Connect with us

Пакети

Cashback World и Вардар Скопје започнаа соработка

Објавено

на

Вардар Скопје и меѓународната Куповна Заедница Cashback World, управувана од Lyoness ги здружија силите во Македонија. Преку оваа соработка, Вардар Скопје ќе стане дел од меѓународната Куповна Заедница, која моментално брои преку 7 милиони Членови, а сето тоа преку Вардар Cashback Програмата.

Новата Вардар Cashback Картичка може да се користи во 47 држави насекаде во светот и при секое купување направено со оваа картичка кај Трговските Партнери, фановите ги поддржуваат младите таленти на клубот.

Како дел од оваа соработка, Cashback World, управуван од Lyoness му дава на располагање на Вардар Скопје иновативна Лојална Програма за фановите, која ја вклучува Вардар Cashback картичката, Cashback App., како и онлајн портал за купување во дизајнот на клубот. Освен тоа, ќе бидат преземени многубројни заеднички маркетинг активности кои ќе бидат во полза како за фановите, така и за клубот.

Меѓународната куповна заедница ни овозможува да допреме до голем број од нашите фанови. На овој начин, тие не само што ќе добиваат атрактивни предности при пазарувањето, туку и ќе ги поддржуваат младите играчи на клубот со секое направено купување кај Трговските Партнери. Членовите на Вардар Cashback Програмата од целиот свет ќе ги поддржуваат на овој начин нашите млади таленти”, изјави Давор Стојаноски, Извршен директор на РК Вардар.

Како функционира Вардар Cashback програмата?
– За секое купување направено кај онлајн или офлајн Трговските Партнери, Членовите на Вардар Cashback Програмата ќе добијат до 5% Cashback и дополнително ќе собираат Shopping Points, кои можат да ги искористат за специјални понуди.
– Членовите на Вардар Cashback Програмата можат да ги добијат овие предности при пазарувањето кај некој од 75.000 Трговски Партнери на Cashback World во 47 земји во светот, од кои 650 се наоѓаат во Македонија.
– До 1% од сите купувања направени од страна на фановите преку Вардар Cashback Програмата ќе одат директно за поддршка на младите таленти на клубот.
– Програмата им овозможува дури и на најмалите компании да станат дел од меѓународната Куповна Заедница и да им даваат предности за пазарување на своите потрошувачи.

За Вардар Скопје Структурата на клубот Вардар Скопје вклучува ракомет (мажи и жени) и фудбал. Во сезоната 2016/2017, машкиот ракометен клуб на Вардар Скопје ја освои престижната VELUX EHF FINAL4 Лига и на тој начин стана победник на Лига на Шампиони за прв пат. Фудбалскиот тим ја има моментално македонската шампионска титула и игра во УЕФА Лига Европа.

За Cashback World operated by Lyoness Една од таргетните групи на Cashback World се потрошувачите во целиот свет кои сакаат да заштедат пари (Cashback и Shopping Points) при пазарувањето во продавница или онлајн. Cashback Solutions е наменета за сите компании кои сакаат да користат меѓународна мултисекторска лојална програма. Cashback World, управуван од Lyoness е моментално активен во 47 земји.

7 милиони Членови ги користат предностите при пазарувањето кај речиси 75.000 Трговски Партнери низ целиот свет. Веќе неколку години, Cashback World е вклучен во спортот и воспостави многубројни соработки во полето на фудбалот, мотоциклизмот, хокејот и ракометот. Како примери кои вреди да се споменат се соработките со MotoGP™, SK Rapid Wien како и со Европската Ракометна Федерација за турнирот VELUX EHF FINAL4 од Европската Лига на Шампиони.

 

Пакети

”Juncker Plan”: 820 милиони евра за МСП како дел од соработката меѓу ЕИФ и ПроКредит Банка за поддршка на иновативни компании

Објавено

на

Европскиот Инвестициски Фонд (ЕИФ) и ПроКредит Групацијата обезбедуваат дополнителни 450 милиони евра за иновативни мали и средни компании, што вкупно изнесува 820 милиони евра пласман во кредити за бизнисите во 11 земји.

Финансирањето обезбедено од ЕИФ е пласирано преку ПроКредит Банките во Европа (Германија, Македонија, Албанија, Србија, Босна и Херцеговина, Бугарија, Грција, Романија, Молдова, Украина и Грузија) и е наменто за компании кои инвестираат во нови технологии и производи. До сега, со кредитите за иновации, ПроКредит има поддржано повеќе од 1000 иновативни мали и средни компани, а во следните години овој број ќе се зголемува.

 

Овие договори беа потпишани во согласност со InnovFin иницијативата на Европската комисија, поддржани преку програмата за истражување и иновации на ЕУ – Horizon 2020. InnovFin иницијативата им овозможува на банките да пласираат кредити за иновативни компании со гарантна шема обезбедена преку Европскиот Инвестициски Фонд. Договорот потпишан меѓу земјите членки на Европската Унија беше овозможен сo поддршка од страна на Европскиот Фонд за Стратегиско Инвестирање. Овој фонд е централен столб на Европскиот Инвестициски План за Европа, познат како “Juncker Plan”.

 

Pier Luigi Gilibert, Главен Извршен Директор на ЕИФ изјави: “Воодушевени сме што InnovFin гарантната шема за мали и средни претпријатија реализирана во соработка со ПроКредит Банка има доста позитивни резултати. Добро распространетата мрежа на ПроКредит банките, комбинирана со нивното искуство и експертиза за кредитирање на мали и средни претпријатија ни дава гаранција дека кредитите поддржани од Европската Комисија ќе бидат брзо пласирани во 11те земји каде што банката работи. Овие кредити ќе им овозможат на компаниите пристап до финансиски средства обезбедени од страна на Европска Унија и ќе го поттикнат иновативниот дух низ Европа.”

 

Jyrki Katainen, Потпретседател на Европската комисија, одговорен за вработување, раст, инвестиции и конкурентност, изјави: “Европската Комисија верува дека малите бизниси придонесуваат за развој на нови вработувања и раст во Европа. Со олеснување на пристапот до финансии, кој на претпријатијата ќе им овозможи нови инвестиции,  проширување на бизнисот и креирање нови работни места, Европска Унија активно ги поддржува малите и средни компании во Европа. Лично им посакувам голем број на успеси на претпријатијата кои го користат ова финансирање.” 

 

Борислав Костадинов, Член на Управниот Одбор на ProCredit General Partner AG (единствен управен орган на ProCredit Holding AG & Co.) изјави: “InnovFin иницијативата со сигурност ја поддржа модернизацијата на малите и средни претпријатија во земјите во кои работиме. Благодарејќи на нашиот долгорочен однос со голем број на иновативни компании и работејќи како нивна матична банка, ПроКредит банките беа во можност да финансираат иновативни проекти во голем број на индустрии, особено во секторот за производство. На наше задоволство Европскиот Инвестициски Фонд и ПроКредит Групацијата одлучија да ја прошират соработка во поглед на оваа успешна програма.”

 

 

 

Продолжи со читање

Пакети

“Grawe Real Estate Group“ ја презеде сопственоста врз ХИПЕРИУМ Бизнис Центар во Скопје, Македонија

Објавено

на

Инвеститорот во недвижности “Grawe Real Estate Group“ во целост ја презеде сопственоста врз Хипериум Бизнис Центарот во Скопје. FORTON, како партнер на CUSHMAN&WAKEFIELD за Македонија, го водеше процесот на продажба, претставувајќи го продавачот, Centrice Real estate GmbH.

 

До 14-ти јули 2017 година, Хипериум Бизнис Центарот беше во целосна сопственост на Centrice Real estate GmbH, компанија со седиште во Австрија.

Хипериум Бизнис Центарот е А класа канцелариски простор, кој се наоѓа во централната бизнис зона во Скопје. Објектот вклучува површина од 7.000 м2 за изнајмување, со 170 паркинг места. Како закупци се сместени високо репутабилни интернационални компании како што се: Triglav Insurance, OSCE, PWC, CISCO Systems итн. Благодарение на неговата премиум локација и квалитет, Хипериум Бизнис Центарот претставува објект кој генерира стабилни приходи. Атрактивната можност за инвестирање во стабилни парични текови (приходи) генерирана од стабилни закупци го привлече вниманието на домашните и странските инвеститори во процесот на продажбата.

 

Одлуката на “Grawe Real Estate Group” да го преземе Хипериум Бизнис Центарот се заснова на целосното подобрување на средината и нивната доверба во проектот. Со преземањето на Хипериум Бизнис Центарот, “Grawe Real Estate Group” ја зајакнува својата водечка позиција во недоволно снабдениот пазар на класа А канцелариски простор.

По периодот на стагнација во последните дванаесет месеци, продажбата на Хипериум Бизнис Центарот покажува дека интересите на инвеститорот се насочуваат кон недвижности кои генерираат стабилни приходи. Очекуваме дека ваквиот позитивен тренд ќе се протега и на останатите сегменти на пазарот, вели Влатко Богоевски, Генерален директор и Партнер во Forton/Cushman&Wakefield.

Forton/Cushman&Wakefield и понатаму останува водечка консултантска компанија на полето на недвижности на македонскиот пазар со трансакции со вкупен обем од повеќе од 28 милиони ЕУР во последните 8 месеци.

