Connect with us

Анализи

FINANCE THINK анализа за квалитетот на живот во Македонија: „Плата во плико“

Објавено

на

17.8% од работниците во Македонија кои имаат формален договор за вработување, добиле плата во плико во 2017 година.

 

‘Плата во плико’ е плата исплатена во готовина врз основа на неформален (незаконски) устен договор помеѓу работникот и работодавецот. Со ‘платата во плико’, работодавците заштедуваат во износот на даноци и социјални придонеси што го плаќаат на државата. За работниците, ова е начин на неправедно плаќање и намалување на обемот на нивното социјално, здравствено и пензиско осигурување, како и вештачко намалување на
кредитната способност.

Примателите на минимална плата се најпогодени од феноменот ‘плата во плико’?

Платата во плико е најзастапена кај примателите на минимална плата. Дури 62% од работниците осигурани на минимална плата добиваат и плата во плико. Притоа, во просек, платата во плико изнесува скоро исто колку и формалната плата на сметка (91%). Ова укажува дека постојат сектори и занимања на кои постои тенденција договорот за вработување да се склучи на минималната плата, со истовремен неформален договор, остатокот од платата да се добива во готовина. За формални плати над минималната плата, процентот на приматели на плата во плико драстично се намалува.

Платата во плико е најзастапена кај мајсторите од различен вид

Речиси 23.2% од мајсторите во метална, машинска, текстилна и прехранбена струка, како и 21.5% од работниците во услужните дејности, примаат плата во плико. Таа плата е во просек една третина од нивната формална плата. Ваквиот наод е во линија со застапеноста на минималната плата кај овие занимања. До сличен заклучок се доаѓа ако платата во плико се набљудува низ призма на секторите на дејствување.

Платата во плико е најзастапена кај работниците во градежништвото (мајсторите) со 28%.

Притоа, платата во плико изнесува скоро половина од нивната формална плата. Потоа следуваат работници во услужните сектори. Сепак, платата во плико не е карактеристична за одредена возрасна или родова група Наспроти очекувањата, платата во плико не е карактеристична за одредена возраст или пол. Сепак, незначајна поголема застапеност и висина на плата во плико се забележува кај жените.

Платата во плико е разновидна набљудувано по региони.

Работниците кои примаат плата во плико се најзастапени во Пелагонискиот регион (42%), но процентот е исто така висок и Југоисточниот и Скопскиот регион (по околу 30%). Сепак, платата во плико како удел во формално-примената плата е највисока во Скопскиот регион, 57%.

 

Анализи

Во војната помеѓу банките и онлајн кредиторите, ќе победат податоците!

Објавено

на

Онлајн кредитори пристигнаа на сцена во совршено време за Силиконската долина. Излегувајќи од финансиската криза во 2008 година, банките – традиционалните заемодаватели – бавно го разбираа начинот на кој потрошувачите сакаа да пристапат до кредит и беа (разбирливо) неподготвени да преземат ризик. Наместо да се фокусираат на потребите и барањата на потрошувачите, банките беа фокусирани на други прашања: регулаторни предизвици, ограничувања на капиталот и основни технологии изградени во 1960-тите – ненамерно отворање на пар за пораст на интернет-заемодавците. (more…)

Продолжи со читање

Анализи

Кои се околностите за спојување на Дојче Банк и Комерцбанк?

Објавено

на

Не е само политичкиот пејзаж на Германија што гледа пресврт. Сега се чини дека германската влада е подготвена да го санкционира спојувањето помеѓу две од нејзините некогаш големи банкарски сили, Дојче банк и Комерцбанк. Ова се чини дека е потег за да се осигури дека Германија може да тврди дека има еден финансиски играч кој може да обезбеди доволно финансиска поддршка на германските компании дома, а особено во странство. Ова е идеја оптоварена со опасност. (more…)

Продолжи со читање

Анализи

Кој ќе биде најоштетен од воведувањето на прогресивниот данок?

Објавено

на

Повеќе од една деценија во Македонија се употребува рамниот данок. Но, дали го постигна ефектот кој што се очекуваше? Воведен под велот на рамноправност за сите граѓани, всушност го постигна спротивното односно продлабочување на јазот помеѓу богатите и сиромашните. (more…)

Продолжи со читање
P2_P_MK_300x250

Популарно

Copyright © 2018 bankarstvo.mk. All Rights Reserved. Developed by Digital Orange