Connect with us

Колумни

Tip of the Week – Feedback

Објавено

на

Секој четврток ќе се објавуваат текстови на различни теми од областа на економијата, маркетингот или продажбата, односно теми кои не засегаат сите нас во секојдневното работење.

Темите, се надеваме ќе успеат да ви го привлечат вниманието. Овде ќе прочитате нешто ново, кое ќе ве натера да си поставувате прашања или ќе ви отвори дискусии со ваши пријатели или колеги.

Наместете ги вашите потсетници за следниот четврток!!!

Tip of the Week #327

TOW#327-Feedback

„Tip of the Week“ се авторски текстови што се објавуваат секој четврток и обработуваат теми од секојдневниот живот коишто помогат да го подобрите вашето лично и професионално работење. Коментарите за совети, можете да ги пишувате на: www.facebook.com/tipoftheweekPriracnik Како сублимат на првите 100 совети издадени се единствените прирачници за личен и професионален развој www.macedonia-consulting.com/tip-of-the-week-priracnik.php 

Сите сакаме да слушнеме од релевантни луѓе адекватен feedback за некоја работа што сме ја завршиле или сме ја започнале, но не знам колку сме навистина подготвени да го чуеме тоа. Не за друго, вистината понекогаш (да не кажам секогаш) боли. Затоа, слушањето и процесирањето на еден feedback е доста “захтевна” работа, како за примателот, но така и за личноста што ја дава.

Можеби и тоа е причината што постојат мал милион техники на споделување на feedback на соговорникот и сите тие, на некој начин, се насочени кон тоа како примачот ќе ја прими информацијата што сакате да ја пренесете.

Па така, постојат:

ЕФЕКТИВЕН – чија цел е информациите што се пренесуваат, во иднина ефективно да се користат самостојно од примателот на информацијата. Критичкиот осврт кај овој метод е за да се опишат слабите и јаките страни.

ОПИСЕН – преку која на описен начин се укажува на грешките и како да се оди понатаму, но и што треба да се подобри.

ЕВАЛУАЦИОНЕН – каде што преку оцена или соодветна градација се мерат постигнувањата и не дава никакви насоки за тоа каде и што треба да се подобри.

МОТИВАЦИСКИ – кој се дава да се поддржи и да се поттикне работата на соговорникот, но не дава насоки за подобрување туку само поддршка во сработеното, па затоа најчесто се дава како последна, односно кога сите претходно наведени се исцрпени.

И како што можете да прочитате, сите овие горенаведени начини имаа свое значење во понатамошниот тек на соработката или дружбата со соговорниците или пријателите. Дополнително на ова, повторно ќе кажам, не секој (поголем број, за жал) сака да го чуе вашето мислење, не затоа што не сакаат туку затоа што не се подготвени.

Затоа, начинот на кој ќе го кажете вашето мислење е многу важен. И, ако направите истражување на интернет, ќе најдете многу начини како да го направите тоа, но кој и метод да го искористите, гледајте тоа да биде врз сопствено искуство. Вашето мислење засновајте го на вашето искуство или како би го направиле тоа вие. Што би направиле во таква ситуација или веќе сте направиле. Не за друго, туку сите други начини се сведуваат на тоа дека соговорникот е критикуван, а со тоа е нападнато и неговото его, а тоа секако, не го сакаме. А доколку го темелите на сопствено искуство, тогаш ем што го кажувате вашето мислење, ем е врз основа на ваше искуство.

Пробајте, ќе забележите многу работи, меѓу кои:
Давање ваше мислење врз основа на ваше искуство (исто или слично на темата што сакате да ја обработите) има друга димензија.
Ако немате искуство, можеби не сте компетентни да давате ваше мислење.
Ќе ви овозможи да научите нови работи, а сте требале вие да „научите” некого.

Тешко е, но не и невозможно.

Со успех во промените,

Калин Бабушку

Член на тимот

МАКЕДОНИЈА-ЕКСПОРТ Консалтинг

www.macedonia-consulting.com

www.macedonia-export.com

 

Колумни

Лидерството е избор, а изборот е твој!

Објавено

на

Имате лидерска позиција, но не чувствувате дека ја добивате потребната почит од вашиот тим? Дури помислувате дека не им се ни допаѓате. Многу луѓе можат да ја добијат менаџерската позиција, но никогаш да не го добијат потребното “одобрување” од нивниот тим. Тука се појавува вечната борба помеѓу менаџерите наспроти лидерите: тие умешно го менаџираат својот тим, НО не се лидери на истиот. Што е она кое ги раздвојува менаџерите од лидерите?

(more…)

Продолжи со читање

Колумни

Електронски шалтер?

Објавено

на

Сакале да признаеме или не тоа е иднината…кога ќе размислиш подобро тоа е веќе минато во некои иновативно напредни земји…но ние зборуваме за Македонија. Тука малку побавно се одвиваат работите и сеуште требаат многу аргументи кои се ЗА користење на електронско банкарство.

 

(more…)

Продолжи со читање

Колумни

Ако немаш работа, твоја работа е да најдеш работа!

Објавено

на

Ако немаш работа, твоја работа е да најдеш работа. Кое е всушност значењето на оваа реченица? Многу едноставно, без никакви скриени пораки, тоа значи дека ако немате работа, а сакате, ваша работа е да ја најдете истата. 

Според тоа, 8 часа во денот, од 9 до 17 часот, со пауза за ручек и/или паузи за цигари вие сте должни да работите на наоѓањето на работа. 

Дисциплинирано, преговарачки, инспиративно и упорно, секој ден додека не најдете работа.

Тој процес сигурно ќе ги вклучува следните нешта:

1. Конкурирање на многу места со водење на евиденција каде, кога и за која позиција сте конкурирале за кога ќе ве побараат веднаш да знаете за што станува збор со цел да не оставите погрешен прв впечаток.

2. Креирање на CV според потребите на работното место. Некогаш ова знае да биде многу заморно и досадно, но не заборавајте дека некогаш тоа е и пресудниот, клучен факто во изборот некој да ве повика во првиот круг.

3. Учење и развивање. Ја избравте индустријата која ја сакате, следно, изберете ги правците во истата кои би ви користеле. Кандидатот кој знае 3 работи е подобар од кандидатот кој знае 2 работи. Често и само познавањето, без длабока пракса може да биде корисен фактор. 

4. Читањето на огласи за работа. Често работодавците ставаат високи критериуми за да ги одбијат луѓето кои не се доволно самоуверени и упорни во желбата да ја добијат работата. Затоа, доколку ви се допаѓа работата и мислите дека вашето искуство дури и во најмала рака може да одговара, пријавете се! (И следете го советот број 2).

5. Верувајте! – Точно, ова е Македонија, точно има врски и секакви работи, но не е така секаде и секогаш. Бидете храбри и самоуверени и добрата работа ќе ви се појави како награда. И не заборавајте, дури и во моментите кога нештата ви имаат најмалку смисла тогаш најмногу верувајте во себе. 

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange