Connect with us

Останато

Азески: ЦЕФТА – Договорот е веќе надминат и треба да се премине во нова фаза

Објавено

на

На овогодинешниот, 26-ти Копаоник Бизнис Форум петтиот панел во рамки на вториот ден предизвика голем интерес меѓу учесниците на Форумот во хотел “Гранд“ на Копаоник од причина што се зборуваше за потребата од обединување на економиите во регионот заради постигнување на поголема конкурентност на европскиот пазар.

Претседателот на Стопанската комора на Србија, Марко Чадеж, рече дека е важно да се запрашаме дали сакаме заедничко економско подрачје во регионот или не. Според него, би требало да се направи нов сеопфатен договор во кој би биле решени сите прашања што се однесуваат третман на регионот како еден заеднички пазар.

Стопанските комори се во дијалог со владите и постои волја за обединување на економиите.

Претседателот на Стопанска комора на Македонија, Бранко Азески, истакна дека бизнис заедниците соработуваат но проблем се политичките елити кои тврдат дека ги поддржуваат процесите на усогласување на различните системи но кога треба тоа да се имплементира настануваат проблеми.

“Иако поминаа речиси 12 години од склучувањето на ЦЕФТА-Договорот, земјите од регионот не ја искористија можноста регионално да се поврзат и да соработуваат, по примерот на земјите од Европската унија, кои економскиот раст го темелат токму на трговската интеграција”, – истакна Азески пред присутните.

“Нема никакви дилеми дека единствен извор за одржлив и инклузивен раст на земјите од Западен Балкан кој ќе ги приближи кон земјите од ЕУ е токму интензивирањето на регионалната економска интеграција и зголемувањето на трговската соработка во рамките на регионот. Земјите од Западен Балкан како мали економии можат да ја подобрат алокацијата на ресурсите и да ја зголемат својата продуктивност единствено преку искористување на економијата од обем со поголема регионална и меѓународна интеграција. Тие можат да ја подобрат својата позиција на глобалните пазари само ако соработуваат со други поразвиени земји, обезбедувајќи на тој начин трансфер на технологија и знаење што ќе им овозможи да се вклучат во нивните синџири на снабдување преку производство и извоз на производи со повисок степен на финализација и додадена вредност.”, додаде тој.

Според Герксалиу, политиччарите трошат повеќе енергија да го разубават минатото отколку да ја градат иднината и секогаш повеќе зборуваат за политичката отколку за економската димензија на евроинтеграциите.

На темата дискутираа и Властимир Голубовиќ, претседател на Црногорската стопанска комора, Боштјан Горјуп, претседател на Трговско-индустриската комора на Словенија и Немања Васиќ, претседател на Комората за надворешна трговија на Босна и Херцеговина, сите согласувајќи се дека малите економии на подрачјето на поранешна Југославија се соочуваат со слични проблеми и им се наопходни заеднички развојни чекори.

Азески говореше и за потребата од одлучна борба со корупцијата како и интензивна дигитализација на јавниот сектор кој ќе понуди ефикасни јавни услуги за бизнис секторот во секоја од земјите на Западен Балкан, но и меѓусебно поврзување со ЕУ поддршка.

“За да се елиминираат сите недостатоци кои се јавуваат во трговијата, сега е вистинското време да се повлечат мудри потези поткрепени со силна поддршка од Европската унија и од  другите релевантни меѓународни чинители во насока на интензивирање на регионалната интеграција и трговска соработка, со што ќе се обезбеди економски просперитет за сите земји. Затоа, неопходни се политички консензус и волја кај сите чинители во регионот за придвижување на овој процес, како и директна поддршка од ЕУ, која е вклучена во интеграцискиот процес и го гледа регионот како просперитетен иден политички и економски партнер на Унијата”, рече Азески.

Свилановик како добар пример на соработка во регионот го наведе договорот за намалување на цените во роаминг.

И годинава на „српскиот Давос“ учествуваат премиерката и дел од министрите во Владата на Р. Србија, најзначајни бизнисмени од Србија и регионот од секторите: банкарство, осигурување, трговија, туризам, енергетика, земјоделство, фармацевтската индустрија и IT секторот. Исто така најавено е присуство на претставници на меѓународни финансиски институции како EBRD, EIB, IFC, WB, IM, амбасадори како и претставници на бизнис заедниците од Македонија, БИХ, Хрватска и Црна Гора.

Копаоник Бизнис Форум, кој го организира Сојузот на економисти на Србија во партнерство со компанијата Mastercard претставува вистински празник за економистите, саем на идеи, како и своевиден годишен reality check за креаторите на економската политика, место каде што се сумираат резултатите резулататите од економските политики спроведувани помеѓу два настани.

Концепциски покровител на Копаоник Бизнис Форум веќе 11 години е претседателот на Владата на Р. Србија.

Копаоник Бизнис Форум има свој официјален веб сајт – на кој може да се најдат сите информации за програмата и учесниците.

Заклучоците и од овогодинешниот Форум ќе бидат сумирани во документот „Копаоник консензус 2019“.

