Триглав пензиско друштво АД Скопје преку соопштение на Македонска берза ја известува јавноста за промени во Надзорниот одбор на Друштвото.

Доскорешниот независен член на Надзорниот одбор г-дин Никола Танасоски си поднесе оставка од функцијата, а на негово место како независен член на Надзорниот одбор беше избран г-дин Мирослав Вујиќ.

Претходно изборот на г-дин Мирослав Вујиќ за независен член на Надзорниот одбор на Триглав пензиско друштво АД Скопје е одобрен од Агенцијата за супервизија на капитално финансирано пензиско осигурување (МАПАС).

Исто така, МАПАС го одобри и реизборот на останатите членови на Надзорниот одбор: г-дин Аљоша Уршич, г-дин Блаж Кметец и г-дин Дарко Поповски.

Уписот на промените е извршен и во Централниот регистар на Република Северна Македонија на 24.11.2020 година.

Истовремено, Триглав осигурување АД информира дека на Собранието на акционери закажано за 25 декември годинава дека Војдан Јорданов кој е актуелен директор на Триглав пензиско друштво АД Скопје ќе биде избран за нов член на Управниот одбор на Триглав осигурување АД.