Компанијата Кроација осигурување АД – Друштво за неживотно осигурување Скопје доби нов генерален директор и извршен член на одбор на директори. На досегашната генерална директорка г-ѓа Вилма Учета-Дузлевска и престана функцијата на 20.10.2020 година поради претходно поднесената оставка.

На нејзино место како нов генерален директор и извршен член на одборот на директори е именуван г-дин Александар Манев. Неговиот мандат започна од 27.10.2020 година.

Александар Манев или попознат на јавноста како Алек Фактор е ко-сопственик на еден од најпознатите и најчитаните економски онлајн магазини – Фактор.мк.

Новиот состав на одборот на директори на Кроација осигурување АД – Друштво за неживотно осигурување Скопје е:

• Александар Манев – Извршен член;
• Анте Гавран – Неизвршен член;
• Роберт Вучковиќ – Неизвршен член;
• Габриела Кулебанова – Независен неизвршен член.