Останато

Соработката помеѓу Асоцијацијата за е-трговија, Царинска управа и ДХЛ покажува резултати!

Објавено

на

Според последните достапни податоци од НБРМ кои се однесуваат на третиот квартал од 2018 година, со платежни картички се направени трансакции во вредност од 100 милиони евра за купување онлајн што претставува 28% пораст во однос на истиот период минатата година. Од направените онлајн купувања најголем дел (63%) биле потрошени за купувања од странски е-трговци или скоро 63,34 милиони евра. Големината на вредноста на средства потрошени кон странски е-трговци покажува и колку е значајно поедноставувањето на увозните постапки.

Со поедноставувањето на увозните постапки за брзи пратки крајните корисници ќе заштедат време, ќе се зголеми ефикасноста при испорака на пратки и ќе се избегнат административните процедури кои беше потребно да се обезбедат од страна на примачот пред да се подигне пратката.

Новата постапка за царинење на брзите пратки претставува поедноставување на самата царинска постапка за пратките коишто доаѓаат преку брзите пошти. 

Имено граѓаните и фирмите кои добиваат роба од интернет, во иднина нема да мораат да доаѓаат на царина како би извршиле декларирање, подигање и плаќање на самиот царински долг. Во овој случај брзите пошти стануваат декларант, со што се скратува постапката за царинско ослободување на стоката која доаѓа преку интернет и се овозможува скратување на времето за испорака, кое во некој просек досега се движише од околу 72 часови, а сега од 72 часови ќе се намали на 24 часови. – изјави директорот на Царинската управа, г-дин Ѓоко Танасоски

ДХЛ Експрес Македонија е првиот овластен декларант преку кој може да се овозможи оваа поедноставена постапка. ДХЛ ќе добиваат информации за какви пратки се доставуваат уште пред истите да бидат пристигнати во Македонија. Всушност додека пратката се транспортира од одредена адреса во Македонија, по претходно одобрување од страна на крајните примачи на пратките, ДХЛ Експрес Македонија во име на примачот ќе може да ги извриши сите административни работи за пријавување и царинење на стоката и подмирување на царинскиот долг, со што по пристигнување на пратката истата веднаш ќе се испорачува до примачот. Со ова ќе се зголеми ефикасноста при испорака на пратки, а крајниот примач ќе биде ослободен од административни процедури, без разлика од која вредност е пратката.

Сведоци сме дека пратки од ЕУ до нас пристигнуваат за 12 до 18 часа, но притоа за спроведување на постапката за увозно царинење и достава до крајниот корисник, потребни се не ретко 48-72 часа. Конкретно физичките лица за да оцаринат пратка којашто е пристигната во Р. Македонија за нив, трошеа многу време, пополнуваа многу документи, административните постапки беа многу долги. Сега со добивањето на одобрението всушност очекуваме дека ова време ќе биде скратено најмалку за 24 часа, притоа ќе им заштеди време во транспорт, логистика, пополнување на документи и секако правење на дополнителни трошоци за истото. Всушност ДХЛ Експрес Македонија ќе се јави како нивни застапник пред Царинаската управа, ќе ги плати сите потребни давачки во нивно име и следното утре пратката ќе ја достави на нивна адреса. – вели Биљана Мановска Наунчевска, оперативен менаџер на ДХЛ Експрес Македонија.

АЕТМ од своето основање работеше на мапирање на пречките, бариерите, предизвиците кои што стојат на патотот на развој на е-трговијата и секако на формирање на препораки. Со потпишување на меморандуми за соработка со клучните институции помогна за поттикнување на промени кои се однесуваат кон подобрување на е-трговијата.

Оваа промена за поедноставување на увозните постапки за брзи пратки повеќе се однесува на побарувачката во е-трговија, односно кога граѓаните прават онлјан нарачки на производи од странство. Не радува што Царинската управа е отворена за промена и се надевам дека ова е само една од низата промени кои ќе следат. Во текот на оваа година ќе бидеме фокусирани да иницираме повеќе промени коишто ќе значат и промени на страната на понудата, односно да ја зголемиме конкурентноста на домашните компании и да им го олесниме патот за да нивните производи може полесно да ги продадат и пласираат и на странски пазари, истакна Нина Ангеловска, претседател на Асоцијацијата за е-трговија на Македонија.

Продолжи со читање

Останато

ССК: Домашните компании недоволно соработуваат со компаниите во зоните со потенцијал за раст

Објавено

на

Да се интензивира соработката на домашните компании со инвеститорите во слободните економски зони, преку пренесување на знање, технологии, менаџерски вештини во насока на зајакнување на нивната конкурентност, како и можности за отворање на пазарот надвор од државата, беше истакнато на денешната прес конференција на Сојузот на стопански комори (ССК). (more…)

Продолжи со читање

Останато

Регионална конференција за социјално претприемништво

Објавено

на

Завршен настан од проектот „Смарт Старт: Оддржливо влијание на граѓанските организации од Македонија, Босна и Херцеговина, Србија, Црна Гора и Турција преку социјално претприемништво и социјални иновации” ќе се одржи денеска во Скопје. (more…)

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange