профитот се очекува до крајот на годината да постават историски рекорд по заработка која се очекува да надмине 130 милиони евра.

Согласно податоците на Народната банка, можеме да забележиме дека во третиот квартал профитот на домашните банки се зголемил за неверојатни 43 милиони евра, бидејќи заклучно со првото полугодие на 2021 година профитот на банките изнесуваше 74 милиони евра.

Најголемата заработка во банкарскиот сектор завршила кај големите банки. На нивно конто на име профит за девет месеци се слеале речиси 104 милиони евра. Средните банки прикажале профит од 11,5 милиони евра, а малите 2 милиони евра.

Водечките три македонски банки (Стопанска банка АД – Скопје, НЛБ Банка и Комерцијална банка) оствариле добивка од 79 милиони евра, што претставува зголемување за високи 21,63% во споредба со добивката остварена во истиот период од претходната 2020 година.

Највисока добивка оствари Стопанска банка АД – Скопје, која за девет месеци од тековната година прокнижи нето добивка од 1.813.259 илјади денари или 29,5 милиони евра, што претставува зголемување за 28% споредено со нето добивката остварена во анализираниот период минатата година.

Добивката пак на НЛБ Банка за првите девет месеци од годинава е 27,5 милиони евра, што е раст за високи 33,5 проценти во однос на истиот период лани. Комерцијална банка пак прикажа добивка од 22 милиони евра, што е раст за 3,4 проценти во однос на истиот период од претходната година.

Од овие податоци можеме да заклучиме дека банкарскиот сектор во нашата држава е најпрофитабилен и дека банките и во услови на криза бележат фантастични резултати.

Преземањето на оваа содржина не е дозволена без согласност од Редакцијата на Банкарство.мк

Анализи

Кои се петте најпрофитабилни македонски компании заклучно со третиот квартал од 2021 година!?

Објавено

на

Македонскиот приватен сектор полека, но сигурно се опоравува од пандемијата на коронавирусот, а доказ за тоа е профитабилноста на компаниите. Заклучно со третиот квартал од годинава, македонските компании ја зголемиле добивката за 52,30 проценти во однос на истиот период од претходната година. (more…)

Продолжи со читање

Анализи

Досегашниот развој на EOS Matrix испраќа силна порака

Објавено

на

EOS Групацијата и покрај падот на приходите од 7,1% сепак успешно ја комплетираше фискалната 2020/21 година. Заработката пред оданочување е поставена на охрабрувачко ниво во целина. На 534,3 милиони евра инвестициски обем во побарувања, се забележува намалување на откупувањето во однос на претходната година (651,3 милиони евра), на ниво помало од планираното како резултат на пандемијата, но од групна перспектива постојаното високо ниво продолжува и понатаму. (more…)

Продолжи со читање

Анализи

БАНКАРСКИОТ СЕКТОР Е НАЈПРОФИТАБИЛЕН! – Колку заработија водечките три банки заклучно со третиот квартал на 2021 година?

Објавено

на

Податоците од направената анализа на Банкарство.мк покажуваат дека заклучно со третиот квартал на 2021 година водечките три македонски банки (Стопанска банка АД – Скопје, НЛБ Банка и Комерцијална банка) оствариле добивка од 79 милиони евра, што претставува зголемување за високи 21,63% во споредба со добивката остварена во истиот период од претходната 2020 година. (more…)

Продолжи со читање


Популарно