На последниот ден за тргување на македонската берза најтргувани беа акциите на Алкалоид АД Скопје, кои забележаа раст од високи 2,65 проценти, пред акциите на Витаминка АД Прилеп кои забележаа раст од 2,59%.

Пораст имаше и кај банкарските акции, пред се на Комерцијална банка АД Скопје од 2,02%, кај акциите на Стопанска банка АД Битола пораст од 0,61%, акциите на Стопанска банка АД Скопје пораст од 0,49% и на акциите на ТТК Банка АД Скопје кои пораснаа за 0,45%.

Според официјалниот среден курс на Народната банка на Македонија, денеска денарот спрема еврото има вредност од 61.4940 денари.

Курсот на денарот спрема доларот е на ниво од 55.3501 денари, британската фунта изнесува 72.0999 денари, додека пак швајцарскиот франк е 56.8967 денари.