Продолжи со читање

Пакети

Нови пакети производи од Охридска банка Сосиете Женерал

Објавено

на

Намалени провизии и две бесплатни повлекувања на готовина од сите банкомати во земјата во секој пакет на Охридска банка Сосиете Женерал.

 

Единствени по своите карактеристики на пазарот, новите пакети на Охридска банка Сосиете Женерал, овозможуваат со само еден надомест, клиентите да ги добијат по намалени провизии најповолните банкарски производи и услуги во шест различни пакети. Она што е заедничко за сите пакети и ги прави уникатни на пазарот е бесплатно користење во првите два месеци, и можноста за две бесплатни повлекувања на готовина од банкомати на други банки во земјава, што значи дека сите банкомати во Македонија се на располагање за подигање готовина.

 

Пакетите Старт, Смарт, Супериор, Премиум, Респект и Кул се создадени според потребите на постоеките и новите клиенти на Банката. Секој пакет поединечно се однесува на конкретна целна група, во себе содржи различни производи и бенефиции, а со тоа и дава можност секој клиент да го одбере пакетот кој најмногу му одговара.

 

Старт пакетот е наменет за индивидуалци, кои користат основни производи на Банката. Надоместот од само 80 денари за овој пакет вклучува: трансакциска сметка, VISA Classic дебитна картичка, пристап до OBSGNet електронско банкарство, СМС известување, како и две бесплатни повлекувања на готовина од банкомати на други банки во земјава.

 

Смарт пакетот е наменет за клиенти кои најчесто ги користат стандарните услуги на Банката. Надоместот од само 200 денари вклучува: трансакциска сметка, VISA Classic дебитна картичка, СМС известување и две бесплатни повлекувања на готовина од банкомати на други банки во земјава. Дополнително, пакетот вклучува и кредитна картичка MasterCard Standard или VISA Classic, како и електронско или мобилно банкарство.

 

Супериор пакетот е наменет за клиенти со поголеми финансиски можности на кои им е потребно да заштедат време воедно користејќи повеќе услуги во еден пакет. Надоместот од 330 денари вклучува: трансакциска сметка, MasterCard Gold дебитна картичка, две бесплатни повлекувања на готовина од банкомати на други банки во земјава, избор помеѓу електронско или мобилно банкарство, а се нуди избор и помеѓу VISA Gold и MasterCard Gold кредитните картички.

 

Премиум пакетот е наменет за клиенти со големи очекувања од Банката, кои сакаат се во еден пакет. Надоместот од 450 денари вклучува врвни банкарски производи: трансакциска сметка, MasterCard Gold дебитна картичка, две бесплатни повлекувања на готовина од банкомати на други банки во земјава, СМС известување, електронско или мобилно банкарство, како и ексклузивна MasterCard PLATINUM кредитна картичка.

 

Респект пакетот е наменет за пензионери на кои им е важна сигурност и точна информација за своите средства во секој момент. Затоа овој пакет за надомест од само 55 денари вклучува СМС известување за сите трансакции, трансакциска сметка, две бесплатни повлекувања на готовина од банкомати на други банки во земјава, како и Visa Classic дебитна картичка.

 

Кул пакетот е наменет за студенти и млади луѓе кои се во постојано движење и внимаваат на трошоците. Затоа, надоместот од 80 денари вклучува многу бенефиции по најниска цена и тоа: трансакциска сметка, Visa Classic дебитна картичка, СМС известување, две бесплатни повлекувања на готовина од банкомати на други банки во земјава, како и мобилно банкарство.

 

Ги спакувавме најповолните банкарски производи и услуги во шест различни пакети, креирани според специфичните и различни потреби на нашите клиенти, се со цел да им го олесниме секојдневното банкарско работење, а и да им понудиме повеќе придобивки, на едно место, за само еден надомест. Па така, со користење на еден од шесте пакети за физички лица, клиентите наместо да плаќаат повеќе одделни провизии за секој производ, со отворање на пакет ќе плаќаат само една збирна и значително пониска провизија, во однос на редовната цена на производите во пакетот. Можноста за бесплатни повлекувања на готовина од банкомати од други банки во земјата, како можноста за користење на пакетите бесплатно во првите два месеци е револуционерна на македонскиот пазар и сигурни сме дека ќе биде од огромно значење за сите наши постоечки и нови клиенти, од аспект на заштеда на време и заштеда на средства“, изјави Елена Глигоровска, Раководител на Дирекција за корисничко искуство, маркетинг и комуникации.

 

Повеќе информации за пакетите, клиентите можат да најдат на веб страницата на Охридска Банка Сосиете Женерал, www.ohridskabanka.mk, и во експозитурите на Банката ширум земјата. 

Продолжи со читање
P2_P_MK_300x250
[ccpw id="39761"]

Популарно

Copyright © 2018 bankarstvo.mk. All Rights Reserved. Developed by Digital Orange