Connect with us

Останато

Ако ги изгубите документите ја губите историјата на вашата компанија, деловна и финансиска, ја губите контролата и безбедноста

Објавено

на

Што би се случило доколку ги изгубиме семејните фотографии? Би изчезнале и сеќавањата од специјалните моменти. Ако ги изгубиме личните документи, писмата, дипломите, како да губиме и дел од себе, или во најмала рака се ни се комплицира, и мораме да влеземе во административниот лавиринт, кој секако многу ќе не измори. 

Ќе се согласите, губењето на личните работи, не е пријатно, но без тоа и може некако да се живее!

Замислете да работите во компанија или некоја институција, потребни ви се документите од минатите години, кои сте ги чувале во регистри/папки, првично во вашата канцеларија, па сте ги преместиле во компаниските подруми, и кога ви се најмногу потребни -ги нема! Се изгубиле,  можеби се украдени или уништени од временски непогоди или поради несоодветно чување.

Нервозата во тој момент е најмалиот проблем! Ја губите историјата на вашата компанија, деловна и финансиска, ја губите контролата и безбедноста на вашата компанија.

Доколку пак работите во секторот здравство, како да дијагностицирате одредена болест и да препишете соодветни медикаменти ако не ја знаете историјата на еден пациент. Може да се случи да препишете лек кој може да предизвика уште поголеми компликации и контраефекти.

Како може еден суд да функционира ако нема модерна архива на документи?! Како може една држава да извршува инспекциски надзор или истраги доколку нема документи – докази. Како ќе ги утврдува фактите? Едноставно неможе да функционира целиот државен апарт.

Ова се можеби микро примери, но замислете што би значело да се изгуби она што претставува општествено  и културно богатство на една земја. Историски податоци од минатиот век, вредни црковни ракописи, писма од народноослободителните војни, прозни дела, преданија, митови, се она што претставува културно наследство. А народ без историја и култура, без фактографија и сочувани оригинални документи, за вековната борба и докажување, е ништо. Тоа е како дрво без корени, кое за кратко време би се исушило, како човечко тело без вода, кое за неколку дена би дехидрирало.

Одговорноста е кај носителите на раководни функции. А одлуки не треба да се носат кога штетата че настане, туку напротив, плански и на долг рок да се зачувуваат документите. Работата е едноставна, ако не сакаме ваква реалност, мора да имаме уредна, безбедна и модерна, физичка и електронска архива на сите документи кои ни се потребни за работа. Тоа на долг рок тоа носи сигурност, безбедност и секако континуитет во работата. Овозможува брзо и ефикасно да се добие еден документ, без притоа да мора да се стане од работното биро, и да се оди по ходници, катови и подруми за барање на документите. Без да доживуваме стресови ако нешто нема! Електронската архива обезбедува највисока безбедност и комплетна контрола над документите.

Интерсен е фактот дека кога бараме документ, нас не ни треба документот туку информациите што се напишани на тој документ? Потребен ние е систем на архивирање кој многу организирано и ефикасно, електронски ги копира информациите и ги доставува без физички да се движи документот.  Кој обезбедува неколку степени на безбедност, и повеќе нивоа на контрола.

Токму таков е и системот за архивирање Инбох.  Спој на добро познати технолошки достигнувања во нов бизнис модел, што интегрира 3 технологии. Инбох не е 100% физичка архива ниту е 100% дигитална архива, а употребените технологии дозволуваат по потреба на клиентот да се претвори во едно или друго, што е неговата уникатност. Инбох е изграден по модел на американска технологија за управување со хартиени и електронски документи – ENVISION.  За  5 години постоење, создаде капацитет од 35.000 м3 специјализиран простор за архивски депоа, поседува технологија за дигитализација на сите можни видови документи, од  бизнис картичка до А0 и поголеми формати, како и технологија за ласерско и 3Д дигитализирање на вредни документи, микрофилмски скенери, скенери за ренгенски и други транспарентни документи.

Останато

УЈП нема да ги користи податоците за висина на износ на трансакциска сметка и динамика на потрошувачка

Објавено

на

За претпополнетата годишна даночна пријава апсолутно е ирелевантно да користиме податоци за висина на износ на трансакциска сметка, начин на користење, состојба на сметка и најостро ги демантираме овие тврдења, велат од УЈП. Нивната изјава се однесува на информациите што деновиве беа објавени во врска со новиот Закон за банкарството, со кој УЈП електронски ќе добива податоци од банките, потребни за изготвување на годишната даночна пријава на граѓаните.

Исто така, од таму тврдат дека во согласност со насоките од Дирекцијата за заштита на личните податоци изготвиле предлог за измената и дополнувањето на Законот за Управата за јавни приходи, во чии одредби се вклучени рамката за протокот на овие податоци, нивната содржина, динамиката за достава, како и стандардите за сигурност и заштита на личните податоци на граѓаните, а во насока на усогласување со Законот за заштита на личните податоци.

