Градскиот совет во Њујорк изгласа забрана на безготовинските трансакции во малопродажбата и ресторани, тврдејќи дека тие ги дискриминираат небанкарските посиромашни потрошувачи кои немаат пристап до кредитни картички или банкарски сметки.

Советот донесе предлог-закон со кој се бара продавниците во градот да прифатат американски банкноти и монети или во спротивно ќе се соочат со казни до 1.000 американски долари при првиот прекршок и 1.500 американски долари за понатамошни престапи.

Се очекува градоначалникот Бил Де Блазио да го потпише решението и овој предлог-закон да стапи на сила, соопшти CNN.

Употребата на готовина опаѓа во многу области бидејќи Американците сè повеќе користат платежни картички и други можности за плаќање преку мобилен уред, како што е Apple Pay, на продажните места. Ова ги принуди некои компании да забранат плаќање во готово бидејќи е скапо да се процесираат парите.

Сепак, има промена во однос на трендот, бидејќи така се прави дискриминација на небанкарските, посиромашните членови на општеството кои немаат пристап до кредитни картички или банкарски сметки.

Њујорк ги следи стапките на Филаделфија и Сан Франциско кои први ја воведоа забраната за безготовинско плаќање, а во тек се и чекори за забрана на трговијата со безготовински средства и во Вашингтон и Чикаго.