„За да може да се стави во функција автомастката размена на податоците помеѓу УЈП и банките за цели на издавање пополнета годишна даночна пријава, освен измените на Законот за банките, потребно е да се донесат измени на Законот за Управата за јавни приходи. Исто така, при размената ќе се применуваат ИТ-безбедносните стандарди и политики за сигурност од новиот систем Е-персонален данок, кој ги исполнува стандардите за безбедност и кој беше воведен со ЕУ ИПА-проект“, велат од УЈП.

УЈП ги има податоците за приходите во земјата, но останала потребата од законски измени за добивање на податоците за приходите остварени во странство, кои претходно самите граѓани ги доставуваа како прилог во годишната даночна пријава.

„УЈП со предвидените законски измени нема да има пристап до податоците за трошења на граѓаните. Управата за јавни приходи нема да врши увид во сметките на даночните обврзници, ниту има потреба од податоци за приватност, начин и навики на живеење или тенденција на потрошувачка активност. Тие податоци воопшто не се потребни за изготвување на претпополнетата годишна даночна пријава од страна на УЈП. Исто така, потенцираме дека УЈП воопшто нема потреба, ниту е предвидено да ги добива или користи податоците за висина на износ на трансакциска сметка, начин на користење, состојба на сметка и сл. преку електронската размена на податоци со банките. На Управата за јавни приходи ѝ се потребни податоци за приливи и одливи на физички лица кон земјата и странство, кои може да подлежат на даночење, без воопшто да задира во состојбата на сметката или друг вид трансакции. Овие податоци, кои претходно даночните обврзници самите ги доставуваа како прилог кон годишната даночна пријава, сега УЈП ќе треба да ги внесува во пополнетата годишна даночна пријава, а граѓаните да ги потврдат или коригираат“, објаснуваат тие.

Продолжи со читање

Криптовалути

Венецуела воведе криптовалута за да се спаси од инфлација

Објавено

на

За да ја спаси земјата од хиперинфлација, венецуелскиот претседател, Николас Мадуро ја воведе кроптовалута петро и ја прогласи за национална валута.

Од 20ти август земјата ќе има две валути. Боливар и петро ќе имаат иста вредност.

Со залихите на нафта се гарантира стабилноста на петро.

Тоа е нешто слично како што другите валути се потпираат на златото.

Нафтената индустрија ќе мора да користи петро, и оваа валута ќе биде врзана со боливарот.

Вредноста на двете валути ќе ја одреди Централната банка.

Но, медиумите веќе ја критикуваат оваа криптовалута и тврдат дека таа не се потпира на нафтата.

Продолжи со читање

Криптовалути

Биткоин и што е тоа што може да го стабилизира?

Објавено

на

Што предвидувате за биткоините и криптовалутите? Бил Гејтс во интервју истакнал дека блокчејн-технологијата е супериорна во однос на модерното банкарство, но биткоините нема да бидат доминирачки систем.

Постои група луѓе чии верувања најверојатно ќе имаат поголем ефект врз иднината на биткоините отколку кои било други – оние што избираат „hodl“. Се работи за кратенка од „hold on for dear life“ (чувај си го милиот живот), иако оригиналната форма е всушност погрешно спелување на зборот „hold“. Ова се луѓе што планираат да го форсираат биткоинот додека остатокот од светот прифати дека неговата вредност е најголема.

Кога луѓето ќе почнат да ги продаваат своите биткоини, само „ходлерите“ ќе останат, па се подготвени да купат уште повеќе, што ќе го зголеми процентот на вкупното поседување на биткоини кои се токму во нивните раце. Тие трпеливо го чекаат денот кога користењето на биткоини ќе биде целосно применето во секојдневните трансакции преку дигитален систем.

Анкета од 2017 година, спроведена од „ЛендЕДУ“, онлајн-пазар за студентски заеми, покажала дека просечната цена за која „ходлерите“ би продале е 200.000 долари за биткоин. Секако, нема начин да се дознае колку вистински се посветени овие луѓе, особено во ситуации како таа во јануари кога биткоините паднаа од високи 17.000 на 10.000 долари. Всушност, вредноста се нема вратено на рекордното високо ниво, во последниот период се движи од 6.000 до 8.000 долари.

Сепак, изгледа дека секој прецизен процес на вреднување на биткоинот треба да се земе предвид во базата на ситни монети, на вистинските верувачи кои го „чуваат милиот живот“, барем засега.

Продолжи со читање
P2_P_MK_300x250
[ccpw id="39761"]

Популарно

Copyright © 2018 bankarstvo.mk. All Rights Reserved. Developed by Digital Orange